നിമിഷ അവതരിപ്പിച്ച കഥാപാത്രത്തെ തമിഴില്‍ ചെയ്യുന്നത് ഐശ്വര്യ രാജേഷ്; ദ് ഗ്രേറ്റ് ഇന്ത്യന്‍ കിച്ചണ്‍ തമിഴ് റീമേക്ക് ട്രെയിലര്‍

ഇന്ത്യയൊട്ടാകെ ചര്‍ച്ച ചെയ്യപ്പെട്ട മലയാള ചലച്ചിത്രം 'ദി ഗ്രേറ്റ് ഇന്ത്യന്‍ കിച്ചണി'ന്റെ തമിഴ് റീമേക്ക് ട്രെയിലര്‍ റിലീസ് ചെയ്തു. ഐശ്വര്യ രാജേഷ് നായികയായെത്തുന്ന ചിത്രത്തില്‍ രാഹുല്‍ രവീന്ദര്‍ ആണ് നായകന്‍. 

മലയാളത്തില്‍ സുരാജ് വെഞ്ഞാറമൂടും നിമിഷ സജയനും തകര്‍ത്തഭിനയിച്ച വേഷത്തിലാണ് ഇരുവരും എത്തുന്നത്. ആര്‍ കണ്ണന്‍ ആണ് ചിത്രത്തിന്റെ സംവിധായകന്‍. ജയംകൊണ്ടേന്‍, കണ്ടേന്‍ കാതലൈ, സേട്ടൈ തുടങ്ങിയ സിനിമകളിലൂടെ ശ്രദ്ധേയനാണ് കണ്ണന്‍.

ദ് ഗ്രേറ്റ് ഇന്ത്യന്‍ കിച്ചണ്‍ എന്ന് തന്നെയാണ് തമിഴിലും ചിത്രത്തിന്റെ പേര്. പി.ജി മുത്തയ്യയാണ് ഛായാഗ്രഹണം. കലാ സംവിധാനം രാജ്കുമാര്‍, തിരക്കഥ, സംഭാഷണം പട്ടുകോട്ടൈ പ്രഭാകര്‍. ജെറി സില്‍വസ്റ്റര്‍ ആണ് സംഗീതം. ലിയോ ജോണ്‍ പോള്‍ എഡിറ്റിങ്.

മലയാളത്തില്‍ ജിയോ ബേബിയായായിരുന്നു സിനിമയുടെ കഥയും തിരക്കഥയും സംഭാഷണവും സംവിധാനവും. നിമിഷ സജയന്‍-സുരാജ് വെഞ്ഞാറമ്മൂട് ജോഡികളുടെ അഭിനയപ്രകടനം സിനിമയുടെ പ്രധാന ആകര്‍ഷണമായിരുന്നു. ഡിജോ അഗസ്റ്റിന്‍, ജോമോന്‍ ജേക്കബ്, വിഷ്ണു രാജന്‍, സജിന്‍ എസ് രാജ് എന്നിവരായിരുന്നു നിര്‍മാണം.