മലയാള സിനിമ പ്രേമികൾക്ക് ഏറെ സുപരിചിതനായ താരമാണ് നടൻ നന്ദു പൊതുവാൾ. നിരവധി സിനിമയിലൂടെ ശ്രദ്ധേയമായ കഥാപാത്രങ്ങളെ അവതരിപ്പിക്കാൻ താരത്തിന് സാധിക്കുകയും ചെയ്തു. മിമിക്രി രംഗത്ത് നിന്ന് സിനിമ മേഖലയിലേക്ക് ചുവട് വച്ച താരം പ്രൊഡക്ഷന്‍ കണ്‍ട്രോളറായും ജോലി നോക്കിയിരുന്നു. ചെറിയ കഥാപാത്രങ്ങളിലൂടെയാണ് താരം സിനിമയിൽ സജീവമായതും. നന്ദുവിന്റെ ഏറ്റവും ശ്രദ്ധിക്കപ്പെട്ട വേഷം വെട്ടം സിനിമയിലെ ട്രെയിനിലെ യാത്രക്കാരന്റെ വേഷമാണ്. എന്നാൽ ഇപ്പോൾ സോഷ്യൽ മീഡിയയിൽ പ്രൊഡക്ഷന്‍ കണ്‍ട്രോളറായി ജോലി ചെയ്യുന്നതാണോ അഭിനയമാണോ ഇഷ്ടം എന്ന ചോദ്യത്തിന് നന്ദു നല്‍കിയ മറുപടിയാണ് ശ്രദ്ധ നേടുന്നത്. ഒരു മാധ്യമത്തിന് നൽകിയ അഭിമുഖത്തിലൂടെയാണ് താരം ഇക്കാര്യം തുറന്ന് പറഞ്ഞിരിക്കുന്നത്.
‘അഭിനയമാണ് എന്റെ എന്‍ജോയ്‌മെന്റ്. പ്രൊഡക്ഷന്‍ കണ്‍ട്രോളിംഗ് എന്റെ വരുമാനമാണ്. ഞാന്‍ വര്‍ക്ക് ചെയ്ത പടത്തിലെ അഭിനയത്തിന് എനിക്ക് ഇതുവരെ പൈസ കിട്ടിയിട്ടില്ല. പ്രൊഡക്ഷന്‍ കണ്‍ട്രോളറായിട്ടുള്ള ഒരു പടത്തിലും അഭിനയത്തിന് എനിക്ക് പൈസ കിട്ടിയിട്ടില്ല.
ആഹ്, അത് നമ്മുടെ നന്ദുവല്ലേ എന്ന് പറയും. അതേസമയം വേറൊരു ആര്‍ട്ടിസ്റ്റിനെ വെച്ചാല്‍ പൈസ കൊടുക്കേണ്ടിവരും. ഞാന്‍ വര്‍ക്ക് ചെയ്യാത്ത പടങ്ങളില്‍ അഭിനയിക്കാന്‍ പോകാറുണ്ട്. സുഖമാ…ടെന്‍ഷനുമില്ല, പൈസയും കിട്ടും,’ നന്ദു പറയുന്നു.
മിമിക്രി രംഗത്ത് നിന്ന് സിനിമയിലേക്കെത്തിയ നന്ദു അബി, നാദിര്‍ഷ, ദിലീപ് എന്നിവരോടൊപ്പം മിമിക്രി വേദികളില്‍ സജീവമായി പ്രവര്‍ത്തിച്ചിരുന്നു. സിനിമയോടൊപ്പം ചില സീരിയലുകളിലും നന്ദു അഭിനയിച്ചിട്ടുണ്ട്. ഇതിനകം 250ഓളം സിനിമകളില്‍ നന്ദു അഭിനയിച്ചിട്ടുണ്ട്.
Premium Lifestyle and Entertainment website
സത്യസന്ധരായ നക്ഷത്രക്കാര്‍ ഇവരാണ്
പ്രൊഫഷണലുകളെ ലക്ഷ്യമിട്ട് ലെനോവോയുടെ പുതിയ ടാബ്ലെറ്റും ലാപ്‌ടോപ്പും