സായ് പല്ലവിയും ധനുഷും ഒരുമിച്ചെത്തുന്ന റൗഡി ബേബി എന്ന ഗാനത്തിന്റെ മേക്കിംഗ് വീഡിയോ പുറത്തുവിട്ടു

ബാലാജി മോഹന്‍ സംവിധാനം ചെയ്ത തമിഴ് ആക്ഷന്‍ കോമഡി ചിത്രമാണ് മാരി 2. ചിത്രത്തിലെ  റൗഡി ബേബി എന്ന് തുടങ്ങുന്ന ഗാനം ഇറങ്ങിയ അന്ന് മുതല്‍ സമൂഹമാധ്യമങ്ങളില്‍ വൈറലാണ്. സമീപകാലത്ത് ഇത്രക്കും ആരാധകരെ നേടിയ ഒരു ഗാനം ഇല്ലെന്ന്ു തന്നെ പറയാം. ഈ ഗാനത്തിന്റെ മേക്കിംഗ് വീഡിയോയാണ് ഇപ്പോള്‍ പുറത്തുവന്നിരിക്കുന്നത്.
 പ്രഭുവാണ് ചിത്രത്തിന്റെ കെറിയോഗ്രാഫറായി എത്തുന്നത്. ഗാനത്തിന്റെ മേക്കിംഗ് വീഡിയോയില്‍ സായ് പല്ലവി ഗാനം ചിത്രീകരിക്കുന്നതിനു എടുത്ത ബുദ്ധിമുട്ടുകളെക്കുറിച്ച് പറയുന്നുണ്ട്.     

2015 ല്‍ ബാലാജി മോഹന്‍ തന്നെ സംവിധാനം ചെയ്തു പുറത്തിറങ്ങിയ മാരി എന്ന ചലച്ചിത്രത്തിന്റെ രണ്ടാം ഭാഗമാണ് ഈ സിനിമ. ചിത്രത്തിലെ കേന്ദ്രകഥാപാത്രമായ മാരിയെ അവതരിപ്പിച്ചിരിക്കുന്ന തമിഴ് ചലച്ചിത്രനടന്‍ ധനുഷ് ആണ്. തന്റെ നിര്‍മ്മാണക്കമ്പനിയായ വണ്ടര്‍ബാര്‍ ഫിലിംസിന്റെ ബാനറിലാണ് ഈ ചലച്ചിത്രം നിര്‍മ്മിച്ചത്. സായ് പല്ലവി, വരലക്ഷ്മി ശരത്കുമാര്‍, ടൊവിനോ തോമസ്, കൃഷ്ണ കുലശേഖരന്‍ എന്നിവരാണ് മാരി 2ലെ മറ്റു പ്രധാനപ്പെട്ട കഥാപാത്രങ്ങളെ അവതരിപ്പിച്ചിരിക്കുന്നത്.