24 വർഷം കഴിഞ്ഞിട്ടും അതേ ചെറുപ്പവുമായി മലയാളത്തിന്റെ പ്രിയ നായിക; 10 ഇയർ ചലഞ്ച് കെട്ടടങ്ങി ആഴ്‌ച്ചകൾക്കുള്ളിൽ 24 വർഷം മുൻപുള്ള ചിത്രം പങ്കുവെച്ച് നടി ദിവ്യ ഉണ്ണി

അന്നും ഇന്നും  ഒരേ രൂപത്തിലിരിക്കുന്ന നായികമാർ കുറവായിരിക്കും. വർഷങ്ങൾക്ക് മുൻപ് തന്നെ സിനിമാ മേഖല വിട്ട ശേഷം കുടുംബിനിയായി കഴിയുന്ന താരങ്ങളുണ്ട്. സമൂഹ മാധ്യമത്തിൽ മാത്രമാവും അവരെ പിന്നെയൊന്ന് കാണാൻ സാധിക്കുക. വർഷങ്ങൾക്ക് മുൻപുള്ള ചിത്രങ്ങൾ കുത്തിപ്പൊക്കിയെടുത്ത് സമൂഹ മാധ്യമത്തിൽ പോസ്റ്റ് ചെയ്യുന്ന 10 ഇയർ ചലഞ്ചിന്റെ ഓളം ഒന്ന് കെട്ടടങ്ങി വന്ന സമയത്താണ് 24 വർഷം മുൻപുള്ള ചിത്രം പങ്കുവെച്ച് മലയാളത്തിന്റെ പ്രിയ നായിക ആരാധകരെ ഞെട്ടിച്ചിരിക്കുന്നത്. അന്നും ഇന്നും ഒരേ രൂപത്തിൽ ദിവ്യ ഉണ്ണി ആരാധകരെ അത്ഭുതപ്പെടുത്തിയതാണ് ഇപ്പോൾ സമൂഹ മാധ്യമത്തിലടക്കം ചർച്ച.

1995-ൽ മോഡലിങ് ചെയ്തിരുന്ന സമയത്തെ തന്റെ ചിത്രവും ഇപ്പോഴത്തെ ചിത്രവും പങ്കുവച്ചാണ് ദിവ്യ ആരാധകരെ ഞെട്ടിച്ചിരിക്കുന്നത്. രണ്ടും കണ്ടാൽ ഇത്രയധികം വർഷത്തിന്റെ അന്തരമുണ്ടെന്ന് പറയില്ല. രണ്ടും തമ്മിൽ പറയത്തക്ക വ്യത്യാസമൊന്നും കണ്ടെത്താനാകുന്നില്ലെന്നാണ് ആരാധകർ പറയുന്നത്. ഒന്നുകൂടി ചെറുപ്പമായിരിക്കുന്നുവെന്നാണ് ചിലരുടെ അഭിപ്രായം. എന്തായാലും താരത്തിന്റെ ഈ 24 ഇയർ ചലഞ്ചാണ് ഇപ്പോൾ സമൂഹ മാധ്യമത്തിൽ ചൂടേറിയ വിഷയമായിരിക്കുന്നത്.