ബോളിവുഡ് താരദമ്പതികളായ ഐശ്വര്യ റായ് ബച്ചനും അഭിഷേക് ബച്ചനും വേര്‍പിരിയുന്നു എന്ന അഭ്യൂഹങ്ങള്‍ പരക്കാന്‍ തുടങ്ങിയിട്ട് ഏറെ നാളായി. വേര്‍പിരിയല്‍ കിംവദന്തികള്‍ക്കിടയില്‍, അഭിഷേകും അമിതാഭ് ബച്ചനും ജയ ബച്ചനുമെല്ലാം താമസിക്കുന്ന മുംബൈ ജുഹുവിലെ ജല്‍സയില്‍ ഐശ്വര്യ റായ് എത്തിയതിന്റെ ചിത്രങ്ങളും വീഡിയോകളുമാണ് ശ്രദ്ധ നേടുന്നത്.
അമ്മയ്ക്കും മകള്‍ ആരാധ്യയ്ക്കുമൊപ്പമാണ് ഐശ്വര്യ ജല്‍സയിലെത്തിയത്.
വീഡിയോയില്‍ ഐശ്വര്യയും ആരാധ്യയും കാറില്‍ നിന്ന് ഇറങ്ങുന്നത് കാണാം. ഐശ്വര്യ ഒലീവ് പച്ച നിറത്തിലുള്ള വസ്ത്രമാണ് ധരിച്ചിരിക്കുന്നത്, സ്‌കൂള്‍ യൂണിഫോമിലാണ് ആരാധ്യ.
കുറച്ചേറെ നാളുകളായി ഐശ്വര്യ ബച്ചന്‍ കുടുംബത്തില്‍ നിന്നും പിരിഞ്ഞ് അമ്മയ്ക്ക് ഒപ്പം മുംബൈയിലെ ഫ്‌ളാറ്റിലാണ് താമസമെന്ന് അഭ്യൂഹമുണ്ട്.
അടുത്തിടെ നടന്ന അംബാനി വിവാഹത്തില്‍ ഐശ്വര്യ- അഭിഷേക് ദമ്പതികള്‍ മാധ്യമങ്ങള്‍ക്ക് വെവ്വേറെ പോസ് ചെയ്തതോടെയാണ് ഐശ്വര്യയുടെയും അഭിഷേകിന്റെയും വേര്‍പിരിയലിനെ കുറിച്ചുള്ള അഭ്യൂഹങ്ങള്‍ ശക്തിപ്പെട്ടത്.
ഐശ്വര്യ ആരാധ്യയ്ക്കൊപ്പം ഫോട്ടോകള്‍ക്ക് പോസ് ചെയ്തപ്പോള്‍, അഭിഷേക് തന്റെ മാതാപിതാക്കളായ അമിതാഭ്, ജയ ബച്ചന്‍, സഹോദരി ശ്വേത ബച്ചന്റെ കുടുംബം എന്നിവര്‍ക്കൊപ്പമാണ് ചിത്രങ്ങള്‍ക്കായി പോസ് ചെയ്തത്. അംബാനി വിവാഹത്തിനു പിന്നാലെ, ഐശ്വര്യയും ആരാധ്യയും അഭിഷേകില്ലാതെ അവധിക്കാലം ആഘോഷിക്കാന്‍ ന്യൂയോര്‍ക്കിലേക്ക് പോയി.
ഗുരു, ധൂം 2, രാവണ്‍ തുടങ്ങിയ ചിത്രങ്ങളില്‍ ഒന്നിച്ചഭിനയിച്ച ഐശ്വര്യയും അഭിഷേകും 2007-ല്‍ വിവാഹിതരായി. 2011-ലാണ് മകള്‍ ആരാധ്യ ജനിച്ചത്.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