വര്‍ഷങ്ങളായി സിംഗിള്‍ പേരന്റായി ജീവിതം; പതിനെട്ടാം വയസില്‍ ആദ്യ വിവാഹം;  രണ്ടാം വിവാഹവും അധികകാലം നീണ്ടില്ല;43 ാം വയസില്‍ ജീവിതത്തില്‍ പുതിയ കൂട്ട് കണ്ടെത്തിയ സന്തോഷത്തില്‍ നടി രേഖ സതീഷ്;  തമിഴ് സീരിയല്‍ നടന്‍ ഈശ്വറിനൊപ്പമുള്ള പിറന്നാളാഘോഷ ചിത്രം പുറത്ത്

ഒരുമാസം മുമ്പാണ് നടി രേഖാ രതീഷ് ചില പ്രണയ വിശേഷങ്ങള്‍ സോഷ്യല്‍ മീഡിയയില്‍ പങ്കുവച്ചത്. പ്രിയപ്പെട്ടവനെ കാണാന്‍ വിമാനം കയറിപ്പോകുന്നതും അവിടെയെത്തിയ ശേഷമുള്ള വിശേഷങ്ങളും ഒക്കെയായി ഒട്ടനവധി സന്തോഷ നിമിഷങ്ങളായിരുന്നു രേഖ വീഡിയോയായി പങ്കുവച്ചത്. ഇപ്പോപ്പാഴിതാ, രേഖയുടെ പിറന്നാളാഘോഷ ചിത്രങ്ങള്‍ പുറത്ത് വന്നിരിക്കുകയാണ്.

തമിഴ് സിനിമാ സീരിയല്‍ നടന്‍ ഈശ്വര്‍ രഘുനാഥന്‍ ആണ് നടിക്കൊപ്പം പിറന്നാളാഘോഷിക്കാനായി എത്തിയത്.ഹാപ്പി ബര്‍ത്ത്ഡേ മൈ ലൗ എന്നു കുറിച്ചുകൊണ്ട് രേഖയെ ടാഗ് ചെയ്തുമാണ് ഒന്നിച്ചിരിക്കുന്ന ചിത്രവുമായി ഈശ്വര്‍ പിറന്നാള്‍ ആശംസകള്‍ നേര്‍ന്നത്.

ഒരു സാള്‍ട്ട് ആന്റ് പെപ്പര്‍ ലുക്കില്‍ സുന്ദരനായ തമിഴ് സിനിമാ സീരിയല്‍ നടനാണ് ഈശ്വര്‍ രഘുനാഥന്‍ എന്ന ഈ വ്യക്തി. നടി മേഘ സല്‍മാന്‍ നായികയായി എത്തുന്ന തമിഴിലെ പുതിയ പരമ്പരയായ തിരുമാംഗല്യത്തില്‍ പ്രധാന കഥാപാത്രമായി എത്തുന്നത് ഈശ്വര്‍ രഘുനാഥന്‍ ആണ്.

ആദ്യമായി രേഖ ഒരു വീഡിയോ പങ്കുവച്ചതിലൂടെയാണ് ഈ പ്രണയ വാര്‍ത്ത ആരാധകര്‍ അറിഞ്ഞത്. പ്രിയപ്പെട്ടവനെ കാണാന്‍ വിമാനം കയറിപ്പോകുന്ന ചിത്രവും ശേഷം കൈനിറയെ കിലുങ്ങുന്ന വളകളിട്ട് സുന്ദരിയായി പ്രിയപ്പെട്ടവനരികെ ഇരിക്കുന്ന ചിത്രങ്ങളുമാണ് അതില്‍ കാണാന്‍ കഴിയുക. തികച്ചും പ്രണയാര്‍ദ്രമായ ഈ കാഴ്ചകളില്‍ രേഖയുടെ കാല്‍പാദം അയാള്‍ എടുത്തുപിടിച്ചിരിക്കുന്നതും കൈകോര്‍ത്തുപിടിച്ച് തിളങ്ങുന്ന വളകളിട്ട് ബീച്ചില്‍ നില്‍ക്കുന്നതും ഡ്രൈവ് ചെയ്യവേ ഗിയറില്‍ പിടിച്ചിരിക്കുന്ന അയാളുടെ കൈയ്യുടെ ചിത്രവും മനോഹരമായ വാച്ചുകള്‍ ധരിച്ചുള്ള രണ്ടുപേരുടെയും കൈകളുടെ ചിത്രവും എല്ലാം കോര്‍ത്തിണക്കി എന്നെ ഉനക്ക് അവ്ളോ പുടിക്കുമോ എന്ന പാട്ടിന്റെ ബാക്ക്ഗ്രൗണ്ടിലാണ് ഈ ചിത്രങ്ങളെല്ലാം പങ്കുവച്ചത്. എന്തായാലും നടി പങ്കുവച്ച വീഡിയോ ലക്ഷക്കണക്കിന് ആരാധകര്‍ കാണുക മാത്രമല്ല, വീഡിയോയ്ക്ക് താഴെ സ്നേഹം അറിയിച്ചുള്ള നൂറുകണക്കിന് കമന്റുകളും പ്രത്യക്ഷപ്പെട്ടിരുന്നു.

