ഇടവേളയ്ക്ക് ശേഷം 'സിറ്റഡല്‍' എന്ന വെബ് സിരീസിന് ശേഷം ഏഴ് മാസം താരം ഇടവേള എടുത്തിരുന്നു. ആരോഗ്യപരമായ കാരണങ്ങളാലാണ് ജോലിയില്‍ നിന്ന് വിട്ടുനില്‍ക്കാന്‍ നടി തീരുമാനിച്ചത്. എന്നാല്‍ പോഡ്കാസ്റ്റിലൂടെയാണ് നടി തിരിച്ചുവരവ് നടത്തുന്നതായി അറിയിച്ചിരുന്നു.
ഇപ്പോള്‍ പോഡ്കാസ്റ്റിലൂടെ രോഗത്തെക്കുറിച്ച് നടി പങ്ക് വച്ചിരിക്കുകയാണ്. രോഗം ബാധിക്കുന്നതിന് മുമ്പുള്ള വര്‍ഷം ഞാന്‍ പ്രത്യേകമായി ഓര്‍ക്കുന്നു. അത് എനിക്ക് വളരെ ബുദ്ധിമുട്ടുള്ള വര്‍ഷമായിരുന്നു. ഞാനും എന്റെ സുഹൃത്തും മാനേജരുമായ ഹിമാങ്കും മുംബയില്‍ നിന്ന് മടങ്ങുകയായിരുന്നു. ആ ദിവസം ഞാന്‍ പ്രത്യേകം ഓര്‍ക്കുന്നു. ഇത് കഴിഞ്ഞ വര്‍ഷം ജൂണിലായിരുന്നു, ഒടുവില്‍ എനിക്ക് ശാന്തത തോന്നുന്നു എന്ന് ഞാന്‍ അവനോട് പറഞ്ഞത് ഓര്‍ക്കുന്നു'.
വളരെക്കാലമായി എനിക്ക് വിശ്രമവും ശാന്തതയും തോന്നിയിട്ടില്ല. ഒടുവില്‍ എനിക്ക് ശ്വസിക്കാനും ഉറങ്ങാനും കഴിയുന്നു. എനിക്ക് ഇപ്പോള്‍ ഉണര്‍ന്ന് എന്റെ ജോലിയില്‍ ശ്രദ്ധ കേന്ദ്രീകരിക്കാനും ഏറ്റവും നന്നായി ചെയ്യാനും കഴിയുന്നു. ആ അവസ്ഥയില്‍ നിന്നും ഉണര്‍ന്നു. ഈ പോഡ്കാസ്റ്റ് ചെയ്യാന്‍ ഞാന്‍ ആഗ്രഹിച്ചതിന്റെ കാരണം, ആ രോഗത്തിന് പിന്നാലെ ഞാന്‍ അനുഭവിച്ച വേദനാജനകമായ അനുഭവം തുറന്നുപറയുന്നതിന് വേണ്ടിയാണ്'- സാമന്ത പറഞ്ഞു.
വിജയ് ദേവരകൊണ്ടയുടെ 'കുഷി' എന്ന ചിത്രത്തിലാണ് സമാന്ത അവസാനമായി അഭിനയിച്ചത്. 2023-ലെ ഹിറ്റ് ചിത്രങ്ങളിലൊന്നായിരുന്നു കുഷി. പ്രൈം വീഡിയോയില്‍ പ്രീമിയര്‍ ചെയ്യുന്ന 'സിറ്റാഡല്‍: ഇന്ത്യ' എന്ന തന്റെ വരാനിരിക്കുന്ന ഷോയുടെ റിലീസിനായി താരം കാത്തിരിക്കുകയാണ്. വരുണ്‍ ധവാനും അഭിനയിക്കുന്ന സ്പൈ ത്രില്ലര്‍ രാജ്, ഡികെ എന്നിവര്‍ ചേര്‍ന്നാണ് സംവിധാനം ചെയ്തിരിക്കുന്നത്.
കുഷി'യ്ക്ക് ശേഷം, മയോസിറ്റിസ് രോഗനിര്‍ണയത്തിന് ശേഷം തന്റെ ആരോഗ്യം സംരക്ഷിക്കുന്നതിനായി സാമന്ത ജോലിയില്‍ നിന്ന് ഇടവേള എടുത്തു. തന്റെ വരാനിരിക്കുന്ന പ്രോജക്ടുകള്‍ താരം ഉടനെ പ്രഖ്യാപിക്കുമെന്ന പ്രതീക്ഷയിലാണ് ആരാധകര്‍.
തെന്നിന്ത്യയില്‍ ഒരു കാലത്ത് ഏറ്റവും കൂടുതല്‍ ആരാധകരുള്ള താരദമ്പതികളായിരുന്നു സാമന്തയും നാഗചൈതന്യയും. അപ്രതീക്ഷിതമായ ഇവരുടെ വിവാഹ മോചനം ആരാധകരെ ശരിക്കും ഞെട്ടിച്ചിരുന്നു. 'യെ മായ ചെസവ' എന്ന ചിത്രത്തില്‍ ഒരുമിച്ച് അഭിനയിക്കുമ്പോഴായിരുന്നു ഇരുവരും തമ്മിലുള്ള സൗഹൃദം ആരംഭിച്ചത്. സൗഹൃദം വളര്‍ന്ന് പ്രണയമായി പിന്നീട് വിവാഹത്തിലേക്ക് എത്തുകയായിരുന്നു. വിവാഹത്തിന് ശേഷമായിരുന്നു സാമന്തയുടെ കരിയറില്‍ ഒരുപാട് മാറ്റങ്ങള്‍ സംഭവിച്ചത്.
എന്നാല്‍ പിന്നീട് ഇരുവരും തമ്മിലുള്ള വിവാഹമോചന വാര്‍ത്തകളാണ് സിനിമ ലോകം കേട്ടത്. നടിയുടെ കരിയറിലെ തിരക്കുകളാണ് വിവാഹബന്ധത്തില്‍ വിള്ളലുണ്ടാക്കിയതെന്ന റിപ്പോര്‍ട്ട് പുറത്തുവന്നിരുന്നു. എന്നാല്‍ എന്താണ് വ്യക്തമായ കാരണമെന്ന് ഇതുവരെ ആരാധകര്‍ക്ക് പോലും അറിയില്ല.
Premium Lifestyle and Entertainment website
പറവ ഫിലിംസിലെ റെയ്ഡില്‍ കണ്ടെത്തിയത് 60 കോടിയുടെ നികുതി വെട്ടിപ്പ്; സൗബിന്‍ ഷാഹിറിനോട് വിശദീകരണം തേടും; ആദായനികുതി ഇനത്തില്‍ 44 കോടി അടച്ചില്ല; പരിശോധന അവസാനിച്ചിട്ടില്ലെന്ന് ആദായനികുതി വകുപ്പ് 
ഏഴു വയസ്സായ സമയത്ത് ഞാന്‍ തീരുമാനിച്ചു എന്റെ മകളുടെ പേര് എന്താണെന്ന്;മകളുടെ പേര് ശരീരത്തില്‍ ടാറ്റൂ ചെയ്തു; എനിക്ക് കുഞ്ഞ് വേണമെങ്കില്‍ ദത്തെടുക്കാനും ആലോചിച്ചു; പാര്‍വ്വതി തിരുവോത്ത് പങ്ക് വച്ചത്