മലയാളത്തിന്റെ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും ഏറെ നാളുകള്‍ക്ക് ശേഷം ഒന്നിക്കുന്ന മഹേഷ് നാരായണന്‍ ചിത്രത്തെക്കുറിച്ചുള്ള വാര്‍ത്തകള്‍ വന്ന നാള്‍ മുതല്‍ ചിത്രത്തിന്റെ പേര് എന്തെന്നറിയാനുള്ള കാത്തിരിക്കുകയായിരുന്നു ആരാധകര്‍. ഒടുവില്‍ ആ സുപ്രധാന പ്രഖ്യാപനം നടത്തിയിരിക്കുകയാണ് നടന്‍ മോഹന്‍ലാല്‍. ചിത്രത്തിന്റെ രണ്ടാമത്തെ ഷെഡ്യൂള്‍ കഴിഞ്ഞ വാരമാണ് ശ്രീലങ്കയില്‍ ആരംഭിച്ചത്, നയന്‍താര, ഫഹദ് ഫാസില്‍, കുഞ്ചാക്കോ ബോബന്‍, ദര്‍ശന രാജേന്ദ്രന്‍ തുടങ്ങി വന്‍താരനിരയാണ് ചിത്രത്തില്‍ അണിനിരക്കുന്നത്.
ഇതിനിടെ ചിത്രത്തിന്റെ പേരുമായി ബന്ധപ്പെട്ട് ശ്രീലങ്കന്‍ ടൂറിസത്തിന്റെ സോഷ്യല്‍ മീഡിയ പേജില്‍ വന്ന പോസ്റ്റ് വന്‍ ചര്‍ച്ചയായിരുന്നു. മോഹന്‍ലാലിനെ ശ്രീലങ്കയിലേക്ക് സ്വാഗതം ചെയ്തു കൊണ്ടുള്ള പോസ്റ്റില്‍ സിനിമയുടെ പേര് പേട്രിയറ്റ് എന്നാണ് പറഞ്ഞിരുന്നത്. പേര് വെളിപ്പെടുത്തിയതില്‍ രൂക്ഷ വിമര്‍ശനവുമായി ആരാധകര്‍ രംഗത്തെത്തിയിരുന്നു. എന്നാല്‍ സിനിമയുടെ പേര് അതല്ലെന്ന ചര്‍ച്ചകളും വന്നിരുന്നു. ഇപ്പോഴിതാ സിനിമയുടെ പേര് പേട്രിയറ്റ് ആണെന്ന് സ്ഥിരീകരിച്ച് മോഹന്‍ലാല്‍ തന്നെ എത്തിയിരിക്കുകയാണ്. ഒരു ശ്രീലങ്കന്‍ ചാനലിന് നല്‍കിയ അഭിമുഖത്തില്‍ ആണ് മോഹന്‍ലാല്‍ സിനിമയുടെ പേര് പേട്രിയറ്റ് ആണെന്ന് പറയുന്നത്. ഈ വീഡിയോ സോഷ്യല്‍ മീഡിയയില്‍ ഇപ്പോള്‍ വ്യാപകമായി പ്രചരിക്കുന്നുണ്ട്.
