മകന് വേണ്ടി ഷര്‍ട്‌ലെസായി ഷാരൂഖ്;  മകന്റെ വസ്ത്ര കമ്പനിക്ക് വേണ്ടി പുതിയ ഫോട്ടോഷൂട്ടുമായി താരം  

ഏറെ ആരാധകരുള്ള പ്രിയ താരമാണ് നടന്‍ ഷാരൂഖ് ഖാന്‍. ഇപ്പോഴിതാ താരത്തിന്റെ ഒരു പുതിയ ചിത്രമാണ് സോഷ്യല്‍ മീഡിയയില്‍ വൈറലാകുന്നത്. തന്റെ ഷര്‍ട്‌ലെസായിട്ടുള്ള ഒരു ഫോട്ടോയാണ് താരം പങ്കുവച്ച് എത്തിയിരിക്കുന്നത്.

മകന്‍ ആര്യന്‍ ഖാന് വേണ്ടിയാണ് തന്റെ പുതിയ ഫോട്ടോഷൂട്ട് എന്നാണ് താരം പറയുന്നത്. ഇതോടെ എന്താണ് സംഭവം എന്നറിയാനായി ആരാധകര്‍ക്ക് തിടുക്കം. മകന്റെ വസ്ത്ര കമ്പനിക്ക് വേണ്ടി ഷാരൂഖ് ഖാന്‍ മോഡലായിരുന്നു.

ഷാരൂഖ് ഖാന്‍ ഷര്‍ട്‌ലെസ്സായ ഫോട്ടോ താരത്തിന്റെ മാനേജര്‍ പൂജ സാമൂഹ്യ മാധ്യമത്തില്‍ പങ്കുവെച്ചു. എല്ലാം ശരി പക്ഷേ എന്തായാലും തനിക്ക് പുതിയ കുറച്ച് വസ്ത്രങ്ങള്‍ നല്‍കുമോ എന്ന് ഷാരൂഖ് ഖാന്‍ മാനേജരുടെ പോസ്റ്റിന് കമന്റായി ചോദിച്ചു.

ഷാരൂഖ് ഖാന്‍ നായകനായി ഒടുവിലെത്തിയ ചിത്രം ഡങ്കിയാണ്. ഷാരൂഖ് ഖാന്‍ നായകനായ ഒരു ചിത്രം റിലീസ് ചെയ്യുമ്പോഴുള്ള ആര്‍പ്പുവിളികളോടെയല്ല ഡങ്കി എത്തിയത് എന്ന് പ്രതികരണങ്ങളില്‍ നിന്ന് വ്യക്തമായിരുന്നു. എന്നാല്‍ പിന്നീട് ഡങ്കി സ്വീകരിക്കപ്പെടുകയായിരുന്നു. ആക്ഷന്‍ ഴോണറില്‍ അല്ലാതിരുന്ന ഒരു ചിത്രമായിട്ടും ആഗോളതലത്തില്‍ ഷാരൂഖ് ഖാന്റെ ഡങ്കിക്ക് മികച്ച സ്വീകാര്യത ലഭിച്ചിരുന്നു.