ഒരുകാലത്ത് താന് അമിതമായി മദ്യപിക്കുന്ന ആളായിരുന്നുവെന്നും എന്നാല് ഒരുമാസം കൊണ്ടാണ് താന് മദ്യപാനം നിര്ത്തിയതെന്നും ബോളിവുഡ് താരം അജയ് ദേവ്ഗണ്. ഇന്ത്യന് എക്സ്പ്രസ്സിന് നല്കിയ അഭിമുഖത്തിലാണ് അദ്ദേഹം ഇക്കാര്യങ്ങള് വ്യക്തമാക്കിയത്.
'ഞാനൊരു മുഴുക്കുടിയനായിരുന്നു. മദ്യപിക്കാത്തവരെ പരിഹസിക്കുന്ന അവസ്ഥ വരെ എത്തിയിരുന്നു. എന്നാല് ഇപ്പോള്, മനസ്സിനും ശരീരത്തിനും ഉന്മേഷം നല്കുന്ന ഒരു ശീലമായി മാത്രമാണ് ഇതിനെ കാണുന്നത്. ഭക്ഷണം കഴിക്കുമ്പോള് വളരെ ചെറിയ അളവിലാണ് ഇപ്പോള് കഴിക്കുന്നത്,' അജയ് ദേവ്ഗണ് പറഞ്ഞു. ഒരു ഘട്ടത്തില്, തന്റെ മദ്യപാനം നിയന്ത്രിക്കാനാവാതെ വന്നപ്പോള്, ഒരു വെല്നസ് സ്പായില് ഒരു മാസം ചിലവഴിച്ചാണ് താരം മദ്യപാനത്തില് നിന്ന് മോചിതനായത്.
ഇപ്പോള് താന് വളരെ ഉയര്ന്ന വിലയുള്ള വിസ്കിയാണ് ഉപയോഗിക്കുന്നതെന്നും, ഒരു ബോട്ടിലിന് 60,000 രൂപ വരെ വിലയുണ്ടെന്നും അദ്ദേഹം വെളിപ്പെടുത്തി. 'ഇതൊരിക്കലും മദ്യപാനമല്ല, മറിച്ച് ആസ്വദിക്കാനുള്ള ഒരു മാര്ഗ്ഗം മാത്രമാണ്,' അദ്ദേഹം കൂട്ടിച്ചേര്ത്തു. 14-ാം വയസ്സിലാണ് അദ്ദേഹം മദ്യപാനം ആരംഭിച്ചതെന്നും, അത് പിന്നീട് ഒരു ശീലമായി മാറിയെന്നും അജയ് ദേവ്ഗണ് പറയുന്നു. 'സണ് ഓഫ് സര്ദാര് 2' ആണ് അദ്ദേഹത്തിന്റെ അവസാനമായി പുറത്തിറങ്ങിയ ചിത്രം. 'ദേ ദേ പ്യാര് ദേ 2' ആണ് പുതിയ സിനിമ. ദൃശ്യം പരമ്പരയുടെ മൂന്നാം ഭാഗവും അണിയറയില് ഒരുങ്ങുന്നുണ്ട്.
Premium Lifestyle and Entertainment website
കലാമണ്ഡലത്തില് ഓട്ടം തുള്ളല് പഠിച്ച ഒരുത്തി; ഇവള് ഓട്ടം തുള്ളലാണോ പഠിച്ചത് എന്നുപോലും അറിയില്ല;വീര്ത്ത കവിളും ആകപ്പാടെ ഉരുണ്ടിരിക്കുന്ന ഒരുത്തി;നീ അമ്മയുടെ വയറ്റില് ഉണ്ടാകുന്നതിനു മുന്പ് മുഖത്ത് ചായം തേച്ച് ഫീല്ഡില് ഇറങ്ങി;പിണ്ഡോദരി മോളെ നിന്നെ ഏതേലും പൊതുവേദിയില് വച്ച് ഞാന് കാണും; സ്നേഹ ശ്രീകുമാറിനെതിരെ വീഡിയോയുമായി സത്യഭാമ
ജീത്തു ജോസഫിന്റെ വലതു വശത്തെ കള്ളന് ടീസര് എത്തി