നടന്‍ നാഗ ചൈതന്യയും നടി ശോഭിത ധുലിപാലയും തമ്മില്‍ വിവാഹിതരാവാന്‍ ഇനി വളരെ കുറച്ചു ദിവസങ്ങള്‍ മാത്രമേ ശേഷിക്കുന്നുള്ളൂ. ഹൈദരാബാദിലെ അന്നപൂര്‍ണ സ്റ്റുഡിയോയില്‍ വച്ച് നടക്കുന്ന ഗംഭീര താലികെട്ട് ചടങ്ങില്‍ ഇരുവരും ജീവിതത്തില്‍ ഒന്നാകും. ഇതിന് മുമ്പായുള്ള വിവാഹപൂര്‍വ ആഘോഷങ്ങള്‍ ആചാരപൂര്‍വം നടന്നു കഴിഞ്ഞു.
ചുവന്ന സാരിയില്‍ സുന്ദരിയായി ശോഭിത ധുലിപാലാ ,ക്രീം കളര്‍ ജുബ്ബയും വേഷ്ടിയുമണിഞ്ഞു നാഗ ചൈതനയും തങ്ങളുടെ ഹല്‍ദി ആഘോഷങ്ങളില്‍ പങ്കെടുക്കുന്ന ചിത്രങ്ങള്‍ പുറത്ത് വന്നു.വ്യാഴാഴ്ച ഇരുവരുടെയും മംഗളസ്‌നാനം ചടങ്ങ് ഹൈദരാബാദില്‍ നടന്നു. ആഘോഷങ്ങളില്‍ നിന്നുള്ള ഏതാനും ചിത്രങ്ങളാണ് സമൂഹമാധ്യമങ്ങളുടെ ശ്രദ്ധ കവരുന്നത്.
ചുവന്ന സാരിയാണ് ശോഭിതയുടെ വേഷം. ഐവറി കളര്‍ കുര്‍ത്തയിലാണ് നാഗ ചൈതന്യ. മറ്റൊരു ചിത്രത്തില്‍, മസ്റ്റഡ് യെല്ലോ സാരിയാണ് ശോഭിതയുടെ വേഷം. ശോഭിത തന്റെ മംഗളസ്‌നാന ചടങ്ങിനായി ഇരിക്കുന്നതും ചിത്രത്തില്‍ കാണാം.
ഡിസംബര്‍ നാലിന് ഹൈദരാബാദിലെ അന്നപൂര്‍ണ സ്റ്റുഡിയോയില്‍ വച്ചാണ് ഇരുവരുടെയും വിവാഹം. നാഗ ചൈതന്യയുടെ പിതാവും നടനുമായ നാഗാര്‍ജുനയുടെ ഉടമസ്ഥതയിലുള്ളതാണ് ഈ സ്റ്റുഡിയോ. അതേസമയം, നാഗ ചൈതന്യ- ശോഭിത വിവാഹ വീഡിയോയുടെ റൈറ്റ്‌സ് നെറ്റ്ഫ്‌ളിക്‌സ് സ്വന്തമാക്കി എന്നും റിപ്പോര്‍ട്ടുണ്ട്. 50 കോടിയ്ക്കാണ് വിവാഹ വീഡിയോയുടെ റൈറ്റ്‌സ് നെറ്റ്ഫ്‌ളിക്‌സ് സ്വന്തമാക്കിയത് എന്നാണ് റിപ്പോര്‍ട്ട്.
Premium Lifestyle and Entertainment website
ശങ്കര്‍-രാം ചരണ്‍ ചിത്രം 'ഗെയിം ചേഞ്ചര്‍'; പ്രണയാതുരരായി റാം ചരണും കിയാരയും;'നാനാ ഹൈറാനാ' ഗാനത്തിന്റെ ലിറിക് വീഡിയോ എത്തി