അനൂപിനെ തഴഞ്ഞ് ഹിമയെ രക്ഷിച്ചു..!!; കാരണം സാബുവിന്റെ പ്രേമം..!; തരികിട സാബുവിന് ഹിമയോട് പ്രേമം.!!; ബിഗ് ബോസില്‍ പ്രണയകാലം...

ബിഗ് ബോസ് ഹൗസില്‍ ഇരു ധ്രുവങ്ങളിലാണെന്ന് വിശേഷിപ്പിക്കാവുന്ന മത്സരാര്‍ഥികളായിരുന്നു സാബുവും ഹിമയും. എന്നാല്‍, വൈല്‍ഡ് കാര്‍ഡ് എന്‍ട്രിയിലൂടെ പരിപാടിയിലേക്ക് വീണ്ടും എത്തിയപ്പോള്‍ മുതല്‍ ഹിമ പ്രത്യേക രീതിയിലാണ് സാബുവിനോട് ഇടപെടുന്നത്. ഇരുവരും സ്‌നേഹിക്കുകയും വഴക്കിടുകയും ചെയ്യുന്നുണ്ട് ഷോയില്‍. 

ഹിമയ്ക്ക് സാബുവിനോടുള്ള അടുപ്പം പരിപാടിയില്‍ പ്രകടമായിരുന്നെങ്കിലും സാബു പിടികൊടുക്കാതെ മുന്നോട്ടുപോകുകയായിരുന്നു. ബിഗ് ബോസ് ഹൗസില്‍ സാബുവിനെ നിരന്തരം വെറുപ്പിക്കുന്ന ഒരേയൊരു വ്യക്തി ഹിമയാണെന്നാണ് വയ്പ്. ഈ ആഴ്ച നോമിനേഷനില്‍ ഹിമ 3 വോട്ടുകള്‍ നേടിയിരുന്നു. അര്‍ച്ചന, ശ്രീനീഷ്, സുരേഷ് എന്നിവരാണ് ഹിമയെ നോമിനേറ്റ് ചെയ്തത്. കൂടാതെ, ബിഗ് ബോസ് നല്‍കിയ പവര്‍ ഉപയോഗിച്ച് അനൂപ് ഹിമയെ ഡയറക്ട് എലിമിനേഷനിലേക്ക് നിര്‍ദ്ദേശിച്ചപ്പോള്‍ സാബു തന്റെ പവര്‍ ഉപയാഗിച്ച് ഹിമയെ രക്ഷിക്കുകയായിരുന്നു. 

സുഹൃത്തായ അനൂപ് എലിമിനേഷനില്‍ നില്‍ക്കുമ്പോഴാണ് അനൂപിനെ സഹായിക്കാതെ ഹിമയെ രക്ഷിച്ചതെന്നതും ശ്രദ്ധേയമാണ്. സാബുവിന്റെ ഈ നീക്കത്തെ പ്രേക്ഷകര്‍ പല രീതിയിലാണ് നോക്കി കാണുന്നത്. ഷിയാസിനെ ബിഗ് ബോസില്‍ നിന്ന് പുറത്താക്കാനുളള ഒരു നീക്കമാണ് ഇതെന്ന് ഒരു കൂട്ടര്‍ പറയുന്നുണ്ട്. അതേസമയം, സാബുവിന് തന്നെ ഇഷ്ടമാണെന്ന് ഹിമ പറഞ്ഞു. അതു കൊണ്ടാണ് എലിമിനേഷന്‍ ലിസ്റ്റിലുണ്ടായിരുന്ന തന്നെ രക്ഷിച്ചതെന്നും ഹിമ കൂട്ടിച്ചേര്‍ത്തു. ഹിമ സാബുവിന് ഉമ്മ കൊടുത്തതും വലിയ ചര്‍ച്ചയായിരുന്നു. ആത്മസുഹൃത്തായ അനൂപിനെ രക്ഷിക്കാതെ ഹിമയെ രക്ഷിച്ചതിനു പിന്നിലെ ചേതോവികാരം അറിയാന്‍ പ്രേക്ഷകരും ആകാംക്ഷയിലാണ്.