സമൂഹ മാധ്യമങ്ങളില്‍ താരംഗമാകാന്‍ 'ലിറ്റില്‍ ഹാര്‍ട്‌സ് ' ടൈറ്റില്‍ അനൗണ്‍സ്‌മെന്റ് വീഡിയോ. ഇതുവരെ മറ്റൊരു സിനിമയ്ക്ക് വേണ്ടിയും കാണാത്ത ഒരു പുത്തന്‍ രീതിയുണ്ട് വീഡിയോയില്‍. ചിത്രത്തിലെ കഥാപാത്രങ്ങള്‍ ആരൊക്കെ ഏതൊക്കെ കഥാപാത്രങ്ങള്‍ ആണ് ചെയ്യുന്നതെന്ന് പറയുന്നതാണ് വീഡിയോ.
ഈ വീഡിയോ തന്നെ പ്രേക്ഷകരെ ഒരുപാട് ചിരിപ്പിക്കുന്നുണ്ട്. ചിത്രത്തിന്റെ ആദ്യ വീഡിയോയില്‍ തന്നെ ഇങ്ങനെയാണ് പെര്‍ഫോമന്‍സ് എന്നാല്‍ ചിത്രം എങ്ങനെയാകും? ഒരേ പൊളിയായിരിക്കും... കട്ട വെയ്റ്റിങ് എന്നെല്ലാം ഉള്ള പ്രേക്ഷക പ്രതികരണങ്ങള്‍ ആണ് വീഡിയോയ്ക്ക് ലഭിക്കുന്നത്.
സാന്ദ്ര തോമസ് പ്രൊഡക്ഷന്‍സിന്റെ ബാനറില്‍ ഷൈന്‍ ടോം ചാക്കോ, ഷെയിന്‍ നിഗം എന്നിവരെ കേന്ദ്ര കഥാപാത്രങ്ങളാക്കി സാന്ദ്ര തോമസും വില്‍സണ്‍ തോമസും ചേര്‍ന്ന്
നിര്‍മിക്കുന്ന ചിത്രമാണ് ലിറ്റില്‍ ഹാര്‍ട്‌സ്. സാന്ദ്ര തോമസ് പ്രൊഡക്ഷന്റെ ബാനറില്‍ ഒരുങ്ങുന്ന രണ്ടാമത്തെ ചിത്രമാണിത്. ആദ്യ ചിത്രം 'നല്ല നിലാവുള്ള രാത്രി'.
ബാബു രാജ്, ചെമ്പന്‍ വിനോദ്, ജിനു ജോസഫ്, ബിനു പപ്പു എന്നിവര്‍ പ്രധാന വേഷങ്ങള്‍ ചെയ്ത ചിത്രമായിരുന്നു നല്ല നിലാവുള്ള രാത്രി. മലയാള സിനിമയില്‍ നിര്‍മ്മാണം, അഭിനയം എന്നീ മേഖലകളില്‍ തന്റെതായ സ്ഥാനമുറപ്പിച്ച സാന്ദ്ര തോമസിന്റെ രണ്ടാമത്തെ ചിത്രം എന്ന രീതിയിലും' ലിറ്റില്‍ ഹാര്‍ട്‌സ്' ശ്രദ്ധേയമാണ്. എബി ട്രീസ പോള്‍, ആന്റോ ജോസ് പെരേര എന്നിവര്‍ ചേര്‍ന്നാണ് ചിത്രം സംവിധാനം ചെയ്യുന്നത്. ഇരുവരും ചേര്‍ന്നുള്ള രണ്ടാമത്തെ ചിത്രമാണിത്. സംവിധാന മികവില്‍ പ്രേക്ഷക പ്രശംസ നേടിയ, അര്‍ജുന്‍ അശോകന്‍ നായകനായെത്തിയ മെമ്പര്‍ അശോകന്‍ ആണ് ഇവരുടെ ആദ്യ ചിത്രം.
