ആ പുതിയ കാറില്‍ മമ്മൂക്ക എന്നെയും നിര്‍ബന്ധിച്ച്‌ കയറ്റി; അദ്ദേഹം അതിനു വേണ്ടി കാത്തുനിന്നു; മമ്മൂട്ടിയുടെ വാഹനപ്രേമം തിരിച്ചറിഞ്ഞിയതിനെ കുറിച്ച് നടൻ സുരേഷ് കൃഷ്ണ

മലയാള സിനിമയുടെ സ്വന്തം മെഗാസ്റ്റാർ ആണ് നടൻ മമ്മൂട്ടി.താരത്തിന് വാഹനങ്ങളോടുള്ള പ്രിയ ഏവർക്കും സുപരിചിതമാണ്. മമ്മൂട്ടി തന്നെ പല അഭിമുഖങ്ങളിലും ചെറുപ്പം മുതലേ തനിക്ക് വാഹനങ്ങള്‍ ഇഷ്ടമാണെന്ന് പറഞ്ഞിട്ടുള്ളതുമാണ്.എന്നാൽ ഇപ്പോൾ മമ്മൂട്ടിയുടെ വാഹനപ്രേമം തിരിച്ചറിഞ്ഞ അനുഭവത്തെക്കുറിച്ച്‌ തുറന്ന് പറയുകയാണ് നടൻ  സുരേഷ് കൃഷ്ണ.

പഴശ്ശിരാജയുടെ ഷൂട്ടിനിടെ മമ്മൂട്ടി ഒരു ബി.എം.ഡബ്ല്യൂ കാര്‍ വാങ്ങുകയും എന്നാല്‍ ഷൂട്ടിന്റെ തിരക്കായതിനാല്‍ കൊച്ചിയിലെ വീട്ടിലെത്തിയ കാര്‍ അദ്ദേഹത്തിന് കാണാന്‍ കഴിഞ്ഞില്ല. ഷൂട്ടിന് കുറച്ചു ദിവസത്തെ ഇടവേള വന്നപ്പോള്‍ ഞാനും മമ്മൂക്കയും ഒരുമിച്ച്‌ കോഴിക്കോട്ടുനിന്ന് കൊച്ചിയിലേക്ക് വിമാനം കയറി. പുതിയ കാര്‍ ഓടിക്കാനുള്ള ആവേശം എനിക്ക് അദ്ദേഹത്തില്‍ കാണാമായിരുന്നു.

തന്നോടും പുതിയ കാറില്‍ യാത്ര ചെയ്യാന്‍ വരണമെന്ന് പറയുകയും വിമാനമിറങ്ങിയതിന് ശേഷം തന്റെ ലഗേജ് കിട്ടാന്‍ വൈകിയപ്പോള്‍ അത്രയും സമയം തന്നെ കാത്ത് മമ്മൂട്ടി നിന്നു. എയര്‍പോര്‍ട്ടില്‍ എന്റെ കാര്‍ നിര്‍ത്തിയിട്ടിരുന്നു. അതുകൊണ്ട് ഞാന്‍ പൊയ്‌ക്കോളാം എന്ന് മമ്മൂക്കയോട് പറഞ്ഞു. എന്നാല്‍ മമ്മൂക്കയുടെ ഡ്രൈവറെ വിട്ട് എന്റെ കാര്‍ എടുപ്പിക്കാമെന്നാണ് മമ്മൂക്ക പറഞ്ഞത്. നിര്‍ബന്ധമായും തനിക്കൊപ്പം പുതിയ കാറില്‍ വരണമെന്ന് അദ്ദേഹം പറഞ്ഞു. അന്ന് മമ്മൂട്ടിക്കൊപ്പം പുതിയ കാറില്‍ യാത്ര ചെയ്താണ് താന്‍ വീട്ടിലെത്തിയതെന്നും സുരേഷ് കൃഷ്ണ ഒരു മാധ്യമത്തിന് നൽകിയ അഭിമുഖത്തില്‍ പറഞ്ഞു.