മമ്മൂട്ടി ചിത്രം 'നന്‍പകല്‍ നേരത്ത് മയക്ക'ത്തിന് ശേഷം ലിജോ ജോസ് പെല്ലിശ്ശേരിയുടെ മോഹന്‍ലാല്‍ ചിത്രത്തിനായി കാത്തിരിക്കുകയാണ് മലയാളികള്‍. 'മലൈക്കോട്ടൈ വാലിബന്റെ' അപ്‌ഡേറ്റുകളും ലൊക്കേഷന്‍ വിശേഷങ്ങളും അടക്കം സിനിമയുമായി ബന്ധപ്പെട്ട ഒരോ വാര്‍ത്തകളും പ്രേക്ഷകര്‍ക്ക് പ്രതീക്ഷ നല്‍കുന്നതാണ്.
തീപ്പൊരി ലുക്കില്‍ മോഹന്‍ലാല്‍ പ്രത്യക്ഷപ്പെടുന്ന പോസ്റ്റര്‍ പ്രേക്ഷകരില്‍ കൂടുതല്‍ ആവേശമാണ് സമ്മാനിക്കുന്നത്. മോഹന്‍ലാലിന്റെ അഭിനയ ജീവിതത്തിലെ ഏറ്റവും മികച്ച കഥാപാത്രം തന്നെയാകും എന്ന പ്രതീക്ഷ നിലനിറുത്തുന്ന പോസ്റ്റര്‍ ആരാധകര്‍ ഏറ്റെടുത്തു കഴിഞ്ഞു. ചിത്രത്തിന്റെ അടുത്ത ഷെഡ്യൂള്‍ ചെന്നൈയിലാണ്. ബിഗ് ബഡ്ജറ്റില്‍ ഒരുങ്ങുന്ന മലൈക്കോട്ടൈ വാലിബന് മലയാളത്തിന് പുറമെ ഇന്ത്യയിലെ മറ്റു പ്രധാന ഭാഷകളിലും റിലീസാകും.
ഇന്ത്യയിലെ വിവിധ ഭാഷകളിലെ പ്രശസ്തരായ താരങ്ങള്‍ അണിനിരക്കുന്ന ചിത്രത്തിന്റെ രചന പി.എസ് റഫീക്കാണ്. ആമേനു ശേഷം ലിജോയ്ക്ക് വേണ്ടി പി. എസ് റഫീക്ക് തിരക്കഥ ഒരുക്കുന്നു. ചുരുളിക്ക് ശേഷം മധു നീലകണ്ഠന്‍ വീണ്ടും ലിജോയ്ക്ക് വേണ്ടി കാമറ ചലിപ്പിക്കുന്നു എന്നതാണ് മറ്റൊരു പ്രത്യേകത. പ്രശാന്ത് പിള്ള സംഗീതവും ദീപു ജോസഫ് എഡിറ്റിംഗും നിര്‍വഹിക്കുന്നു.
ജോണ്‍ മേരി ക്രിയേറ്രീവിന്റെ ബാനറില്‍ ഷിബു ബേബി ജോണ്‍, സെഞ്ച്വറി ഫിലിംസിന്റെ ബാനറില്‍ കൊച്ചുമോന്‍, മാക്‌സ് ലാബിന്റെ അനൂപ് എന്നിവര്‍ ചേര്‍ന്നാണ് നിര്‍മ്മാണം.പി . ആര്‍ . ഒ പ്രതീഷ് ശേഖര്‍
Premium Lifestyle and Entertainment website
സത്യസന്ധരായ നക്ഷത്രക്കാര്‍ ഇവരാണ്
പ്രൊഫഷണലുകളെ ലക്ഷ്യമിട്ട് ലെനോവോയുടെ പുതിയ ടാബ്ലെറ്റും ലാപ്‌ടോപ്പും