അഭിനയ പ്രതിഭകൊണ്ട് പ്രേക്ഷക മനസ്സുകളില്‍ ഇടം നേടിയ ഒരു ഗംഭീര താരനിര തന്നെയുണ്ട് ചിത്രത്തില്‍. ധ്യാന്‍ ശ്രീനിവാസന്‍, ബാബുരാജ്, ചെമ്പന്‍ വിനോദ് ജോസ്, ജാഫര്‍ ഇടുക്കി, രഞ്ജി പണിക്കര്‍, അനഘ, മാലാ പാര്‍വതി, രമ്യ സുവി, പൊന്നമ്മ ബാബു, പ്രാര്‍ത്ഥന സന്ദീപ് എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു. വ്യത്യസ്തമായ മൂന്ന് പേരുടെ പ്രണയവും, ഇവരുടെ ജീവിതത്തിലേക്ക് കടന്ന് വരുന്ന ആള്‍ക്കാരും തുടര്‍ന്ന് നടക്കുന്ന സംഭവങ്ങളുമാണ് ചിത്രം പറയുന്നത്.
ലിറ്റില്‍ ഹാര്‍ട്‌സിന്റെ തിരക്കഥ ഒരുക്കുന്നത് രാജേഷ് പിന്നാടന്‍. ബിജു മേനോന്‍ റോഷന്‍ മാത്യു ചിത്രം ഒരു തെക്കന്‍ തല്ല് കേസ്, റിലീസിന് തയ്യാറെടുക്കുന്ന പൃഥ്വിരാജ് ചിത്രം വിലായത്ത് ബുദ്ധ എന്നീ ചിത്രങ്ങളുടെ തിരക്കഥയും രാജേഷിന്റെതായിരുന്നു. ഏഴ് പാട്ടുകളുള്ള ചിത്രത്തിന്റെ സംഗീതം കൈലാസ് മേനോന്‍. ക്യാമറ ലുക്ക് ജോസ്. എഡിറ്റര്‍ നൗഫല്‍ അബ്ദുള്ള, പ്രൊഡക്ഷന്‍ ഹെഡ് അനിറ്റാരാജ് കപില്‍.ക്രിയേറ്റീവ് ഹെഡ് ഗോപികാ റാണി.
ക്രിയേറ്റീവ് ഡയറക്ടര്‍ ദിപില്‍ദേവ്,
പ്രൊഡക്ഷന്‍ കണ്‍ട്രോളര്‍ ഡേവിസണ്‍ സി ജെ,
മേക്കപ്പ് പ്രദീപ് ഗോപാലകൃഷ്ണന്‍, കോസ്റ്റ്യൂം അരുണ്‍ മനോഹര്‍, ആര്‍ട്ട് അരുണ്‍ ജോസ്, കൊറിയോഗ്രഫി റിഷ്ദാന്‍ അബ്ദുള്‍ റഷീദ്,
പിആര്‍ഓ മഞ്ജു ഗോപിനാഥ്.സ്റ്റില്‍സ്
അനീഷ് ബാബു,
ഡിസൈന്‍സ്
ഏസ്ത്തറ്റിക് കുഞ്ഞമ്മ. തുടങ്ങിയവരാണ് മറ്റ് അണിയറ പ്രവര്‍ത്തകര്‍.
Premium Lifestyle and Entertainment website
യൂറിക് ആസിഡ്: ലക്ഷണങ്ങളും പരിഹാരവും അറിയാം
ബി ഉണ്ണികൃഷ്ണന്റെ മോശം വശം ആദ്യ സിനിമ മുതല്‍ കണ്ട ആള്‍; അദ്ദേഹത്തിന്റെ സിനികളുടെ പേര് പോലെ തന്നെ മാടമ്പി, പ്രമാണി എന്നൊക്കെ പോലെ തന്നെ ജീവിതത്തിലും; ബട്ടണ്‍സ് ഊരി കിടന്നിട്ട് ഇടാന്‍ മെസ്സേജ് അയച്ചു എന്നൊക്കെ പറയുന്നത് പച്ചക്കള്ളം; സാന്ദ്രാ തോമസ് പങ്ക് വക്കുന്നത്