കാല്‍മുട്ടിന് പരിക്കേറ്റതിനെ തുടര്‍ന്ന് എയര്‍ ഇന്ത്യ ജീവനക്കാരോട് വീല്‍ചെയര്‍ ആവശ്യപ്പെട്ടെങ്കിലും മുപ്പത് മിനിറ്റ് വിമാനത്താവളത്തില്‍ കാത്തിരിക്കേണ്ടി വന്നുവെന്ന് നടിയും ബിജെപി നേതാവുമായ ഖുശ്ബു സുന്ദര്‍. ട്വിറ്ററിലൂടെയാണ് എയര്‍ ഇന്ത്യയില്‍ നിന്നും നേരിടേണ്ടിവന്ന ദുരനുഭവം ഖുശ്ബു വെളിപ്പെടുത്തിയത്.
കഴിഞ്ഞ ദിവസമായിരുന്നു തനിക്ക് നേരിട്ട ദുരനുഭവത്തെക്കുറിച്ച് താരം ട്വീറ്റ് ചെയ്തത്. കാല്‍മുട്ടിന് പരിക്കേറ്റതിനാല്‍ തനിക്ക് വീല്‍ ചെയര്‍ ആവശ്യമായിരുന്നുഴവന്നും എന്നാല്‍ അതിനായ് താന്‍ 30 മിനിറ്റ് കാത്തിരിക്കേണ്ടി വന്നതായും ഖുശ്ബു ട്വീറ്റ് ചെയ്തു. കാല്‍മുട്ടിന് പരിക്കേറ്റ ഒരു യാത്രക്കാരനെ കൊണ്ടുപോകാനുളള വീല്‍ചെയര്‍ പോലും ലഭ്യമാക്കാന്‍ എയര്‍ ഇന്ത്യയ്ക്ക് കഴിഞ്ഞില്ല. മറ്റൊരു എയര്‍ലൈനില്‍ നിന്ന് കടം വാങ്ങിയാണ് തനിക്ക് വീല്‍ചെയര്‍ നല്‍കിയതെന്നും താരം പറയുന്നു. എയര്‍ ഇന്ത്യ തങ്ങളുടെ സേവനം ഇനിയും മെച്ചപ്പെടുത്തണമെന്നും എയര്‍ ഇന്ത്യയെ ടാഗ് ചെയ്ത് കൊണ്ട് ഖുശ്ബു കുറിച്ചു.
ട്വീറ്റ് ചര്‍ച്ചയായതോടെ മാപ്പു പറഞ്ഞ് രംഗത്തെത്തിയിരിക്കുകയാണ് എയര്‍ ഇന്ത്യ. ഖുശ്ബുവിന്റെ ട്വീറ്റിന് മറുപടിയായാണ് അവര്‍ ക്ഷമാപണവുമായെത്തിയിരിക്കുന്നത്. നിങ്ങള്‍ക്കുണ്ടായ മോശം അനുഭവത്തില്‍ അതിയായ ഖേദം പ്രഷടിപ്പിക്കുന്നു. ഇക്കാര്യം ചെന്നൈ വിമാനത്താവളത്തിലെ ജീവനക്കാരുടെ ശ്രദ്ധയില്‍പ്പെടുത്തണമായിരുന്നു എന്നാണ് എയര്‍ലൈന്‍ അധികൃതര്‍ നല്‍കിയ മറുപടിയില്‍ പറയുന്നത്. ='
നിരവധി ആളുകളാണ് ഖുശ്ബുവിന്റെ ട്വീറ്റ് പ്രതികരണവുമായി എത്തിയത്. ഈയിടെയായിരുന്നു താരത്തിന്റെ കാലിന് പരിക്കേറ്റത്. ഇതിന്റെ ചിത്രങ്ങള്‍ ഖുശ്ബു സോഷ്യല്‍ മീഡിയയില്‍ പങ്കുവെച്ചിരുന്നു.
Premium Lifestyle and Entertainment website
സിനിമയില്‍ അവസരം തേടുന്നവരെ വലയിലാക്കും, രതിചിത്രത്തില്‍ അഭിനയിപ്പിക്കും; ശില്‍പ ഷെട്ടിയുടെ ഭര്‍ത്താവ് രാജ് കുന്ദ്രയുടെ വീട്ടിലും ഓഫിസുകളിലും ഉള്‍പ്പെടെ 15 ഇടത്ത് റെയ്ഡ്
ശങ്കര്‍-രാം ചരണ്‍ ചിത്രം 'ഗെയിം ചേഞ്ചര്‍'; പ്രണയാതുരരായി റാം ചരണും കിയാരയും;'നാനാ ഹൈറാനാ' ഗാനത്തിന്റെ ലിറിക് വീഡിയോ എത്തി