മാനസാന്തരം വന്ന പോണ്‍ താരം സുവിശേഷ പ്രാസംഗികായി; ഡെ ല മോറയുടെ ജീവിതം മാറി മറിഞ്ഞ കഥ 

പോണ്‍ താരങ്ങള്‍ എപ്പോഴും വാര്‍ത്തകളില്‍ നിറയാറുണ്ട്. മാനസാന്തരത്തിലൂടെ പുതിയ ജീവിതത്തിലെത്തിയിരിക്കുകയാണ് ഇപ്പോള്‍ മെക്‌സിക്കോയിലെ പോണ്‍ താരം ബ്രിട്ടിണി ഡെ ല മോറ. ലഹരിക്കടിമായ ഞാന്‍ നീല ചിത്രങ്ങളിലേക്ക് വഴുതിമാറുകായിരുന്നെന്നും ഇപ്പോള്‍ താന്‍ സാത്വിക ജീവിതം നയിക്കുകയാണെന്നും താരം പറയുന്നു.

ഒരു കാലഘട്ടത്തില്‍ യുവാക്കളുടെ ഹരമായിരുന്നു ബ്രിട്ടിണി ഡെ ല മോറ. മറ്റ് പോണ്‍ താരങ്ങളെ നേര്‍വഴിക്ക് നടത്താനുള്ള ശ്രമത്തില്‍ ഏറെക്കുറെ വിജയിച്ചെന്നാണ് പറയുന്നത്. ആറ് വര്‍ഷങ്ങള്‍ക്ക് മുമ്പ് ബ്രിട്ടിണി ലഹരിക്ക് അടിമയായിരുന്നു.പലപ്പോഴും വാടക കൊടുക്കാന്‍ പോലും സാധിക്കാതെ വന്നപ്പോള്‍ ആത്മഹത്യയെ കുറിച്ചുപോലും ചിന്തിച്ചിട്ടുണ്ടെന്നും താരം പറയുന്നു.
ലഹരിക്കടിമായയ താരം അപ്രതീക്ഷിതമായിട്ടാണ്  പോണ്‍ ഇന്‍ഡസ്ട്രിയില് എത്തിപ്പെടുന്നത്. പിന്നീട് അങ്ങോട്ട് 375 പോണ്‍ വീഡിയോകളില്‍ താരം അഭിനയിച്ചു. ലോകത്തിലെ ഏറ്റവും ചൂടന്‍ പോണ്‍താരം എന്നാണ് ഇവര്‍ അറിയപ്പെട്ടിരുന്നത്. ആയിരക്കണക്കിന് ഡോളറുകള്‍ ഒരു മാസം മയക്കുമരുന്നുകള്‍ക്ക് മാത്രമായി ചിലവിട്ടിരുന്നെന്ന് അവര്‍ പറയുന്നു. 31 വയസുള്ള ബ്രിട്ടണി പള്ളിയില്‍ പോയി പിന്നീട് സുവിശേഷ പ്രാസംഗികയായി മാറുകയായിരുന്നു. തന്റെ ജീവിതം തന്നെ ഇതിനായി മാറ്റിവെയ്ക്കാന്‍ ഇവര്‍ തീരുമാനിക്കുകയായിരുന്നു. മാത്രമല്ല പോണ്‍ താരങ്ങളെ നേര്‍വഴിക്ക് നടത്തുവാനായും ഇവര്‍ ശ്രമിച്ചു.

16 വയസിലാണ് ബ്രിട്ടണി പോണ്‍ ഇന്‍ഡസ്ട്രിയില്‍ എത്തുന്നത്. സുഹൃത്തിനൊപ്പം മെക്സിക്കോയിലേക്കുള്ള യാത്രക്കിടയിലാണ് ബ്രിട്ടണിയുടെ ജീവിതം കീഴ്മേല്‍ മറിയുന്നത്. ഒരു നൈറ്റ്ക്ലബ്ബില്‍ എത്തിയ ശേഷം മദ്യപിച്ച് ലക്ക് കെട്ടതോടെയാണ് താരത്തിന്റെ പോണ്‍ ജീവിതം ആരംഭിക്കുന്നത്. തുടര്‍ന്ന് താരം എത്തി ചേര്‍ന്നത് അഡള്‍ട്ട് ചിത്രം നിര്‍മ്മാതാക്കളുടെ പക്കല്‍ ആയിരുന്നു. ഇതോടെ താരം കുപ്രസിദ്ധയായി. രണ്ട് മാസത്തിന് ശേഷം ഇവര്‍ ഹെറോയിന് അടിമയായി.

പിന്നീട് ആറ് വര്‍ഷങ്ങള്‍ക്ക് മുമ്ബ് ബ്രിട്ടണി പോണ്‍ ഇന്‍ഡ്സ്ട്രിയോട് വിടപറയുകയായിരുന്നു. പിന്നീട് പള്ളിയും പ്രാര്‍ത്ഥനകളുമായി ജീവിക്കുകയായിരുന്നു ഇവര്‍. തുടര്‍ന്ന് സുവിശേഷ പ്രാസംഗികയായി മാറാനും മറ്റ് അഡള്‍ട് താരങ്ങളെ നേര്‍വഴിക്ക് നടത്താനും ശ്രമിക്കുകയാണ് ബ്രിട്ടണി.