തമിഴ് സിനിമാ ലോകത്തേയും മലയാളം സിനിമാ ലോകത്തേയും വിവാദത്തിലേക്ക് വലിച്ചിഴച്ച് അഭി ശരവണന്-അതിഥി മേനോന് പ്രണയം. നടി അതിഥി മേനോനുമായി താന് പ്രണയത്തിലായിരുന്നെന്നും അതിഥിയെ താന് വിവാഹം കഴിച്ചെന്നും ആരോപിച്ച് വിവാഹ സര്ട്ടിഫിക്കറ്റ് അടക്കമുള്ള രേഖകളുമായി മാധ്യമങ്ങള്ക്ക് മുന്പില് എത്തിയിരിക്കുകയാണ് നടന് അഭി ഇപ്പോള്. എന്നാല് അഭിയുടെ വാദങ്ങളെ തള്ളി മലയാളി നടി അതിഥി അഭി ശരവണനെതിരെ പൊലീസില് പരാതി സമര്പ്പിച്ചിട്ടുണ്ട്
താനും അതിഥിയും തമ്മിലുള്ള വിവാഹം മധുരയില് വച്ച് കഴിഞ്ഞുവെന്നാണ് അഭി പറയുന്നത്. തുടര്ന്ന് വിവാഹ സര്ട്ടിഫിക്കറ്റും ഒരുപാട് ചിത്രങ്ങളും നടന് പരസ്യപ്പെടുത്തി. അതേസമയം, അഭി ശരവണനെ താന് വിവാഹം കഴിച്ചിട്ടില്ലെന്ന വാദത്തില് ഉറച്ചു നില്ക്കുകയാണ് അതിഥി. തനിക്കെതിരേ വ്യാജ തെളിവുകള് ഉണ്ടാക്കുകയാണെന്നും അതിഥി ആരോപിച്ചു.
കുറച്ച് ദിവസങ്ങള്ക്ക് മുന്പ് അഭി ശരവണനെ വീട്ടില് നിന്ന് കാണാതെ പോയിരുന്നു. മകന്റെ തിരോധാനത്തിന് പിന്നില് അതിഥിയാണെന്ന് അഭിയുടെ മാതാപിതാക്കള് ആരോപിച്ചു, തുടര്ന്നാണ് അതിഥി പോലീസില് പരാതി നല്കിയത്. തന്നെ അപകീര്ത്തിപ്പെടുത്തുന്നതിനായി തെറ്റായ വാര്ത്ത പ്രചരിപ്പിച്ചുവെന്ന് കാണിച്ചാണ് അഭി ശരവണനെതിരെ അതിഥി പൊലീസില് പരാതി നല്കിയത്. താരത്തിന്റെ പരാതിയില് അഭി ശരവണനെതിരെ പൊലീസ് വഞ്ചന കുറ്റത്തിന് കേസെടുത്തു.
2016 ല് പുറത്തിറങ്ങിയ പട്ടതാരി എന്ന ചിത്രത്തിലൂടെയാണ് അതിഥിയും അഭിയും പ്രണയത്തിലാകുന്നത്. ഇരുവരും ചേര്ന്നാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിച്ചത്. എന്നാല് മാസങ്ങള്ക്കകം ഇരുവരും വേര്പിരിഞ്ഞു. അഭിയുമായി പിരിഞ്ഞതിനുശേഷം അതിഥി കേരളത്തിലേക്ക് മടങ്ങി. അതിനുശേഷമാണ് അഭിയെ കാണാതായത്. മകന്റെ തിരോധാനത്തില് അതിഥിക്ക് പങ്കുണ്ടെന്ന് സംശയിക്കുന്നുവെന്ന് ആരോപിച്ച് അഭി ശരവണന്റെ മാതാപിതാക്കള് പൊലീസില് മൊഴി നല്കിയിരുന്നു. കൂടാതെ അഭിയെ അതിഥി തട്ടിക്കൊണ്ടുപോയി ചെന്നൈയിലെ വീട്ടില് താമസിപ്പിച്ചിരിക്കുകയാണെന്ന തരത്തിലുള്ള വാര്ത്തകള് വ്യാപകമായി പ്രചരിച്ചിരുന്നു.
എന്നാല് കാണാതായെന്ന് പരാതി നല്കിയതിന്റെ തൊട്ടടുത്ത ദിവസം അഭി വീട്ടില് തിരികെയെത്തി. സുഹൃത്തുക്കള്ക്കൊപ്പമായിരുന്നു താനെന്നാണ് അഭിയുടെ വിശദീകരണം. ഇതോടെ അഭി ശരവണന് തന്നെ അപകീര്ത്തിപെടുത്താന് വ്യാജ പ്രചരണങ്ങള് നടത്തുന്നുവെന്നും ശല്യം ചെയ്യുന്നുവെന്നും ചൂണ്ടിക്കാട്ടി അതിഥി പൊലീസില് പരാതി നല്കുകയായിരുന്നു.
അതേസമയം അഭി ശരവണന് തനിക്കെതിരെ നിരവധി ആരോപണങ്ങള് ഉന്നയിച്ചതായി അതിഥി പറഞ്ഞു. അദ്ദേഹത്തെ ഞാന് വിവാഹം കഴിച്ചു, വഞ്ചിച്ചു, തട്ടിക്കൊണ്ടു പോയി ഉപദ്രവിക്കാന് ശ്രമിച്ചു എന്നിങ്ങനെയുള്ള ആരോപണങ്ങളാണ് അദ്ദേഹം ഉന്നയിച്ചത്. പൊലീസില് പരാതി നല്കിയിട്ടുണ്ട്. രണ്ട് ദിവസത്തിനുള്ളില് നടപടിയെടുക്കുമെന്ന് കമ്മീഷണര് ഉറപ്പ് നല്കിയതയായും അതിഥി പറഞ്ഞു.
Premium Lifestyle and Entertainment website
ശൈത്യകാലത്ത് വരണ്ട ചര്മ്മം മൂലം വിഷമിക്കാറുണ്ടോ? ഇതാ കറ്റാര്വാഴ മാജിക്കല് പായ്ക്ക്
രണ്ടു കൈകാലുകള് ബന്ദിച്ചു ഓര്മ്മള് മാഞ്ഞു പോയി; ഇനിയൊരു മടക്കയാത്ര ഉണ്ടാകുമോ എന്ന ആശങ്കയില് എന്റെ ഉടലിനെ രണ്ടായി പിളര്ത്തി നീണ്ട 14 മണിക്കൂര്;ഒരു സര്ജറി എന്നത് എത്രത്തോളം വേദന നിറഞ്ഞതും അപകടം നിറഞ്ഞതും ആണെന്ന് എത്രപേര്ക്ക് അറിയാം;അനുഭവങ്ങള് അറിയാതെ ആഘോഷിക്കല്ലേ; രഞ്ജു രഞ്ജിമാര്ക്ക് പറയാനുള്ളത്