നമ്മുടെ വാനമ്പാടി അഭിനയം നിര്‍ത്തുമോ? നിര്‍ണ്ണായക തീരുമാനം പറഞ്ഞ് അനുമോള്‍..! വാനമ്പാടിയിലെ അനുമോള്‍ക്ക് അഭിനയത്തെക്കാള്‍ ഇഷ്ടം മറ്റൊന്നാണ്..!

വാനമ്പാടി എന്ന ഒറ്റ സീരിയലിലൂടെ പ്രേക്ഷകരുടെ പ്രിയ താരമായി മാറിയ കുട്ടിയാണ് അനുമോള്‍. അനുമോനും അനുമോളുമൊക്കെയായി വാനമ്പാടിയില്‍ തകര്‍ത്തഭിനയിച്ച കുഞ്ഞുതാരത്തിന്റെ പേര് ഗൗരി കൃഷ്ണ എന്നാണ്. സീരിയലില്‍ കേന്ദ്ര കഥാപാത്രത്തെയാണ് ഗൗരി അവതരിപ്പിക്കുന്നത്. പ്രശസ്ത പിന്നണി ഗായകനായ മോഹന്‍കുമാറിന്റെ മകളായി ഒരു ചെറിയ പാട്ടുകാരിയായാണ് ഗൗരി സീരിയലില്‍ മികച്ച അഭിനയം കാഴ്ച വയ്ക്കുന്നത്. സീരിയലിലെ പോലെ സംഗീതത്തെ ഏറെ സ്നേഹിക്കുന്ന ഗൗരി മികച്ച പാട്ടുകാരി കൂടിയാണ്. സംസ്ഥാന സര്‍ക്കാറിന്റെ പുരസ്‌ക്കാരം പോലും നേടിയിട്ടുള്ള ഗൗരി ഇപ്പോള്‍ തന്റെ ജീവിത്തതിലെ നിര്‍ണ്ണായകമായ ഒരു തീരുമാനം വെളിപ്പെടുത്തിയിരിക്കയാണ്.

വളരെ കുറച്ചുനാള്‍ കൊണ്ടുതന്നെ ജനശ്രദ്ധ പിടിച്ചുപറ്റിയ സീരിയലാണ് ഏഷ്യാനെറ്റിലെ വാനമ്പാടി. ഗായകനായ മോഹന്‍കുമാറിന്റെയും ഇയാള്‍ക്ക് വിവാഹത്തിന് മുമ്പുണ്ടായ പ്രണയ ബന്ധത്തില്‍ ജനിച്ച അനുമോളുടെയും ആത്മബന്ധത്തിന്റെയും കഥയാണ് സീരിയല്‍ പറയുന്നത്. സീരിയലില്‍ മികച്ച പാട്ടുകാരിയായി അഭിനയിക്കുന്ന ഗൗരി ജീവിതത്തിലും നിരവധി അവാര്‍ഡുകള്‍ വാരിക്കൂട്ടിയ പാട്ടുകാരി തന്നെയാണ്.

അന്തരിച്ച പ്രശസ്ത ഗിറ്റാറിസ്റ്റും സംഗീതജ്ഞനുമായ പ്രകാശ് കൃഷ്ണന്റെ മകളാണ് ഗൗരി. പല ഷോകളിലും ഗാന പിന്നണിയിലും പ്രവര്‍ത്തിച്ചു പരിചയമുള്ള പ്രകാശ് അറിയപ്പെടുന്ന ഒരു കലാകാരന്‍ ആയിരുന്നു. ഗൗരിയെ സംഗീത വഴികളിലേക്ക് കൈപിടിച്ചതും അച്ഛന്‍ തന്നെയാണ്. പക്ഷേ മകള്‍ ഉയരങ്ങള്‍ കീഴടക്കുന്നത് കാണാന്‍ കാത്തുനില്‍ക്കാതെ പ്രകാശ് ഒരു ആക്‌സിഡന്റില്‍ മരിച്ചു. ഇതിനോടകം കേരളാ സംഗീത നാടക അക്കാദമിയുടെ മികച്ച ഗായികക്കുള്ള അവാര്‍ഡ് ഉള്‍പെടെയുള്ളവ ഗൗരി നേടിയിട്ടുണ്ട്. അതു കരസ്ഥമക്കിയതാകട്ടെ ഏഴാം വയസിലും. പക്ഷേ പാട്ടുകാരിയാകാന്‍ കൊതിച്ച അനുമോള്‍ ഒടുവില്‍ അഭിനയത്തില്‍ എത്തുകയായിരുന്നു.

എല്‍കെജി മുതലാണ് പാട്ട് പഠിക്കാന്‍ തുടങ്ങുന്നത്. ഇപ്പോള്‍ വാനമ്പാടിയുടെ തിരക്ക് കാരണം സംഗീതപഠനത്തിന് അല്‍പ്പം ബ്രെയ്ക്ക് വന്നിരിക്കുകയാണ്.  വാനമ്പാടി തീര്‍ന്നാല്‍, ഉടനെ അടുത്ത സീരിയല്‍ ഉണ്ടാകുമോ എന്ന ചോദ്യത്തിന് ഉണ്ടാകില്ല, എന്നാണ് ഗൗരിയുടെ മറുപടി. സംഗീതവും പഠനവും മുന്‍പോട്ട് കൊണ്ട് പോകാന്‍ ആണ് താത്പര്യം. പക്ഷേ നല്ല സിനിമകള്‍ അവസരം കിട്ടിയാല്‍ ചെയ്യും. ടീച്ചര്‍ ആകണമെന്നാണ് അനുവിന്റെ ആഗ്രഹം. സംഗീത കുടുംബത്തില്‍ ജനി്ച്ചതിനാല്‍ ആകാം അഭിനയത്തെക്കാള്‍ പാട്ടിന് മുന്‍തൂക്കം ഗൗരി നല്‍കുന്നു. തിരുവനന്തപുരത്തെ കാര്‍മല്‍ സ്‌കൂളില്‍ ഏഴാം ക്ലാസിലാണ് ഗൗരി പഠിക്കുന്നത്. അമ്മ ഷീലയും സഹോദരന്‍ ശങ്കറുമാണ് താരത്തിന്റെ കുടുംബം.