കേരള ക്രൈം ഫയല്‍സ്, മാസ്റ്റര്‍പീസ്, പേരില്ലൂര്‍ പ്രീമിയര്‍ ലീഗ്, നാഗേന്ദ്രന്‍സ് ഹണിമൂണ്‍സ് തുടങ്ങിയ വെബ് സീരീസുകള്‍ക്ക് ശേഷം ഡിസ്‌നിപ്ലസ് ഹോട്ട്സ്റ്റാറിലൂടെ 'തൗസന്റ് ബേബീസ്' സ്ട്രീമിങിന് ഒരുങ്ങുന്നു. തെന്നിന്ത്യയുടെ പ്രിയതാരം റഹ്മാന്‍ ആദ്യമായി അഭിനയിക്കുന്ന വെബ് സീരീസിന്റെ ടീസര്‍ പുറത്തിറക്കി.
സൈക്കോളജിക്കല്‍ സസ്‌പെന്‍സ് ക്രൈം ത്രില്ലര്‍ ജോണറിലുള്ള വ്യത്യസ്തമായ പ്രമേയത്തിലാണ് വെബ് സീരീസ് എത്തുന്നത്.അപൂര്‍വ രാഗം, ടു കണ്‍ഡ്രീസ്, ഫ്രൈഡേ , ഷെര്‍ലോക് ടോം എന്നീ സിനിമകളുടെ രചയിതാവും 'കളി'യുടെ സംവിധായകനുമായ നജീം കോയയാണ് തൗസന്റ് ബേബീസിന്റെ സംവിധാനം. നജീം കോയ, അറൗസ് ഇര്‍ഫാന്‍ എന്നിവര്‍ ചേര്‍ന്നാണ് രചന. ബോളിവുഡ് അഭിനേത്രിയും സംവിധായികയുമായ നീനാ ഗുപ്ത സീരീസില്‍ മര്‍മ്മ പ്രധാന കഥാപാത്രത്തെ അവതരിപ്പിക്കുന്നു.
ഷാജി നടേശന്‍, ആര്യ എന്നിവര്‍ ചേര്‍ന്ന് ആഗസ്റ്റ് സിനിമാസിന്റെ ബാനറിലാണ് തൗസന്റ് ബേബീസിന്റെ നിര്‍മ്മാണം. സഞ്ജു ശിവരാമന്‍, രാധിക രാധാകൃഷ്ണന്‍, ജോയ് മാത്യു, അശ്വിന്‍ കുമാര്‍, ഇര്‍ഷാദ് അലി, ഷാജു ശ്രീധര്‍, കലേഷ് രാമാനന്ദ്, ശ്രീകാന്ത് മുരളി തുടങ്ങിയവരാണ് പ്രധാന കഥാപാത്രങ്ങളായെത്തുന്നത്. ഫെയ്സ് സിദ്ധിഖാണ് വിഷ്വലുകള്‍ക്ക് പ്രാധ്യാന്യം നല്‍കി ഒരുക്കുന്ന സീരീസിനായി ക്യാമറ ചലിപ്പിക്കുന്നത്. ശങ്കര്‍ ശര്‍മ്മയാണ് സംഗീതം.
ഹോട്സ്റ്റാറില്‍ അവസാനം പുറത്തിറങ്ങിയ 'നാഗേന്ദ്രന്‍സ് ഹണിമൂണ്‍സ്' ഏറെ ശ്രദ്ധനേടിയിരുന്നു. 'പേരല്ലൂര്‍ പ്രീമിയര്‍ ലീഗി'ന്റെ വന്‍ വിജയത്തിന് പിന്നാലെ കോമഡിക്ക് പ്രാധാന്യം നല്‍കിയാണ് ഈ സീരീസും ഒരുക്കിയത്.
Premium Lifestyle and Entertainment website
ബംഗാളി നടി ഉമ ദാസ് ഗുപ്ത അന്തരിച്ചു; വിടവാങ്ങിയത് ലോകസിനിമയിലെ ക്ലാസിക്കുകളിലൊന്നായ പഥേര്‍ പാഞ്ചാലിയിലെ ദുര്‍ഗ്ഗയെ അനശ്വരമാക്കിയ താരം; മരണം കൊല്‍ക്കത്തയില്‍ അര്‍ബുദത്തെ തുടര്‍ന്ന് ചികിത്സയിലായിരിക്കെ; ആദരാഞ്ജലികളുമായി പ്രമുഖര്‍ 
സത്യസന്ധരായ നക്ഷത്രക്കാര്‍ ഇവരാണ്