കഥയിലൊരു ഹാര്‍ഡ് കോര്‍ വില്ലന്റെ കുറവ് ഉണ്ടായിരുന്നു; ചിരിപ്പിച്ച് ധ്യാനും മുകേഷും; സൂപ്പര്‍ സിന്ദഗി ട്രെയിലര്‍ പുറത്ത്

ധ്യാന്‍ ശ്രീനിവാസന്‍, മുകേഷ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന 'സൂപ്പര്‍ സിന്ദഗി'യുടെ ട്രെയിലര്‍ പുറത്ത്. വിന്റേഷ് സംവിധാനം ചെയ്യുന്ന ചിത്രം, 666 പ്രൊഡക്ഷന്‍സിന്റെ ബാനറില്‍ ഹസീബ് മേപ്പാട്ട്, സത്താര്‍ പടനേലകത്ത് എന്നിവര്‍ ചേര്‍ന്നാണ് നിര്‍മ്മിക്കുന്നത്. ഓഗസ്റ്റ് ഒമ്പതിന് സൂപ്പര്‍ സിന്ദഗി തിയേറ്ററിലെത്തും.

വിന്റേഷ്, പ്രജിത്ത് രാജ് എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്. അഭിലാഷ് ശ്രീധരനാണ് സംഭാഷണം. കേരളത്തിലും കര്‍ണാടകയിലുമായാണ് ചിത്രത്തിന്റെ ഷൂട്ടിങ് പൂര്‍ത്തിയായത്. ജോണി ആന്റണി, സുരേഷ് കൃഷ്ണ, പാര്‍വതി നായര്‍, മാസ്റ്റര്‍ മഹേന്ദ്രന്‍, ഋതു മന്ത്ര, കലേഷ് രാമാനന്ദ്, ഡയാന ഹമീദ് തുടങ്ങിയവരാണ് ചിത്രത്തിലെ മറ്റു സുപ്രധാന കഥാപാത്രങ്ങളെ അവതരിപ്പിക്കുന്നത്.

എല്‍ദൊ ഐസകാണ് ചിത്രത്തിനായി ക്യാമറ ചലപ്പിക്കുന്നത്. ലിജോ പോള്‍ എഡിറ്റിങും, സൂരജ്.എസ്.കുറുപ്പ് സംഗീതവും നിര്‍വഹിക്കുന്നു. കോമഡിക്ക് പ്രാധാന്യം നല്‍കുന്ന ട്രെയിലറാണ് പുറത്തിറക്കിയിരിക്കുന്നത്. മുകേഷിനും, ധ്യാനിനും ഒപ്പം സുരേഷ് കൃഷ്ണയ്ക്കും ട്രെയിലറില്‍ പ്രധാന്യം നല്‍കിയിട്ടുണ്ട്. 'ഇത് നടന്ന കഥ' എന്നാണ് ചിത്രത്തിന്റെ ടാഗ് ലൈന്‍.