തമിഴകത്തിന്റെ നായകന്‍ സൂര്യയും ഹിറ്റ് മേക്കര്‍ കാര്‍ത്തിക് സുബ്ബരാജും ഒന്നിക്കുന്നു. 'ലവ് ലാഫ്റ്റര്‍ വാര്‍' എന്ന ഹാഷ്ടാഗോടെ സംവിധായകന്‍ കാര്‍ത്തിക് തന്നെയാണ് 'സൂര്യ 44' ന്റെ അനൗണ്സ്മെന്റ് പോസ്റ്റര്‍ സാമൂഹ്യമാധ്യമങ്ങളിലൂടെ പുറത്തുവിട്ടത്. കാര്‍ത്തിക്കും സൂര്യയും പുതിയ ചിത്രത്തിനായി ഒന്നിക്കുന്ന വാര്‍ത്ത ആരാധകര്‍ ഇരു കൈയും നീട്ടിയാണ് സ്വീകരിച്ചിരിക്കുന്നത്.
കാര്‍ത്തിക്കിന്റെ പോസ്റ്റിന് താഴെ വിജയാശംസകളുമായി ഗംഭീര വരവേല്‍പ്പാണ് ചിത്രത്തിന് ലഭിക്കുന്നത്. 'ഒരു കാര്‍ത്തിക് സുബ്ബരാജ് പടം', 'സൂര്യ 44' എന്നാണ് പോസ്റ്ററിലുള്ളത്. സൂര്യയുടെ സ്വന്തം പ്രൊഡക്ഷന്‍ ഹൗസായ 2ഡി എന്റര്‍ടൈന്‍മെന്റിന്റെ ബാനറില്‍ സൂര്യ, ജ്യോതിക, രാജ്‌ശേഖര്‍, കര്‍പൂര സുന്ദരപാണ്ഡ്യന്‍ എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം.
കാര്‍ത്തിക് സംവിധാനത്തില്‍ ഒരുങ്ങുന്ന ചിത്രത്തിന്റെ അനൗണ്സ്മെന്റ് പോസ്റ്റര്‍ സൂര്യയും പങ്കുവച്ചിട്ടുണ്ട്. പ്രണയം, ചിരി, പോരാട്ടം എന്നാണ് ചിത്രത്തെ സൂര്യ വിശേഷിപ്പിച്ചിരിക്കുന്നത്. ചിത്രത്തിന്റെ മറ്റ് അപ്‌ഡേറ്റുകള്‍ക്കായി കാത്തിരിക്കുകയാണ് ആരാധകര്‍.
'കങ്കുവ'യാണ് സൂര്യ നായകനായി അടുത്ത് പ്രദര്‍ശനത്തിന് ഒരുങ്ങുന്ന ചിത്രം. പാന്‍ ഇന്ത്യ ചിത്രമാണിത്. എസ് ജെ സൂര്യയും രാഘവാ ലോറന്‍സും മുഖ്യവേഷങ്ങളിലെത്തിയ 'ജിഗര്‍തണ്ട 2' ആയിരുന്നു കാര്‍ത്തിക് സുബ്ബരാജിന്റെ സംവിധാനത്തില്‍ ഒടുവില്‍ പുറത്തിറങ്ങിയ ചിത്രം. തിയേറ്ററില്‍ മികച്ച വിജയം നേടിയ ചിത്രമാണ് 'ജിഗര്‍തണ്ട 2'.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം