മലയാളത്തില്‍ നിന്നും തമിഴില്‍ നിന്നും മീടു വെളിപ്പെടുത്തലുകള്‍ നടന്നുകൊണ്ടിരിക്കെ കന്നഡ സിനിമാ ലോകത്തുനിന്നും വെളിപ്പെടുത്തലുമായി ഒരു നടി എത്തിയിരിക്കുകയാണ്. കന്നഡ നടി സംഗീത ഭട്ട് ആണ് തനിക്ക് പതിനഞ്ചാം വയസ് മുതല്‍ സിനിമാ മേഖലയില്‍ നിന്നും പീഡനങ്ങള്‍ ഏല്ക്കേണ്ടി വന്നിട്ടുള്ളതായി തുറന്ന് പറഞ്ഞത്.
പതിനഞ്ചാം വയസ്സില്‍ സിനിമാ മേഖലയില്‍ നിന്നുമുള്ള ചിലരുടെ പീഡനങ്ങള്‍ തനിക്ക് ഏല്ക്കേണ്ടി വന്നെന്നും ആ അനുഭവങ്ങള്‍ തന്നെ ഇപ്പോഴും വേട്ടയാടുന്നുണ്ടെന്നും പറഞ്ഞ് നടി സംഗീത ഭട്ടാണ് രംഗത്ത് വന്നിരിക്കുന്നത്.10 വര്‍ഷത്തെ തന്റെ സിനിമാ ജീവിതം അവസാനിപ്പിച്ചതും ഈ ദുരനുഭവങ്ങള്‍ കൊണ്ടാണെന്നും സംഗീത തന്റെ ഫേസ്ബുക്ക് പോസ്റ്റിലൂടെ വെളിപ്പെടുത്തി.
2008 ല്‍ കാസ്റ്റിങ് ഡയറക്ടറാണ് തന്നെ ലൈംഗികമായി ആദ്യം കൈയേറ്റം ചെയ്തത്. ആ കാലം മോശപ്പെട്ട ഓര്‍മ്മകളുടേതാണ്. കാസ്റ്റിങ് ഡയറക്ടര്‍, പ്രശസ്തരായ ഡയറക്ടര്‍മാര്‍, നടന്മാര്‍, കോമഡി താരങ്ങള്‍, ഹെയര്‍ ഡ്രസ്സേഴ്‌സ് തുടങ്ങിയവര്‍ തുടര്‍ച്ചയായി പലവട്ടം തന്റെ സ്വകാര്യത ലംഘിക്കുകയും സിനിമാ മേഖലയില്‍ തന്നെ താറടിച്ചു കാണിക്കുകയും ചെയ്തിട്ടുണ്ട്. പലരും തന്റെ കഥ പുറത്തുപറയരുതെന്ന് പറഞ്ഞിരുന്നു. ഇപ്പോള്‍ ഇത് തുറന്നുപറയാനുള്ള സമയമാണ്' സംഗിത പറഞ്ഞു.
താനനുഭവിക്കുന്ന വേദനയും മനഃസംഘര്‍ഷവും ആരുമറിയാതെ പോകരുത് എന്നതിനാലാണ് ഈ പോസ്റ്റ് ഇടുന്നത്. അനന്തരഫലം മുന്‍കൂട്ടി കണ്ടുതന്നെയാണ് ഇതെഴുതുന്നത്. ആ സംഭവങ്ങള്‍ തന്നെ മാനസിക സമ്മര്‍ദ്ദത്തിലാക്കിയിരുന്നു. ഇപ്പോഴും അതിന് ചികിത്സയിലാണെന്നും നടി കുറിപ്പില്‍ പറയുന്നു. എന്നാല്‍ തനിക്കെതിരെ അക്രമം കാട്ടിയവരുടെ പേരുകള്‍ നടി വെളിപ്പെടുത്തിയിട്ടില്ല.
Premium Lifestyle and Entertainment website
നിങ്ങള്‍ ജീവിതത്തെ ഒന്നായി തോന്നിപ്പിക്കും..കുടുംബചിത്രങ്ങളുമായി രണ്‍ബീറിന് പിറന്നാള്‍ ആശംസകള്‍ നേര്‍ന്ന് ആലിയ ഭട്ട്; ജന്മദിനത്തില്‍ സംരംഭകത്വ ലോകത്തേക്ക് ചുവടുവെച്ച് നടനും
ഒരു പാവം കന്നടക്കാരി പെണ്‍കുട്ടിയെ വിവാഹം ചെയ്ത് അവളെ എത്രമേല്‍ നോവിക്കാം അത്രയും നോവിച്ചു, പിന്നെ അമൃതയേയും: ബാലയുടെ ആദ്യ വിവാഹത്തിന്റെ രേഖ പുറത്ത്