കഴിഞ്ഞ കുറച്ച് ദിവസങ്ങളായി മോഹന്‍ലാല്‍- ലിജോ ജോസ് പെല്ലിശ്ശേരി ചിത്രത്തക്കുറിച്ചുള്ള ചര്‍ച്ച സോഷ്യല്‍ മീഡിയയില്‍ തകൃതിയായി നടക്കുകയാണ്. ഇപ്പോഴിതാ അഭ്യൂഹങ്ങള്‍ക്ക് ശക്തി പകര്‍ന്നു കൊണ്ട് ഇരുവരും ഒന്നിച്ചുളള ചിത്രം സമൂഹമാധ്യമങ്ങളില്‍ ഇടംപിടിക്കുകയാണ്. കൂടാതെ വ്യത്യസ്തമായ ഒരു പോസ്റ്ററും സമൂഹമാധ്യമങ്ങളില്‍ വൈറലാവുന്നുണ്ട്.ഷ
ിബു ബേബി ജോണിന്റെ ജോണ്‍ ആന്‍ഡ് മേരി ക്രിയേറ്റീവ്‌സാണ് രസകരമായ പോസ്റ്റര്‍ സോഷ്യല്‍ മീഡിയയില്‍ പങ്കുവെച്ചിരിക്കുന്നത്. ജോണ്‍ ആന്‍ഡ് മേരി ക്രിയേറ്റീവിന്റെ ആദ്യ ചിത്രത്തിലെ കോമ്പോ ആരാണെന്ന് പ്രവചിക്കാമോ എന്ന കുറിപ്പോടുകൂടിയാണ് പോസ്റ്റര്‍ പങ്കുവച്ചിരിക്കുന്നത്. മോഹന്‍ലാലിന്റെ മീശയും ലിജോ ജോസ് പെല്ലിശേരിയുടെ ബാഗുമാണ് പുറത്ത് വിട്ട പോസ്റ്ററിലുള്ളത്. അവരിതാ ഒന്നിക്കുകയാണ് സുഹൃത്തുക്കളെ എന്നും പോസ്റ്ററിലുണ്ട്.
കൂടാതെ പ്രമുഖ ട്രേഡ് അനലിസ്റ്റ് ശ്രീധര്‍ പിള്ളയും മോഹന്‍ലാല്‍- ലിജോ ജോസ് പല്ലിശ്ശേരി ചിത്രത്തെ കുറിച്ച് ട്വീറ്റ ചെയ്തിട്ടുണ്ട്. വൈകാതെ ചിത്രം നടക്കുമെന്നാണ് ട്വീറ്റ്.'മോഹന്‍ലാലും ലിജോ ജോസ് പെല്ലിശ്ശേരിയും ഒന്നിക്കുന്ന ചിത്രം സംബന്ധിച്ച വന്‍ പ്രഖ്യാപനം വരുന്നു. മോഹന്‍ലാല്‍ ഒരു ഗുസ്തിക്കാരനാണ് ചിത്രത്തില്‍. 100 ശതമാനം ഉറപ്പാണ് ഈ പ്രോജക്റ്റ്. ഷിബു ബേബി ജോണ്‍ നിര്‍മ്മിക്കുന്ന ചിത്രം രാജസ്ഥാനില്‍ 2023 ജനുവരിയില്‍ ആരംഭിക്കും', എന്നാണ് ശ്രീധര്‍ പിള്ളയുടെ ട്വീറ്റ്.മമ്മൂട്ടി നായകനായെത്തുന്ന നന്‍പകല്‍ നേരത്ത് മയക്കമാണ് ലിജോ ജോസ് പെല്ലിശ്ശേരിയുടെ സംവിധാനത്തില്‍ പുറത്തിറങ്ങാനുള്ള ചിത്രം. ചിത്രത്തിനായി കാത്തിരിക്കുകയാണ് പ്രേക്ഷകര്‍.
Premium Lifestyle and Entertainment website
എഫ്ബിയില്‍ കുറിപ്പിട്ട പെണ്‍കുട്ടിക്ക് എന്തു കൊണ്ട് പോലീസില്‍ പരാതി നല്‍കാന്‍ ധൈര്യമുണ്ടായില്ല? 14 പേര്‍ക്കെതിരെ പോസ്റ്റിട്ട യുവതി തനിക്കെതിരെ മാത്രം പരാതി നല്‍കി; വാദങ്ങള്‍ ചുറ്റിക്കറങ്ങിയത് ആ പോസ്റ്റില്‍; ഹേമാ കമ്മറ്റി 'ധൈര്യം' ഫലം കണ്ടില്ല; സിദ്ദിഖിന് മുന്‍കൂര്‍ ജാമ്യം അനുവദിക്കുമ്പോള്‍ സുപ്രീംകോടതി പറയുന്നത് 
വീട്ടുകാരുടെ സമ്മര്‍ദ്ദത്തില്‍ കല്ല്യാണത്തെ പറ്റി ഒരു ഘട്ടത്തില്‍ ആലോചിച്ചിരുന്നു; പിന്നീട് ബോധവും ബുദ്ധിയും വെച്ചപ്പോള്‍ വേണ്ടെന്ന് മനസിലായി; ഒരുപാട് ആലോചിച്ചെടുത്ത തീരുമാനം; കല്ല്യാണം കഴിക്കില്ല; ആളുകള്‍ സന്തോഷത്തിലല്ല; ഐശ്വര്യ ലക്ഷ്മി