രണ്ട് തലമുറകളുടെ പ്രണയം പ്രമേയമാക്കി ബെന്സി പ്രൊഡക്ഷന്സിന്റെ ബാനറില് ബെന്സി നാസര് നിര്മ്മിച്ച് നവാഗത സംവിധായകന് ശ്രീദേവ് കപ്പൂര് സംവിധാനം ചെയ്യുന്ന ചിത്രം ലൗ എഫ് എം 2020 ജനുവരി 24 ന് തിയേറ്ററിലേക്ക എത്തുകയാണ്. അപ്പാനി ശരത്തിനെ കേന്ദ്രകഥാപാത്രമാക്കി ഒരുക്കുന്ന ലൗ എഫ് എം വ്യത്യസ്തമായ പ്രണയാനുഭവമാണ് സമ്മാനിക്കുന്നത്. വ്യത്യസ്തമായ പ്രണയം ഇതിവൃത്തമായി വരുന്ന ഈ ചിത്രം രണ്ട് കാലഘട്ടത്തിലെ പ്രണയമാണ് അവതരിപ്പിക്കുന്നത്. യുവനടന്മാരില് പ്രേക്ഷക ശ്രദ്ധ നേടിയ ടിറ്റോ വില്സണ്, സിനോജ് അങ്കമാലി, ജിനോ ജോണ്, വിജിലേഷ്, നിര്മ്മല് പാലാഴി തുടങ്ങിയവരും ഈ ചിത്രത്തില് നായകന്റെ കൂട്ടാളികളായി വരുന്നു. ഒരു ടീമായി ഇവര് വെള്ളിത്തിരയില് എത്തുന്നതും ചിത്രത്തിന്റെ പുതുമയാണ്. ചിത്രത്തില് സിനില് സൈനുദ്ദീനാണ് പ്രതിനായകവേഷത്തില് എത്തുന്നത്. ഏതൊരു മലയാളികളുടെയും ഗൃഹാതുര ഓര്മ്മയായി മാറിയ റേഡിയോ ഈ ചിത്രത്തില് പ്രേക്ഷകര്ക്ക് ഒരു നവ്യാനുഭവമായി മാറുകയാണ്. ഒരു വികാരമായി റേഡിയോ നെഞ്ചിലേറ്റിയ പഴയ തലമുറയുടെ പ്രണയവും വിരഹവും സന്തോഷവും സങ്കടങ്ങളും ഒക്കെ ചിത്രത്തില് ഒപ്പിയെടുക്കുന്നു. ആ മനോഹരമായ റേഡിയോകാലം ലൗ എഫ് എമ്മില് പുനര്ജനിക്കുകയാണ്.
ടിറ്റോ വില്സണും നായക തുല്യമായ കഥാപാത്രമാണ് അവതരിപ്പിക്കുന്നത്. അപ്പാനി ശരത്ത് അവതരിപ്പിക്കുന്ന (ഗസല്) കഥാപാത്രത്തിന്റെ ജീവിതത്തിലുണ്ടാകുന്ന ആകസ്മികമായ ചില സംഭവങ്ങളിലൂടെയാണ് ചിത്രത്തിന്റെ കഥ വികസിക്കുന്നത്. ക്യാമ്പസ് ജീവിതം സിനിമയില് പറഞ്ഞുപോകുന്നുണ്ടെങ്കിലും ഈ ചിത്രം ഒരു ക്യാമ്പസ് മൂവിയല്ലെന്ന് സംവിധായകന് ശ്രീദേവ് കപ്പൂര് പറഞ്ഞു. ലൗ എഫ് എം ഒരു ഫാമിലി എന്റര്ടെയ്നറാണ്. എല്ലാത്തരം പ്രേക്ഷകരെയും രസിപ്പിക്കുന്നതാണ് ഈ സിനിമ. പ്രണയമാണ് പ്രമേയമെങ്കിലും പൊതുവെ മലയാള സിനിമയില് ആവിഷ്ക്കരിച്ചുവന്ന പ്രണയചിത്രങ്ങളില് നിന്നെല്ലാം തികച്ചും വ്യത്യസ്തമാണ് ലൗ എഫ് എം. രണ്ട് കാലഘട്ടങ്ങളിലെ കഥയാണ് അവതരിപ്പിക്കുന്നത്. സ്വാഭാവികമായും ആ കാലഘട്ടത്തിലെ സാമൂഹ്യവിഷയങ്ങളും ജീവിത സാഹചര്യങ്ങളും ചിത്രം ചര്ച്ച ചെയ്യുന്നുണ്ട്. ഗൗരവമായിട്ടല്ല വളരെ ലളിതമായിട്ടും തമാശയും കലര്ത്തിയാണ് ലൗ എഫ് എം പ്രേക്ഷകരില് എത്തുന്നതെന്നും സംവിധായകന് പറഞ്ഞു.