ഷൂട്ടിങ്ങിനെത്തിയ മോഹന്‍ലാലിന് വലിയ സ്വീകരണമാണ് ശ്രീലങ്കയില്‍ ലഭിച്ചത്. ശ്രീലങ്കന്‍ പാര്‍ലമെന്റ് അദ്ദേഹത്തെ ആദരിച്ചിരുന്നു. ഇതിന്റെ തുടര്‍ച്ചയായാണ് ഒരു ശ്രീലങ്കന്‍ മാധ്യമത്തില്‍ അദ്ദേഹത്തിന്റെ അഭിമുഖം വന്നത്. ഇതിലാണ് മോഹന്‍ലാല്‍ ചിത്രത്തിന്റെ പേര് വെളിപ്പെടുത്തിയത്. ശ്രീലങ്കയില്‍ എത്തിയതിന്റെ അനുഭവം ചോദിച്ചപ്പോഴാണ് മോഹന്‍ലാല്‍ ചിത്രത്തെക്കുറിച്ച് സംസാരിച്ചത്. 'ഇതെന്റെ രണ്ടാം സന്ദര്‍ശനമാണ്. നേരത്തെ ഒരു ഷെഡ്യൂളിന് ഇവിടെ വന്നിരുന്നു. ഒരുവലിയ ചിത്രമാണ് ഞങ്ങള്‍ ചെയ്യുന്നത്. താരനിരയുടെ കാര്യത്തിലാണ് ചിത്രം വലുതാവുന്നത്. ഞാന്‍, മമ്മൂട്ടി, ഫഹദ് ഫാസില്‍, കുഞ്ചാക്കോ ബോബന്‍ അടക്കം നിരവധിപ്പേര്‍. 'പേട്രിയറ്റ്' എന്നാണ് ചിത്രത്തിന്റെ പേര്. ഇന്ത്യയിലും വിദേശത്തുമായാണ് ചിത്രം സംഭവിക്കുന്നത്. ഇന്ത്യ, ബാക്കു, യുകെ, ഗള്‍ഫ് എന്നിവിടങ്ങളിലും ഏതാനും ഭാഗങ്ങള്‍ ശ്രീലങ്കയിലുമായാണ് ചിത്രീകരണം', എന്നായിരുന്നു ചിത്രത്തെക്കുറിച്ച് മോഹന്‍ലാലിന്റെ വാക്കുകള്‍.
Premium Lifestyle and Entertainment website
വിമാനാവശിഷ്ടങ്ങള്‍ക്കിടയില്‍ നിന്ന് ലഭിച്ചത് ചെരുപ്പും മോതിരവും കരിഞ്ഞ വസ്ത്രവും; രഞ്ജിതയുടെ ശരീരത്തില്‍ അവശേഷിച്ചത് ഇത്രമാത്രം; എല്ലാം ബന്ധുക്കള്‍ക്ക് കൈമാറി; മക്കള്‍ ഏറ്റുവാങ്ങിയത് പൊട്ടിക്കരഞ്ഞുകൊണ്ട്‌
ഷാനറ്റിന്റെ ഏറ്റവും വലിയ ആഗ്രഹമായിരുന്നു സ്മാര്‍ട്ട് വാച്ച്; മകന്റെ വേര്‍പാട് അറിയാതെ അമ്മയെത്തിയത് മകന്റെ ആഗ്രഹമായ വാച്ചുമായി; വാങ്ങിയത് ജിനുവിന്റെ ആദ്യ ശമ്പളത്തില്‍ നിന്ന്; വാച്ച് മൃതദേഹത്തില്‍ വച്ച് മകനെ അമ്മ യാത്രയാക്കി
പാട്ട് പഠിക്കാന്‍ ചെന്നപ്പോള്‍ പാടാന്‍ പറ്റിയ ശബ്ദം അല്ലെന്ന് പറഞ്ഞു; പിന്നീട് ഇഷ്ടം തോന്നിയത് ഇടയ്ക്കയോട്; ആദ്യം കണ്ണുടക്കിയത് പൊലിപ്പുകളില്‍; 9-ാം വയസ്സില്‍ തുടങ്ങിയ പഠനം; ഇടയ്ക്കയെ ഹൃദയം പോലെ കാണുന്ന ആശ ഇന്ന് സോപാനത്തിലെ വാനമ്പാടി
പരസ്പരം ഇഷ്ടപെട്ടാണ് കെട്ടിയത്; മുന്‍പോട്ട് പോകാന്‍ ആകില്ല എന്ന് മനസ്സിലാക്കുമ്പോള്‍ പിരിയണം; കോമഡി അഭിനയിക്കുന്ന വ്യക്തി എപ്പോഴും അങ്ങനെ ആവുമെന്ന് കരുതരുത്; ചക്കപ്പഴത്തിലെ റാഫിയുമായി വേര്‍പിരിഞ്ഞുവെന്ന് വെളിപ്പെടുത്തി ഭാര്യ