തന്റെ പുതിയ ചിത്രം വിക്രം വന്‍ വിജയം നേടിയതിന്റെ തിളക്കത്തിലാണ് കമല്‍ഹാസന്‍. 50 ദിവസത്തിലധികമായി തിയ്യറ്റുകളില്‍ ഓടുന്ന ചിത്രം ആഗോള തലത്തില്‍ നേടിയത് 400 കോടി രൂപയാണ് ഇതുവരെ നേടിയത്.ലോകേഷ് കനകരാജിന്റെ സംവിധാനത്തില്‍ പുറത്തുവന്ന വിക്രം സകല കളക്ഷന്‍ റെക്കോഡുകളും തകര്‍ത്താണ് തിയേറ്ററുകളില്‍ പ്രദര്‍ശനം അവസാനിപ്പിച്ചത്.
തിയേറ്ററിലെ ഓളം പോലെ തന്നെ ചിത്രത്തിന് ഒ.ടി.ടിയിലും വമ്പന്‍ സ്വീകരണമാണ് ലഭിച്ചത്. ഇപ്പോഴിതാ ചിത്രത്തിന്റെ വിജയാഘോഷത്തിനും അടുത്ത ബിഗ് ബഡ്ജറ്റ് ചിത്രത്തിന്റെ തയ്യാറെടുപ്പുകള്‍ക്കുമായി താരം അമേരിക്കയിലേക്ക് പോയി എന്നാണ് റിപ്പോര്ട്ട്.
ശങ്കറിന്റെ സംവിധാനത്തില്‍ ഒരുങ്ങുന്ന ഇന്ത്യന്‍2 ആണ് കമല്‍ഹാസന്‍ അടുത്തതായി അഭിനയിക്കുന്ന ചിത്രം. ചിത്രത്തിന്റെ ഷൂട്ടിങ് സെപ്റ്റംബറില്‍ പുനരാരംഭിക്കുമെന്നാണ് റീപോട്ടുകള്‍.
1996ല്‍ പുറത്തിറങ്ങിയ ഇന്ത്യന്റെ രണ്ടാം ഭാഗമാണ് ചിത്രം. കമല്‍ഹാസനെ കൂടാതെ ചിത്രത്തില്‍ കാജല്‍ അഗര്‍വാള്‍, പ്രിയ ഭവാനി ശങ്കര്‍, രാകുല്‍ പ്രീത്, സിദ്ധാര്‍ത്ഥ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.അടുത്തിടെ ശിവ കാര്‍ത്തികേയന്‍ ചിത്രം ഡോണിന്റെ വിജയാഘോഷത്തില്‍ ഇന്ത്യന്‍ 2 ഷൂട്ടിങ് ഉടന്‍ പുനരാരാഭിക്കും എന്ന് ചിത്രത്തിന്റെ സഹ നിര്‍മാതാവായ ഉദയനിധി സ്റ്റാലിന്‍ പറഞ്ഞിരുന്നു.
ഇന്ത്യന്‍ 2വിന് ശേഷം മഹേഷ് നാരായണന്‍ സംവിധാനം ചെയ്യുന്ന ചിത്രത്തിലാവും കമല്‍ഹാസന്‍ അഭിനയിക്കുക.
Premium Lifestyle and Entertainment website
ആന്റണിക്കൊപ്പം മമ്മൂക്ക; ആന്റോ ജോസഫിനൊപ്പം മോഹന്‍ലാലും; പിന്നാലെ കുഞ്ചാക്കോയുമെത്തി; മഹേഷ് നാരായണന്‍ ചിത്രത്തിനായി താരങ്ങള്‍ ശ്രീലങ്കിയില്‍; ഷൂട്ടിനായി തിരിക്കുന്ന താരങ്ങളുടെ വീഡിയോയും ചിത്രങ്ങളും സോഷ്യല്‍ മീഡിയില്‍ വൈറല്‍; ചിത്രത്തില്‍ മഞ്ജു വാര്യരും നയന്‍താരയും എത്തുമെന്നും റിപ്പോര്ട്ട്
ഡോക്യുമെന്ററിയില്‍ ഉപയോഗിച്ച 'നാനും റൗഡി താന്‍' ചിത്രത്തിലെ മൂന്ന് സെക്കന്‍ഡ് ദൃശ്യം പിന്‍വലിക്കണം; ഇല്ലെങ്കില്‍ പ്രത്യാഘാതം 10 കോടിയില്‍ ഒതുങ്ങില്ല; ഗുരുതരമായ നിയമനടപടി നേരിടേണ്ടിവരും'; നയന്‍താരക്ക് വീണ്ടും നോട്ടീസ് അയച്ച് ധനുഷ്