തെന്നിന്ത്യന് സിനിമയില് ഏറ്റവും കൂടുതല് ആരാധകരുള്ള താരങ്ങളില് ഒരാളാണ് പ്രഭാസ്. ബാഹുബലിക്കു ശേഷം ഇന്ത്യയില് ഒട്ടുമിക്ക ഭാഷയിലും ആരാധകര് വര്ധിച്ചു. ബാഹുബലിയുടെ വിജയത്തിനു ശേഷം വലിയ വിജയങ്ങള് താരത്തിനുണ്ടാ യിട്ടില്ലെങ്കിലും താരത്തിന്റെ വമ്പന് തിരിച്ചു വരവിന് കാത്തിരിക്കുകയാണ് ആരാധകര്.
ഇതില് ഏറെ പ്രതീക്ഷ നല്കുന്ന ചിത്രമാണ് കെജിഎഫ് സംവിധായകന് പ്രശാന്ത് നീല് സംവിധാനം ചെയ്യുന്ന സലാര്. സലാറിന്റെ ചിത്രീകരണം പുരോഗമിക്കുകയാണെന്നാണ് ഏറ്റവും പുതിയ വിവരം. ഇതിനിടയിലാണ് ഒരു ആരാധകന്റെ കത്ത് വൈറലാകുന്നത്.
സിനിമയുടെ അപ്ഡേറ്റുകള് ഒന്നും വരുന്നില്ല എന്ന കാരണത്താല് ആത്മഹത്യാഭീഷണിയുമായി രംഗത്തെത്തിയിരിക്കുകയാണ് ഒരു പ്രഭാസ് ആരാധകന്. ആരാധകന് പ്രശാന്ത് നീലിന് എഴുതിയ ആത്മഹത്യ ഭീഷണി കത്ത് സമൂഹ മാധ്യമങ്ങളില് വൈറലാണ്.
സലാറിന്റെ ഗ്ലിംസിനെക്കുറിച്ചുള്ള അപ്ഡേറ്റ് ഉടന് പുറത്തുവിടുമെന്നാണ് സംവിധായകന് പ്രശാന്ത് നീല് നേരത്തെ പറഞ്ഞിരുന്നത്. എന്നാല് ഒരു മാസം പിന്നിട്ടിട്ടും യാതൊരു അപ്ഡേറ്റുകളും വന്നിട്ടില്ല. സംവിധായകനോടും നിര്മ്മാതാക്കളോടും ചോദിച്ച് തങ്ങള്ക്ക് മടുത്തു.
നേരത്തെ 'സാഹോ'യ്ക്കും 'രാധേ ശ്യാമി'നും ഇത് തന്നെ സംഭവിച്ചു. സലാറിന്റെ വിഷയത്തില് ഇത് ആവര്ത്തിക്കാന് അനുവദിക്കില്ല. ഈ മാസാവസാനത്തോടെ സലാറിന്റെ ഗ്ലിംസ് പുറത്തുവിടാത്ത പക്ഷം താന് ആത്മഹത്യ ചെയ്യുമെന്നാണ് ആരാധകന് കത്തില് പറയുന്നത്.
അതേസമയം സലാര് അടുത്ത വര്ഷം റിലീസ് ചെയ്യുമെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്. പ്രഭാസിനൊപ്പം പൃഥ്വിരാജ്, ശ്രുതി ഹാസന്, ജഗപതി ബാബു എന്നിവരും സിനിമയില് മറ്റ് പ്രധാന കഥാപാത്രങ്ങളെ അവതരിപ്പിക്കും. സലാറില് പ്രഭാസ് ഒരു അധോലോക നായകനായാണ് എത്തുന്നത്.
Premium Lifestyle and Entertainment website
'അമ്മയുമായുള്ള ആകെ ബന്ധം പൈസ ചോദിക്കുന്നതു മാത്രം': അപകടം സംഭവിച്ചതറിഞ്ഞപ്പോള് അമ്മ കൂടെ ഉണ്ടായിരുന്നുവെന്ന് ഞാന് പറഞ്ഞിട്ടില്ല; വ്യക്തത വരുത്തി കിച്ചു; രേണുവിന് പിന്തുണച്ചും ജാസിയും ഹെയ്ദി സാദിയും അടക്കം വ്ളോഗര്മാര്; വിമര്ശകര്ക്ക് മറുപടി നല്കി രേണവും
അപ്പൂപ്പന്റെ മരണവും കണ്ടന്റാക്കും, നാണംകെട്ടവര്'; നരകത്തിന് പോലും ഒരു മാന്യതയുണ്ട്'; അച്ഛന്റെ മരണം കണ്ടന്റാക്കിയെന്ന് ആക്ഷേപം; സിന്ധു കൃഷ്ണയുടെ പോസ്റ്റിന് കമന്റിട്ട വ്യാജന് അഹാനയുടെ മറുപടി; പിന്തുണയുമായി ആരാധകര്