'അശ്വത്ഥാമാവ് വെറും ആനയല്ല; യുദ്ധത്തിന് ഉപയോഗിച്ച പരിശീലനം ലഭിച്ച ആനയാണ്: വിനായകന്‍

മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിന്റെ ആത്മകഥ പുറത്തിറങ്ങാനിരിക്കെ പ്രതികരണവുമായി രംഗത്ത് എത്തിയിരിക്കുകയാണ്  നടന്‍ വിനായകന്‍. അദ്ദേഹം ഫെയ്‌സ്ബുക്കില്‍  ‘അശ്വത്ഥാമാവ് വെറും ഒരു ആന’ എന്ന ശിവശങ്കറിന്റെ പുസ്തകത്തിന്റെ പേരിനെക്കുറിച്ചുള്ള പരാമര്‍ശത്തെക്കുറിച്ചാണ് പങ്കുവെച്ചത്.

അശ്വത്ഥാമാവ്’ വെറും ഒരു ആനയല്ലെന്നും യുദ്ധത്തിനുപയോഗിച്ച പരിശീലനം ലഭിച്ച ആനയാണെന്നും അദ്ദേഹം എഴുതി.  നിരവധി കമന്റുകളാണ് 
ഇതിനുതാഴെ വന്നുകൊണ്ടിരിക്കുന്നത്.  കമന്റുകളില്‍ കൂടി തന്റെ പതിവ് രീതിയില്‍ നിന്ന് വ്യത്യസ്തമായി എന്താണ് വിനായകന്‍ ഉദ്ദേശിച്ചതെന്ന് കുറച്ചെങ്കിലും മനസിലാകുന്ന പ്രതികരണമാണിതെന്നാണ് പറയുന്നത്.

നേരത്തെ താന്‍ ‘അശ്വത്ഥാമാവ് വെറും ഒരു ആന’ എന്ന ഈ പുസ്തകം വായിക്കുമെന്നും, മാധ്യമങ്ങളും ഇത് വായിക്കുമെന്നാണ് കരുതുന്നതായും പുസ്തകത്തെക്കുറിച്ച് അഭിഭാഷകയും കേരള ഹൈക്കോടതി പ്ലീഡറുമായ അഡ്വ. രശ്മിത രാമചന്ദ്രന്‍ പറഞ്ഞിരുന്നു. ശിവശങ്കറിന്റെ പുസ്തകം പുറത്തിറങ്ങുന്നത് ഇന്നാണ്. ഡി.സി ബുക്സാണ് പുസ്തകം പ്രസിദ്ധീകരിക്കുന്നത്. സ്വര്‍ണക്കടത്തുകേസിലെ അന്വേഷണ ഏജന്‍സികളുടെ സമീപനവും ജയിലിലെ അനുഭവങ്ങളുമടക്കമുള്ള കാര്യങ്ങള്‍ പുസ്തകത്തിലുണ്ടാകും.