ബോളിവുഡ് ചലച്ചിത്രസംവിധാ‍യകനും, നിർമ്മാതാവും, ടെലിവിഷൻ അവതാരകനുമാണ് കരൺ ജോഹർ. 1995 ൽ ഷാരൂഖ് ഖാൻ നായകനായി അഭിനയിച്ച ദിൽ‌വാലെ ദുൽ‌ഹനിയ ലേ ജായെംഗേ എന്ന ചിത്രത്തിൽ ഒരു ചെറിയ വേഷം അഭിനയിച്ചുകൊണ്ടാണ് താരം അഭിനയ മേഖലയിലേക്ക് ചുവട് വച്ചത്. സോഷ്യൽ മീഡിയയിൽ എല്ലാം തന്നെ താരം ഏറെ സജീവവുമാണ്. എന്നാൽ ഇപ്പോൾ പ്രതിഫലം ക്രമാതീതമായി ഉയര്‍ത്തുന്ന അഭിനേതാക്കള്‍ക്കെതിരെ നിര്‍മ്മാതാവും സംവിധായകനുമായ കരണ്‍ ജോഹര്‍ രംഗത്ത് എത്തിയിരിക്കുകയാണ്. പുതുമുഖ താരങ്ങള്‍ക്കെതിരെയാണ് കരണ്‍ ജോഹറിന്റെ പ്രതികരണം. തനിക്ക് ശരിക്കും മടുത്തു എന്നാണ് കരണ്‍ ഫിലിം കമ്പാനിയന്‍ സംഘടിപ്പിച്ച ചര്‍ച്ചയില്‍ പറയുന്നത്.
സിനിമ വളരെ ശ്രമകരമായ സാഹചര്യത്തിലൂടെ കടന്നു പോകുമ്പോള്‍ ചിലര്‍ പ്രതിഫലം ക്രമാതീതമായി ഉയര്‍ത്തുന്നു. ഒന്നും തെളിയിച്ചിട്ടില്ലാത്ത താരങ്ങള്‍ അവരുടെ പ്രതിഫലം 30-35 കോടിയായി ഉയര്‍ത്തുന്നു. അവരുടെ സിനിമകള്‍ ബോക്‌സോഫീസില്‍ വന്‍ പരാജയം ആയാലും ഇതാണ് അവസ്ഥ. എന്താണ് ഈ അക്കങ്ങളെല്ലാം. തനിക്ക് മനസിലാകുന്നില്ല. ഒടുവില്‍ നമ്മള്‍ പറയാന്‍ നിര്‍ബന്ധിതരാവുകയാണ്, ഹലോ, നിങ്ങളുടെ സിനിമ ഇത്രയും മാത്രമാണ് നേടിയത്. വലിയ താരമൂല്യമുള്ള അഭിനേതാക്കളാണ് ഇത് പറയുന്നതെങ്കില്‍ മനസ്സിലാക്കാം.
എന്നാല്‍ ബോക്‌സോഫീസില്‍ ഒന്നും നേടാനാകാത്തവരാണ് ഇത് പറയുന്നതെങ്കിലോ? സിനിമയെ പ്രത്യേകതയുള്ളതാക്കി മാറ്റുന്നവര്‍ ആരാണ്? ചിത്രസംയോജകരും ഛായാഗ്രാഹകരും അടങ്ങുന്ന വലിയ സംഘത്തിന് അതിന്റെ വിജയത്തില്‍ വലിയ പങ്കുണ്ട്. ചില സിനിമകളെ രക്ഷിച്ചെടുക്കുന്നത് പോലും അതിന്റെ ഛായാഗ്രാഹകരും ചിത്രസംയോജകരുമാണ്. എന്നാല്‍ അഭിനേതാവിന് 15 കോടി നല്‍കുമ്പോള്‍ ചിത്രസംയോജകന് 55 ലക്ഷം. ഇത് തനിക്ക് മനസിലാകുന്നില്ല. എന്നാല്‍ ഇന്ന് സിനിമാവിപണി പ്രവര്‍ത്തിക്കുന്നത് ഇത്തരത്തിലാണ് എന്നാണ് കരണ്‍ ജോഹര്‍ പറയുന്നത്.
Premium Lifestyle and Entertainment website
നാടക പ്രവര്‍ത്തകരുടെ ദുരന്തത്തില്‍ ദുഃഖം താങ്ങാനാകാതെ സഹപ്രവര്‍ത്തകര്‍; ദേവ കമ്മ്യൂണിക്കേഷന്‍സിലെ അഞ്ജലിയും ജെസ്സിയും ഓര്‍മ്മയാകുമ്പോള്‍
ചാനലില്‍ വര്‍ക്ക് ചെയ്തിരുന്ന വേറൊരു പെണ്‍കുട്ടി വരുമെന്നാണ് വിചാരിച്ചത്; ഞാന്‍ ചെന്ന് അഭിമുഖത്തിനായി ഇന്‍ട്രോ പറഞ്ഞതോടെ ഷൗട്ട് ചെയ്തു;നമ്മള്‍ ഒരുപാട് ആരാധിക്കുന്ന വ്യക്തിയില്‍ നിന്നും ഉണ്ടായ മോശം അനുഭവം പങ്ക് വച്ച് നടന്‍ കൂടിയായ ആര്‍ ജെ ഗദ്ദാഫി