പുതിയ പ്രെമോഷന്‍  രീതികള്‍ പരീക്ഷിച്ച് തരംഗം സൃഷ്ടിക്കാന്‍ പൃഥിരാജ്...! ചിത്രം 9 ന്റെ ട്രെയിലര്‍ റിലീസ് ചെയ്യുന്നത് മലയാളത്തിലെ 15 പ്രമുഖ ചാനലുകളില്‍ ജനുവരി 9 ന് രാത്രി 9 മണിക്ക് 

കാത്തിരിപ്പിനൊടുവില്‍ പൃഥിരാജ് ചിത്രം 9 ട്രെയിലര്‍ പ്രേക്ഷകര്‍ക്ക് മുന്നിലെത്തുന്നു. സാധാരണ രീതിയില്‍ നിന്ന് മാറി വ്യത്യസ്തമായാണ് ഇത്തവണ ആദ്യമായി ഒരു ചിത്രത്തിന്റെ ട്രെയിലര്‍ ഇങ്ങനെ റിലീസ് ചെയ്യുന്നത്. എല്ലാ ചിത്രങ്ങളും സമൂഹ മാധ്യമങ്ങള്‍ വഴി ട്രെയ്ലറും, ടീസറും, ഫസ്റ്റ് ലുക്കും, ഗാനങ്ങളും റിലീസ് ചെയ്യുന്ന ഈ കാലഘട്ടത്തില്‍ ജനപ്രിയ മാധ്യമമായ ടിവിയിലൂടെയാണ് ട്രെയിലര്‍ പുറത്ത് വിടുന്നത്.

ഫെബ്രുവരി 9 നാണ് ചിത്രം തീയേറ്ററുകളിലേക്കെത്തുന്നത്.  പുതിയ പ്രമോഷന്‍ രീതികള്‍ പരീക്ഷിച്ചാണ് 9 റിലീസ് ചെയ്യുന്നത്. മലയാളത്തിലെ 15 പ്രമുഖ ചാനലുകളിലാണ് ജനുവരി 9 ന് രാത്രി 9 മണിക്ക് സിനിമയുടെ ട്രെയിലര്‍ റിലീസ് ചെയ്യുന്നത്. ടെലിവിഷനുകളില്‍ ട്രെയിലറും ടീസറും റിലീസ് ചെയ്ത് പുതിയൊരു തരംഗം സൃഷ്ടിക്കാനുള്ള തയ്യാറെടുപ്പിലാണ് പൃഥ്വിരാജ്. മലയാള ടെലിവിഷന്റെ ചരിത്രത്തില്‍ ആദ്യമായിട്ടാണ് ഒരു സിനിമയുടെ ട്രെയിലര്‍ ഇതുപോലെ പ്രദര്‍ശിപ്പിക്കുന്നത്.

ജീനസ് മുഹമ്മദ് സംവിധാനം ചെയ്യുന്ന ചിത്രത്തില്‍ പൃഥ്വിരാജ് നായകനാവുമ്പോള്‍ വാമിഖ ഖബ്ബി, മംമ്ത മോഹന്‍ദാസ് എന്നിവരാണ് നായികമാരായി അഭിനയിക്കുന്നത്. സയന്‍സ് ഫിക്ഷന്‍ ഹൊറല്‍ ത്രില്ലറായി ഒരുക്കുന്ന ചിത്രം പൃഥ്വിരാജ് പ്രൊഡക്ഷന്‍സും സോണി പിക്ചേഴ്സ് എന്റര്‍ടെയിന്‍മെന്റും ചേര്‍ന്നാണ് നിര്‍മ്മിക്കുന്നത്.  സോണി പിക്‌ചേഴ്‌സ് ആദ്യമായി മലയാള ചലച്ചിത്ര നിര്‍മ്മാണ മേഖലയിലേക്ക് കടന്നു വരുന്ന ചിത്രമാണ് നയന്‍. നായകന്‍ സഹ-നിര്‍മ്മാതാവ് കൂടിയാണ് എന്നതാണ് മറ്റൊരു സവിശേഷത.

#9Movie #CreatingHistory

First time in History of Malayalam Cinema. 15 Television channels at the same time will telecast the trailer at 9pm, 09/01/19. @9MovieOfficial @PrithviOfficial @SonyPicsIndia @PrithvirajProd #SupriyaMenon @jenusemohamed  @GabbiWamiqa @Poffactio #Feb7 pic.twitter.com/OIIlOCGR2a

— POFFACTIO ™ (@Poffactio) January 7, 2019