ശിവകാര്‍ത്തികേയന്റെ  അടിപൊളി ഡാന്‍സ് പെര്‍ഫോമന്‍സുമായി ഡോണ്‍ പ്രമോ വീഡിയോ; ചിന്ന ദളപതിയോ എന്ന ചോദ്യവുമായി ആരാധകര്‍; ചിത്രം ഇന്ന് റിലീസിന്

ശിവകാര്‍ത്തികേയന്റെ  അടിപൊളി ഡാന്‍സ് പെര്‍ഫോമന്‍സുമായി ഡോണ്‍ പ്രമോ വീഡിയോ എത്തി. ഇന്ന് റിലീസിനൊരുങ്ങുന്ന ചിത്രത്തിന്റെ പ്രോമോയ്ക്ക് മികച്ച പ്രതികരണമാണ് ലഭിക്കുന്നത്.നവാഗതനായ സിബി ചക്രവര്‍ത്തിയാണ് ഡോണിന്റെ സംവിധാനം നിര്‍വഹിച്ചിരിക്കുന്നത്. ശിവ കാര്‍ത്തികേയനും ലൈക്ക പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്. 

പ്രമോ വീഡിയോ പുറത്തിറങ്ങി മണിക്കൂറുകള്‍ പിന്നിടുന്നുമ്പോള്‍ ലക്ഷക്കണക്കിന് കാഴ്ചക്കാരെയാണ് സ്വന്തമാക്കിയിരിക്കുന്നത്. ചിന്ന ദളപതിയാണോ എന്ന ചോദ്യമുയര്‍ത്തി ആരാധകരും എത്തിയിട്ടുണ്ട്.അനിരുദ്ധിന്റെ ഗാനവും എസ്‌കെയുടെ പെര്‍ഫോമന്‍സുമാണ് ഏവരുടെയും അട്രാക്റ്റിംഗ് പാര്‍ട്ട്.

കോമഡി എന്റര്‍ടെയ്‌നര്‍ വിഭാഗത്തില്‍ പെടുന്ന ചിത്രം ക്യാമ്പസ് പശ്ചാത്തലത്തില്‍ കഥ പറയുന്ന ഒന്നാണ്. ഡോക്ടറിലും നായികയായിരുന്ന പ്രിയങ്ക അരുള്‍ മോഹന്‍ ആണ് ഈ ചിത്രത്തിലും നായിക. സംവിധായകന്‍ ആറ്റ്‌ലിയുടെ അസോസിയേറ്റ് ആയി പ്രവര്‍ത്തിച്ച പരിചയവുമായാണ് സിബി ചക്രവര്‍ത്തി ആദ്യചിത്രം ഒരുക്കുന്നത്. അനിരുദ്ധ് ആണ് സംഗീത സംവിധാനം. 

എസ് ജെ സൂര്യ, പ്രിയങ്ക, സമുദ്രകിനി, സൂരി തുടങ്ങിയവര്‍ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. സംവിധായകന്‍ ഗൗതം മേനോനും ചിത്രത്തില്‍ ഒരു ശ്രദ്ധയമായ വേഷത്തില്‍ എത്തുന്നുണ്ട്.. .