നിങ്ങള്‍ കോഴിക്കോട്ടുകാര്‍ക്ക് മാത്രമേ ബിരിയാണി ഉണ്ടാക്കാന്‍ പറ്റുള്ളോ?  ജിയോ ബേബിയുടെ 'ശ്രീധന്യ കാറ്ററിംഗ് സര്‍വീസ് ട്രെയിലര്‍ പുറത്തിറക്കി മമ്മൂട്ടി

ദ ഗ്രേറ്റ് ഇന്ത്യന്‍ കിച്ചണിന് ശേഷം ജിയോ ബേബി സംവിധാനം ചെയ്യുന്ന 'ശ്രീധന്യ കാറ്ററിംഗ് സര്‍വ്വീസിന്റെ ട്രെയ്ലര്‍ റിലീസ് ചെയ്തു. മമ്മൂട്ടിയാണ് ട്രെയ്ലര്‍ റിലീസ് ചെയ്തത്. ചിത്രം ഈ മാസം 26ന് തിയേറ്ററുകളില്‍ എത്തും. മൂര്‍, പ്രശാന്ത് മുരളി, ജിലു ജോസഫ് തുടങ്ങിയവര്‍ക്കൊപ്പം ജിയോ ബേബിയും ചിത്രത്തില്‍ പ്രധാനവേഷത്തിലെത്തുന്നുണ്ട്. ചിത്രത്തിലെ നേരത്തെ റിലീസ് ചെയ്ത പാട്ടും ടീസറുമെല്ലാം ശ്രദ്ധ നേടിയിരുന്നു

സിനിമയുടെ ടൈറ്റില്‍ പോലെ തന്നെ പാചകം തന്നെയായിരിക്കും സിനിമയെ മുന്നോട്ട് നയിക്കുന്നത് എന്ന് വ്യക്തമാക്കുന്ന രംഗങ്ങളാണ് ട്രെയ്ലറിലുള്ളത്. കൂട്ടുകാരെല്ലാം ചേര്‍ന്ന് വീട്ടിലിരുന്ന് ഭക്ഷണം പാകം ചെയ്യുന്നതും തുടര്‍ന്നുണ്ടാകുന്ന രസകരമായ സംഭവങ്ങളുമാണ് സിനിമയുടെ ഇതിവൃത്തം.

സാലു കെ. തോമസാണ് ചിത്രത്തിന്റെ ഛായാഗ്രഹണം. ബേസില്‍ സി.ജെ. മാത്യൂസ് പുളിക്കന്‍ എന്നിവര്‍ ചേര്‍ന്ന് സംഗീതം പകരുന്ന ചിത്രത്തിന്റെ എഡിറ്റിങ് നിര്‍വഹിച്ചിരിക്കുന്നത് ഫ്രാന്‍സിസ് ലൂയിസാണ്.<ഫീഡം ഫൈറ്റ് എന്ന ആന്തോളജിയായിരുന്നു ഒടുവില്‍ റിലീസ് ചെയ്ത ജിയോ ബേബി സിനിമ. സിനിമയില്‍ ഓള്‍ഡ് ഏജ് ഹോം എന്ന ഭാഗമാണ് ജിയോ ബേബി സംവിധാനം ചെയ്തിരുന്നത്.