മലയാളികള്‍ക്ക് ഏറെ സുപരിചിതയാണ് നടി അനുപമ പരമേശ്വരന്‍. അല്‍ഫോണ്‍സ് പുത്രന്‍ സംവിധാനം ചെയ്ത പ്രേമത്തില്‍ മേരി എന്ന കഥാപാത്രമായാണ് അനുപമ പ്രേക്ഷകര്‍ക്ക് മുന്നിലേക്ക് എത്തുന്നത്. ചിത്രത്തിന്റെ റിലീസിന് മുന്‍പ് തന്നെ അനുപമ താരമായി മാറി. പിന്നീട് മറ്റ് ഭാഷകളിലും താരം തന്റെ സാന്നിധ്യം അറിയിച്ചു.
തെലുങ്ക്, തമിഴ്, കന്നഡ ഉള്‍പ്പടെയുള്ള ഭാഷകളില്‍ നിന്ന് നിരവധി അവസരങ്ങളാണ് അതിനുപിന്നാലെ താരത്തെ തേടിയെത്തിയത്. തെലുങ്കിലെ ഏറ്റവും തിരക്കുള്ള നായികമാരില്‍ ഒരാളാണ് അനുപമ ഇന്ന്. നിരവധി ആരാധകരാണ് താരത്തിനുള്ളത്. മലയാളത്തില്‍ അത്ര സജീവമല്ലെങ്കിലും ആരാധകരുടെ കാര്യത്തില്‍ കുറവൊന്നും വന്നിട്ടില്ല. സോഷ്യല്‍ മീഡിയയില്‍ സജീവമായ അനുപമ പുതിയ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്.
അനുപമ പരമേശ്വരന്‍ നായികയാകുന്ന പുതിയ ചിത്രമായ ടില്ലു സ്വകയറിന്റെ പോസ്റ്റര്‍ ആണ് ഇപ്പോള്‍ സോഷ്യല്‍ മീഡിയിയല്‍ വലിയ ചര്‍ച്ചയാവുന്നത്. സിനിമയുടെ റിലീസ് വിവരം പുറത്തുവിട്ടുകൊണ്ടുള്ള പോസ്റ്ററിന് എതിരെ നടിയുടെ ആരാധകര്‍ കൂട്ടത്തോടെ സോഷ്യല്‍ മീഡിയയില്‍ എത്തിയിരിയ്ക്കുകയാണ്.
നായകനൊപ്പമുള്ള അനുപമയുടെ ഒരു ഇന്റിമേറ്റ് രംഗമാണ് പോസ്റ്ററിലുള്ളത്. ഇതാണ് ഒരുകൂട്ടം ആരാധകരെ അസ്വസ്ഥരാക്കിയിരിക്കുന്നത്. അനുപമ ഇത്തരം സിനിമകള്‍ ചെയ്യുന്നത് ഇഷ്ടമല്ലെന്ന് പറഞ്ഞു കൊണ്ടാണ് കമന്റുകള്‍. 'അനുപമ ഇത്തരം സീനുകള്‍ ചെയ്യുന്നത് ഞങ്ങള്‍ക്ക് ഇഷ്ടമല്ല. ഇത് നിങ്ങളില്‍ നിന്ന് പ്രതീക്ഷിച്ചില്ല. ഇത്തരം വേഷങ്ങള്‍ ചെയ്ത് ഞങ്ങള്‍ ആരാധകരെ വേദനിപ്പിക്കല്ലേ. ഇതുപോലത്തെ സിനിമകള്‍ ചെയ്താല്‍ നിങ്ങളോടുള്ള ഇഷ്ടം പോകും. നിങ്ങള്‍ ഇങ്ങനെയാകുമെന്ന് കരുതിയില്ല. നിങ്ങളും സായ് പല്ലവിയെ പോലെയാണെന്ന് വിശ്വസിച്ചു. ഇത് വല്ലാതെ വേദനിപ്പിക്കുന്നു', എന്നിങ്ങനെ പോകുന്നു കമന്റുകള്‍.
കൂടുതലും തമിഴ്, തെലുങ്ക് ആരാധകരാണ് അനുപമയോട് പരാതികളുമായി എത്തിയിരിക്കുന്നത്. ഇടയ്ക്ക് ചില മലയാളി ആരാധകരുടെ കമന്റുകളും കാണാന്‍ സാധിക്കും. ചിലര്‍ ഇന്‍സ്റ്റാഗ്രാമില്‍ നിന്ന് അണ്‍ഫോളോ ചെയ്യുകയാണ് എന്നടക്കം കമന്റ് ചെയ്തിട്ടുണ്ട്. എന്നാല്‍ കമന്റുകളോടൊന്നും അനുപമ ഇതുവരെ പ്രതികരിച്ചിട്ടില്ല
Premium Lifestyle and Entertainment website
പ്രണയിച്ചിരുന്ന പെണ്‍കുട്ടിക്ക് പേരിനൊരു ഭര്‍ത്താവ് മതിയായിരുന്നു; വിവാഹത്തിന് എട്ട് ദിവസം മുമ്പാണ് വിവാഹം വേണ്ടെന്ന് വയ്ക്കുന്നത്; എല്ലാം ഏര്‍പ്പാട് ചെയ്തിരുന്നു; ലക്ഷങ്ങളുടെ നഷ്ടമാണ് ഉണ്ടായത്; വെളിപ്പെടുത്തി ബിഗ് ബോസ് താരം ജിന്റോ
എന്റെ പണം കൊണ്ട് എന്റെ ഇഷ്ടത്തിന് സിനിമ ചെയ്യും; അത് എന്റെ അവകാശമാണ്; ആ പൈസ കൊണ്ട് എന്ത് ചെയ്യുന്നുവെന്നത് ആരും ചോദിക്കേണ്ട കാര്യമില്ല; താന്‍ ചെയ്യുന്ന സിനിമകളുടെ ലകഭവും നഷ്ടവും ആരോടും ചര്‍ച്ച ചെയ്യേണ്ട ആവശ്യമില്ല; ഉണ്ണി മുകുന്ദന്‍