പുലിമുരുഗൻ താരം നമിതയ്ക്ക് ഇരട്ട കൺമണികൾ; അഷ്ടമി രോഹിണി ദിനത്തിലെ സന്തോഷം പങ്കുവച്ച് താരം

പുലിമുരുകന്‍ എന്ന സിനിമയില്‍ ചില ഭാഗത്ത് മാത്രം പ്രത്യക്ഷപ്പെട്ട് എന്നാല്‍ ആ സിനിമയിലൂടെ തന്നെ എല്ലാവരാലും ശ്രദ്ധിക്കപ്പെട്ട ഒരു താരമാണ് നമിത. മോഹന്‍ലാലിനെ മയക്കുന്ന സുന്ദരിയായി എത്തിയ നമിതയുടെ ജീവിതത്തിലേക്ക് എത്തിയ ഒരു പ്രധാന വിശേഷമാണ് ഇപ്പോള്‍ വാര്‍ത്തയാകുന്നത്. ഗര്‍ഭിണിയായിരുന്ന നടി ഇരട്ട കുഞ്ഞുങ്ങള്‍ക്ക് ജന്മം നല്‍കിയെന്ന സന്തോഷ വാര്‍ത്തയാണ് സോഷ്യല്‍ മീഡിയയിലൂടെ പങ്കുവച്ചിരിക്കുന്നത്. ഒപ്പം നിന്നവര്‍ക്കും കുടുംബാംഗങ്ങള്‍ക്കും സുഹൃത്തുക്കള്‍ക്കും നന്ദി പറഞ്ഞുകൊണ്ടുള്ള ഒരു പോസ്റ്റിലൂടെയാണ് താരം വിശേഷ വാര്‍ത്ത പങ്കുവയ്ക്കുന്നത്.

അഷ്ടമി രോഹിണി ദിനത്തില്‍ ആണ് തങ്ങള്‍ക്ക് ഇരട്ട കുഞ്ഞുങ്ങള്‍ ജനിച്ച സന്തോഷം നമിത സോഷ്യല്‍ മീഡിയയിലൂടെ അറിയിച്ചത്. ആണ്‍ കുഞ്ഞുങ്ങളാണ് രണ്ട് പേരും. നമിതയുടെ ഗര്‍ഭകാല വിശേഷങ്ങള്‍ എല്ലാം താരം ഇന്‍സ്റ്റഗ്രാമിലൂടെ ആരാധകരുമായി പങ്കുവച്ചിരുന്നു. സന്തോഷം പങ്കുവെച്ച് താരം കുറിച്ച് വാക്കുകള്‍ ഇങ്ങനെ.. ഹരേ കൃഷ്ണ! ഈ ശുഭവേളയില്‍ ഞങ്ങളുടെ സന്തോഷവാര്‍ത്ത നിങ്ങളുമായി പങ്കുവെക്കുന്നതില്‍ ഞങ്ങള്‍ക്ക് അതിയായ സന്തോഷമുണ്ട്. ഞങ്ങള്‍ ഇരട്ട ആണ്‍കുട്ടികളാല്‍ അനുഗ്രഹിക്കപ്പെട്ടിരിക്കുന്നു. നിങ്ങളുടെ അനുഗ്രഹങ്ങളും സ്നേഹവും അവര്‍ക്കൊപ്പമുണ്ടാകുമെന്ന് ഞങ്ങള്‍ പ്രതീക്ഷിക്കുന്നു. ക്രോംപേട്ടിലെ റെല ഹോസ്പിറ്റല്‍ - മള്‍ട്ടി സ്പെഷ്യാലിറ്റി ഹോസ്പിറ്റല്‍ അവരുടെ മികച്ച ആരോഗ്യ പരിപാലന സേവനങ്ങള്‍ക്ക് ഞങ്ങള്‍ ശരിക്കും നന്ദിയുള്ളവരാണ്. ഗര്‍ഭകാല യാത്രയില്‍ കൂടെ നിന്നതിനും എന്റെ കുട്ടികളെ ഈ ലോകത്തേക്ക് കൊണ്ടുവന്നതിനും ഡോ. ഭുവനേശ്വരിയോടും ടീമിനോടും ഞാന്‍ ശരിക്കും കടപ്പെട്ടിരിക്കുന്നു. ഡോ. ഈശ്വര്‍ എന്‍ ഡോ വെല്ലു മുര്‍ഗന്‍ എന്റെ മാതൃത്വത്തിലും എന്നെ സഹായിക്കുന്നു. ഒരു മികച്ച സുഹൃത്തും ഗൈഡും ആയതിന് ഡോ. നരേഷിന് എന്റെ പ്രത്യേക നന്ദി' എന്നാണ് നമിതയുടെ ഇന്‍സ്റ്റഗ്രാം പോസ്റ്റ്.

ഒരു കാലത്ത് തമിഴ് മാദക നായികമാരില്‍ മുന്നിലായിരുന്നു നമിത. തമിഴിലാണ് താരം കൂടുതലും തിളങ്ങിയത് എങ്കിലും മലയാളികള്‍ക്കും നമിത വളരെയധികം സുപരിചിതമായ വ്യക്തിയാണ്. അതുകൊണ്ടുതന്നെ ഈ സന്തോഷവാര്‍ത്ത മലയാളികളും ഏറ്റെടുക്കുകയാണ്. തമിഴ്- തെലുങ്ക് സിനിമകളില്‍ സജീവമായിരുന്ന താരം മലയാളത്തിലും സാന്നിധ്യം അറിയിച്ചിട്ടുണ്ട്. പുലിമുരുകന്‍ എന്ന ചിത്രത്തിലെ വേഷം ശ്രദ്ധേയമാണ്. ബ്ലാക്ക് സ്റ്റാലിന്‍ ആണ് മറ്റൊരു മലയാള സിനിമ. നടിയും തമിഴ് ബിഗ്ഗ് ബോസ് സീസണ്‍ 1 മത്സരാര്‍ത്ഥിയുമായിരുന്നു നമിത. അതിലൂടെ തന്നെയും മിനിസ്‌ക്രീന്‍ പ്രേക്ഷകര്‍ക്കും വളരെയധികം സുപരിചിതമായി മാറി. നന്നായി കളിച്ചു അതുകൊണ്ടുതന്നെ ബിഗ് ബോസിലെ താരത്തിന് കൂടുതല്‍ ശ്രദ്ധിക്കാന്‍ സാധിച്ചു.