നിവിന് പോളിയുടെ തകര്‍പ്പന്‍ പ്രകടനവുമായി കായംകുളം കൊച്ചുണ്ണി തീയേറ്ററുകളില്‍ മുന്നേറുകയാണ്. ആഗോള കളക്ഷനില്‍ ഒന്‍പത് കോടി അന്‍പത്തിനാല് ലക്ഷം രൂപയാണ് ചിത്രം നേടിയത്. വിജയ പ്രയാണം തുടരുന്നതിനിടെ ചിത്രത്തിന്റെ സക്സസ് സെലബ്രഷന്‍ നിവിന് ആഘോഷിച്ചു. നിവിന് പോളിയുടെ ഇറങ്ങാനിരിക്കുന്ന പുതിയ ചിത്രമായ മിഖായേലിന്റെ ഷൂട്ടിങ് സെറ്റിലാണ് വിജയാഘോഷം നടന്നത്. കോഴിക്കോട്ടെ ഷൂട്ടിംഗ് സെറ്റില്‍ മിഖായേലിന്റെ അണിയറ പ്രവര്‍ത്തകര്‍ക്കൊപ്പമാണ് കായംകുളം കൊച്ചുണ്ണിയുടെ വിജയം നിവിന് ആഘോഷിച്ചത്.
ആദ്യദിനം കേരളത്തില്‍ നിന്നും മാത്രം 5 കോടി 30 ലക്ഷം രൂപയാണ് ചിത്രം വാരിക്കൂട്ടിയത്. ഒരു നിവിന് പോളി സിനിമയ്ക്കു ലഭിക്കുന്ന ഏറ്റവും ഉയര്‍ന്ന തുക കൂടിയാണിത്. 364 തിയറ്ററുകളിലായി 1700 പ്രദര്‍ശനങ്ങളാണ് ആദ്യദിവസം നടന്നത്. മലയാളസിനിമയില്‍ ഇത് റെക്കോര്‍ഡ് ആയിരുന്നു. ബിഗ് ബജറ്റ് ചിത്രം നിര്‍മ്മിച്ചിരിക്കുന്നത് ഗോകുലം പ്രൊഡക്ഷന്‍സ് ആണ്. 45 കോടിയാണ് മുതല്‍മുടക്ക്. ഏകദേശം പതിനായിരത്തോളം ജൂനിയര്‍ ആര്‍ട്ടിസ്റ്റുകള്‍ ചിത്രത്തില്‍ അഭിനയിച്ചു. 161 ദിവസങ്ങള്‍ കൊണ്ടാണ് ചിത്രീകരണം പൂര്‍ത്തിയാക്കിയത്.
ഗ്രേറ്റ് ഫാദറിന്റെ സംവിധായകന്‍ ഹനീഫ് അദേനി നിവിന് പോളിയെ നായകനാക്കി ഒരുക്കുന്ന ചിത്രമാണ് മിഖായേല്‍. ചിത്രത്തില്‍ മഞ്ജിമ മോഹനാണ് നിവിന് നായികയായെത്തുന്നത്. ഒരു വടക്കന്‍ സെല്‍ഫിക്ക് ശേഷം ഇരുവരും ഒന്നിക്കുന്ന ചിത്രമാണ് ഇതെന്ന് പ്രത്യേകത കൂടിയുണ്ട്.
ഗാര്‍ഡിയന്‍ ഏയ്ഞ്ചല്‍ (കാവല്‍ മാലാഖ) എന്ന ടാഗ് ലൈനോടുകൂടി എത്തുന്ന മിഖായേല്‍ ഫാമിലി ചിത്രമാണ്. ബിഗ് ബജറ്റിലൊരുങ്ങുന്ന ചിത്രത്തില്‍ നിവിന് പോളി കുടുംബസ്ഥനായ ഒരാളായാണ് വേഷമിടുക. കുടുംബചിത്രം എന്നതിനൊപ്പം ഒരേ സമയം തന്നെ ക്രൈം ത്രില്ലറുമായിരിക്കും മിഖായേല്‍. കഴിഞ്ഞ ദിവസം ഇറങ്ങിയ ചിത്രത്തിന്റെ ടീസറിന് വലിയ സ്വീകാര്യതയാണ് ലഭിച്ചത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം