സഹതാരമായി എത്തി പ്രേക്ഷകരുടെ ഇഷ്ടതാരമായി മാറിയ വ്യക്തിയാണ് ജോജു ജോര്‍ജ്. പുള്ളിപ്പുലിയും ആട്ടിന്‍കുട്ടിയും തുടങ്ങി നിരവധി ശ്രദ്ധിക്കപ്പെട്ട സിനിമകളില്‍ മികച്ച വേഷങ്ങളാണ് ജോജുവിനെ തേടിയെത്തിയത്. എം. പ്തമകുമാര്‍ സംവിധാനം ചെയ്ത ജോസഫില്‍ നായക കഥാപാത്രമായിട്ടുള്ള ജോജുവിന്റെ മരണമാസ് പ്രകടനമാണ് ആരാധകര്‍ കാത്തിരിക്കുന്നത്. ചിത്രത്തിന്റെ ട്രെയിലറും ഗാനങ്ങളും ആരാധകര്‍ ഏറ്റെടുത്തിരുന്നു. ചിത്രത്തില്‍ താനാണ് നായകന്‍ എന്നറിഞ്ഞപ്പോള്‍ മുന്‍നിര നായികമാരില്‍ നിന്ന് നേരിട്ട അവഗണന വെളിപ്പെടുത്തി രംഗത്തെത്തിയിരിക്കുകയാണ് താരം.
സഹതാരമായി സിനിമയിലെത്തങ്കിലും ജോജു ജോര്ജിന്റെ കഥാപാത്രങ്ങള്‍ ശ്രദ്ധനേടി കൊടുത്തത് പുള്ളിപ്പുലിയും ആട്ടിന്‍ കുട്ടിയും എന്ന ചിത്രത്തിന് ശേഷമായിരുന്നു. ആക്ഷന്‍ ഹീറോ ബിജുവിലെ പോലീസുകാരന്റെ വേഷവും വളരെ മികച്ച രീതിയിലാണ് അദ്ദേഹം കൈകാര്യം ചെയ്തത്. ഉദാഹരണം സുജാത, ചാര്‍ലി തുടങ്ങിയ സിനിമകളുടെ നിര്‍മ്മാണത്തിലും അദ്ദേഹം പങ്കാളിയായിരുന്നു. ജോസഫ് എന്ന ചിത്രമാണ് അടുത്തതായി തിയേറ്ററുകളിലേക്കെത്താനൊരുങ്ങുന്നത്. എം പത്മകുമാര്‍ സംവിധാനം ചെയ്യുന്ന സിനിമയുടെ റിലീസിനായി കാത്തിരിക്കുകയാണ് ആരാധകര്‍. റിട്ടയേര്‍ഡ് പോലീസ് ഉദ്യോഗസ്ഥനായ ജോസഫായാണ് താരമെത്തുന്നത്. താരത്തിന്റെ മേക്കോവറിനെക്കുറിച്ചും സിനിമയെക്കുറിച്ചുമൊക്കെയുള്ള ചര്‍ച്ചകള്‍ സോഷ്യല്‍ മീഡിയയില്‍ സജീവമായി നടക്കുന്നുണ്ട്. ജോസഫിന്റെ ജീവിതത്തില്‍ സംഭവിക്കുന്ന അപ്രതീക്ഷിത സംഭവങ്ങളിലൂടെയാണ് സിനിമ മുന്നേറുന്നത്.
ജൂനിയര്‍ ആര്‍ടിസ്റ്റായി സിനിമയിലേക്കെത്തിയതാണ് ജോജു ജോര്‍ജ്. 20 വര്‍ഷം പൂര്‍ത്തിയാക്കുന്നതിനിടയിലാണ് അദ്ദേഹത്തെ തേടി മികച്ച കഥാപാത്രങ്ങളെത്തിയത്. സനല്‍കുമാര്‍ ശശിധരന്റെ ചോല എന്ന ചിത്രത്തിലും സുപ്രധാന കഥാപാത്രമായി ജോജു എത്തുന്നുണ്ട്.
ഇന്നുവരെ കാണാത്ത തരത്തിലുള്ള ഭാവപ്പകര്‍ച്ചയുമായാണ് ജോജു എത്തുന്നത്.
താന്‍ നായകനായെത്തുന്ന ചിത്രത്തില്‍ നായികയായി അഭിനയിക്കാന്‍ പലരും വിസമ്മതിച്ചതായി താരം പറയുന്നു. ആദ്യം മലയാളത്തിലെ പല പ്രമുഖ താരങ്ങളേ ചിത്രത്തിലേക്ക് നായികയായി വിളിച്ചെങ്കിലും നായകന്‍ ഞാനാണെന്ന് അറിഞ്ഞതോടെ ഇവര്‍ പിന്തിരിഞ്ഞെന്നും താരം പറയുന്നു. മുന്‍നിര നായികമാരുള്‍പ്പടെ നിരവധി പേരായിരുന്നു വിസമ്മതിച്ചത്. തുടക്കത്തില്‍ ആ സംഭവം തന്നെ വല്ലാതെ വേദനിപ്പിച്ചിരുന്നുവെങ്കിലും പിന്നീടാലോചിച്ചപ്പോഴാണ് അതിന് പിന്നിലെ പോസിറ്റീവ് കാര്യത്തെക്കുറിച്ച് ചിന്തിച്ചത്. മുന്‍നിര താരങ്ങള്‍ വിസമ്മതിച്ചതിനാലാണല്ലോ പല പുതുമുഖങ്ങള്‍ക്കും ഈ സിനിമയിലേക്ക് അവസരം ലഭിച്ചത്. ഇതോര്‍ക്കുമ്പോള്‍ തനിക്ക് സന്തോഷമുണ്ടെന്ന് താരം പറയുന്നു.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം