തെലുങ്ക് ചിത്രത്തിന്റെ പ്രമോഷന്‍ പരിപാടിക്കിടെ ഷര്‍ട്ട് ഇഷ്ടമായെന്ന് അവതാരക;  ഊരി നല്‍കാനൊരുങ്ങി ഷൈന്‍ ടോം ചാക്കോ; തടഞ്ഞ് സംവിധായകന്‍; വൈറലാകുന്ന വീഡിയോ കാണാം

ഷൈന്‍ ടോം ചാക്കോയുടെ അഭിമുഖങ്ങളുടെ വീഡിയോകള്‍ പലപ്പോഴും ചര്‍ച്ചയാകാറുണ്ട്. ഷൈന്‍ ടോം ചോക്കോയുടെ പെരുമാറ്റ രീതികളാണ് ശ്രദ്ധയാകര്‍ഷിക്കാറുണ്ട്. ഷൈനിനെ അനുകൂലിച്ചും വിമര്‍ശിച്ചും ആള്‍ക്കാര്‍ രംഗത്ത് എത്താറുമുണ്ട്. ഇപ്പോഴിതാ ഒരു തെലുങ്ക് മാധ്യമത്തിന്റെ വീഡിയോ അഭിമുഖമാണ് ഇത്തരത്തില്‍ ചര്‍ച്ചയാകുന്നത്.

രംഗബലി എന്ന ചിത്രത്തിന്റെ സംവിധായകന്‍ പവന്‍ ബസംസെട്ടിയും ഷൈന്‍ ടോം ചാക്കോയ്ക്കൊപ്പം അഭിമുഖത്തില്‍ പങ്കെടുത്തിരുന്നു. വസ്ത്രധാരണ ശൈലിയെക്കുറിച്ചും ഇട്ട ഷര്‍ട്ടിനെക്കുറിച്ചും അവതാരക സംസാരിക്കുകയും പ്രശംസിക്കുകയും ചെയ്തു. എന്നാല്‍ ഇത് കേട്ട താരം ഉടന്‍ തന്നെ ഷര്‍ട്ട് ഊരാന്‍ ശ്രമിക്കുകയായിരുന്നു. താന്‍ ആ ഷര്‍ട്ട് ധരിക്കാമെന്ന ഷൈനിനോട് വ്യക്തമാക്കിയ അവതാരക സാമൂഹ്യ മാധ്യമത്തില്‍ അതിന്റെ ഫോട്ടോ പോസ്റ്റ് ചെയ്യാമെന്നും അറിയിച്ചു. എന്നാല്‍ ഒരു കുടുംബ ഷോയാണെന്ന് പറഞ്ഞ് പവന്‍ ബസംസെട്ടി അദ്ദേഹത്തെ തടയാന്‍ ശ്രമിക്കുന്നുണ്ടങ്കിലും ഷൈന്‍ ബട്ടന്‍സ് ഒന്നൊഴികെ എല്ലാം അഴിച്ചു മാറ്റിയിരുന്നു. താന്‍ ഷര്‍ട്ട് ഇഷ്ടപ്പെട്ടതിനാല്‍ രക്ഷപ്പെട്ടു, ഷൈനിന്റെ പാന്റ്‌സ് ആണ് ഇഷ്ടം എന്ന് പറഞ്ഞിരുന്നേല്‍ പെട്ടേനെ എന്നും അവതാരക വ്യക്തമാക്കുന്നുണ്ടായിരുന്നു.

നാഗ ശൗര്യ നായകനാകുന്ന തെലുങ്ക് ചിത്രമാണ് രംഗബലി. ദസറയ്ക്കു ശേഷം ഷൈന്‍ അഭിനയിക്കുന്ന രണ്ടാമത്തെ തെലുങ്ക് ചിത്രമാണിത്.കമല്‍ സംവിധാനം ചെയ്യുന്നവിവേകാനന്ദന്‍ വൈറലാണ് എന്ന ചിത്രത്തിന്റെ തിരക്കിലാണിപ്പോള്‍ ഷൈന്‍. 2019ല്‍ പുറത്തിറങ്ങിയ ചിത്രം പ്രണയ മീനുകളുടെ കടല്‍ആണ് കമലിന്റെ സംവിധാനത്തില്‍ അവസാനമായി റിലീസിനെത്തിയ ചിത്രം. വിവേകാനന്ദന്‍ എന്ന വ്യക്തിയുടെ ജീവിതത്തിലെ സ്ത്രീകളുടെ കഥ പറയുന്ന ചിത്രത്തില്‍ ഗ്രേസ് ആന്റണി, മാലാ പാര്‍വതി, മെറീനാ മൈക്കിള്‍, സ്വാസിക,മഞ്ജു പിള്ള എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.