ധനുഷ് നായകനായി എത്തുന്ന പുതിയ ചിതം വാത്തിയുടെ ട്രെയിലര്‍ റിലീസ് ചെയ്തു. വിദ്യാഭ്യാസ മേഖലയിലെ സ്വകാര്യവത്ക്കരണമാണ് ചിത്രത്തിന്റെ പ്രമേയമെന്നാണ് ട്രെയിലര്‍ നല്‍കുന്ന സൂചന. ധനുഷിന്റെ കരിയറിലെ മറ്റൊരു മാസ് സിനിമയാകും ഇതെന്നും ട്രെയിലര്‍ ഉറപ്പുനല്‍കുന്നു.
ധനുഷിനെ നായകനാക്കി വെങ്കി അട്ലൂരി തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് 'വാത്തി.പ്രണയവും ആക്ഷന്‍ രംഗങ്ങളുമെല്ലാം ഉള്‍ക്കൊളളുന്ന മനോഹരചിത്രമായിരിക്കും വാത്തി എന്നാണ് ട്രെയിലര്‍ നല്‍കുന്ന സൂചന.
സംയുക്തയാണ് ചിത്രത്തിലെ നായിക. സമൂദ്രക്കനി ശക്തമായ വില്ലന്‍ വേഷത്തിലെത്തുന്നു. ഇവരെ കൂടാതെ സായികുമാര്‍, തനികേല, ഭരണി, നാരാ ശ്രീനിവാസ്, ഹൈപ്പര്‍ ആദി, ആടുകളം നരേന്‍, ഇളവരസ്, ഹരീഷ് പേരടി , പ്രവീണ തുടങ്ങിയവരും ചിത്രത്തില്‍ അഭിനയിക്കുന്നുണ്ട്.
ജി.വി പ്രകാശ് സംഗീത സംവിധാനം ഒരുക്കുന്ന ചിത്രത്തില്‍ നവീന്‍ നൂളി എഡിറ്റിങ്ങും ജെ. യുവരാജ് ഛായാഗ്രഹണവും നിര്‍വ്വഹിച്ചിരിക്കുന്നു. സംഘട്ടനം വെങ്കട്ട്, പ്രൊഡക്ഷന്‍ ഡിസൈനര്‍ അവിനാഷ് കൊല്ല, സിതാര എന്റര്‍ടെയ്ന്‍മെന്റ്സിന്റെയും ഫോര്‍ച്യൂണ്‍ ഫോര്‍ സിനിമാസിന്റെയും ബാനറില്‍ എസ്.നാഗവംശി, സായി സൗജന്യ എന്നിവര്‍ ചേര്‍ന്നാണ് വാത്തി നിര്‍മ്മിച്ചിരിക്കുന്നത്. തെലുങ്കിലും തമിഴിലുമായാണ് ചിത്രമെത്തുക.
ശ്രീശങ്കര സ്റ്റുഡിയോസ് അവതരിപ്പിക്കുന്ന ചിത്രം ഫെബ്രുവരി 17 ന് തിയേറ്ററുകളിലെത്തും.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