ജാനകി കൃഷ്ണന് , മാളവിക മേനോന്, എം 80 മൂസ ഫെയിം അഞ്ജു എന്നിവരാണ് നായികമാര്. ചെറിയ ഇടവേളയ്ക്ക് ശേഷം പാലയ്ക്കല് തങ്ങളെന്ന ശ്രദ്ധേയ കഥാപാത്രമായി ദേവന് ഈ ചിത്രത്തിലൂടെ തിരിച്ചെത്തുന്നതും മറ്റൊരു പുതുമയാണ്. പ്രണയഗാനം ഉള്പ്പെടെ അഞ്ച് ഗാനങ്ങളും ചിത്രത്തിലുണ്ട്. തലശ്ശേരി, കണ്ണൂര്, കോഴിക്കോട്, പൊന്നാനി, മാഹി, കാസര്കോട് തുടങ്ങിയ ലൊക്കേഷനുകളിലായി ഒറ്റ ഷെഡ്യൂളിലാണ് ചിത്രം പൂര്ത്തീകരിച്ചത്.
അപ്പാനി ശരത്ത്, ടിറ്റോ വില്സണ്, ജിനോ ജോണ്, സിനോജ് അങ്കമാലി, ജിനോ ജോണ്, വിജിലേഷ്,നിര്മ്മല് പാലാഴി, ദേവന്, മാമുക്കോയ, മണികണ്ഠന് പട്ടാമ്പി, സുനില് സുഗത, ശശി കലിംഗ, സാജു കൊടിയന്, ബിറ്റോ, ആലങ്കോട് ലീലാകൃഷ്ണന്, അബു വളയംകുളം, വിജയന് കോഴിക്കോട്, ജെയിംസ് ഏലിയ, ബോബന് ആലമ്മൂടന്, അഷറഫ് ഗുരുക്കള്, ആനന്ദ് കോഴിക്കോട്, സിനില് സൈനുദ്ദീന്, അല്ക്കു, സച്ചിന്, വിനോഷ്, ആകാശ് ദേവ്, സുബീഷ് ഭാസ്ക്കര്, ദിലീപ് പൊന്നാനി, ഹരിദാസ് പൊന്നാനി, ഷബിന്, അഡ്വ. നിഖില്, ജാനകി കൃഷ്ണന്, മാളവിക മേനോന്, അഞ്ചു,നീനാകുറുപ്പ്, ദിവ്യ, അഞ്ജലി, ശ്രീക്കുട്ടി, ഡോ.ഉമ, കൂബ്ര, ഐറിന്, ആഷ്ലി, ബേബി അനശ്വര, ബേബി പിങ്കി ,എന്നിവരാണ് അഭിനേതാക്കള്.
ബാനര്-ബെന്സി പ്രൊഡക്ഷന്സ്, നിര്മ്മാണം-ബെന്സി നാസര്, സംവിധാനം-ശ്രീദേവ് കപ്പൂര്,രചന-സാജു കൊടിയന്, പി.ജിംഷാര്, ഛായാഗ്രഹണം - സന്തോഷ് അനിമ, ഗാനരചന- കൈതപ്രം, ആലങ്കോട് ലീലാകൃഷ്ണന്, ഒ.എം.കരവാരക്കുണ്ട്, ഉണ്ണികൃഷ്ണന് വാര്യര്, സംഗീതം - കൈതപ്രം വിശ്വനാഥന്, അഷ്റഫ് മഞ്ചേരി, പ്രദീപ് സാരണി, പശ്ചാത്തല സംഗീതം-ഗോപിസുന്ദര്, പ്രൊഡക്ഷന് കണ്ട്രോളര്- ദീപക് പരമേശ്വരന്, പ്രൊ.എക്സിക്യൂട്ടീവ് വിനോഷ് കൈമള്, എഡിറ്റിങ്- ലിജോ പോള്, ആര്ട്ട് ഡയറക്ടര് - രഞ്ജിത് കോത്തേരി, കോസ്റ്റ്യും - കുമാര് എടപ്പാള്, മേക്കപ്പ് - മനോജ് അങ്കമാലി, കൊറിയോഗ്രാഫി - അരുണ് നന്ദകുമാര്, ആക്ഷന് ഡയറക്ടര് - അഷ്റഫ് ഗുരുക്കള്, പിആര്ഒ - പി ആര് സുമേരന് , അസോ. ഡയറക്ടര്സ് - സന്തോഷ് ലാല് അഖില് സി തിലകന്, സ്റ്റില്സ്- നൗഷാദ് കണ്ണൂര് തുടങ്ങിയവരാണ് അണിയറപ്രവര്ത്തകര്.
Premium Lifestyle and Entertainment website
ലൂക്ക' സംവിധായകന് അരുണ് ബോസ് ഒരുക്കുന്ന ചിത്രം; വിസ്മയ മോഹന്ലാല് പ്രധാന വേഷത്തില്; ചിത്രീകരണം ഉടന് ആരംഭിക്കും; പോസ്റ്റര് പുറത്ത്
അന്സിബ ഹസനെ സോഷ്യല് മീഡിയയിലൂടെ അപമാനിച്ചെന്ന പരാതിയില് നടി ലക്ഷ്മിപ്രിയക്കെതിരെ കേസെടുക്കാന് നിര്ദ്ദേശിച്ച് കോടതി; ഉത്തരവില് സന്തോഷമെന്നും സാധാരണ പൗരന് പോലീസ് സ്റ്റേഷനില് പോയാല് നീതി കിട്ടില്ല എന്നത് കഷ്ടം എന്നും പ്രതികരിച്ച് അന്സിബ