ഭര്‍ത്താവും മക്കളും ഒക്കെയായി കുടുംബിനിയായി ജീവിക്കാന്‍ ആഗ്രഹിച്ച നടിയാണ് രേഖ രതീഷ്. എന്നാല്‍ പല കാരണങ്ങള്‍ക്കൊണ്ട് അങ്ങനെയൊരു ദാമ്പത്യ ജീവിതം രേഖയ്ക്ക് വിധിച്ചില്ല. കഴിഞ്ഞ കുറച്ചേറെ വര്‍ഷങ്ങളായി ഏകമകനൊപ്പം കഴിയുന്ന രേഖയ്ക്ക് ചെറിയ പ്രായത്തിലെ ജീവിതം നഷ്ടമായിരുന്നു. എങ്കിലും ഇപ്പോഴും പവര്‍ ഫുള്‍ ആയി ഇന്‍ഡസ്ട്രിയില്‍ സജീവമാണ്. ഒപ്പം ഏകമകന്‍ അയാന്‍ അവന്റെ ഒപ്പം ജീവിതം കളര്‍ ആക്കവേയാണ് ഇപ്പോള്‍ തന്റെ പ്രണയ വിശേഷത്തിന്റെ സൂചനകളും രേഖ പങ്കുവച്ചിരിക്കുന്നത്. മികച്ച കൊറിയോഗ്രാഫര്‍ കൂടിയായ രേഖ കലാ കുടുംബത്തില്‍ നിന്നുമാണ് ഇന്ഡസ്ട്രിയിലേക്ക് എത്തിയത്. രേഖയുടെ അച്ഛന്‍ രതീഷ് ഡബ്ബിങ് ആര്‍ട്ടിസ്റ്റും അമ്മ രാധിക സിനിമ നാടക നടിയുമായിരുന്നു. മാതാപിതാക്കള്‍ വിവാഹ മോചനം നേടിയപ്പോള്‍ രേഖ അച്ഛന്റെ കൂടെ ചെന്നൈയിലേക്ക് ചേക്കേറി.

ആദ്യവിവാഹം പതിനെട്ടാം വയസിലാണ് നടക്കുന്നത്. ഒരു പെണ്‍കുട്ടി ജീവിതത്തെകുറിച്ചോ വിവാഹത്തെകുറിച്ചോ സ്വപ്നം കാണും മുന്‍പേ പ്രണയിച്ചു വിവാഹം ചെയ്യേണ്ടി വന്നു രേഖക്ക്. യൂസഫ് ആയിരുന്നു രേഖയുടെ ആദ്യ ഭര്‍ത്താവ്. പിന്നീട് വിവാഹത്തിലൂടെ സംഭവിച്ചതെല്ലാം അബന്ധം ആയിരുന്നുവെന്നും എല്ലാവര്‍ക്കും വേണ്ടിയിരുന്നത് തന്റെ പണമായിരുന്നുവെന്നും മനസിലാക്കിയ രേഖ ഇന്‍ഡസ്ട്രിയില്‍ സജീവം ആകുന്നതിന്റെ ഇടയില്‍ മറ്റൊരു വിവാഹം നടന്നു. നടന്‍ നിര്‍മല്‍ പ്രകാശിനെ വിവാഹം കഴിച്ചുവെങ്കിലും അദ്ദേഹത്തിന്റെ അപ്രതീക്ഷിത മരണം രേഖയെ പാടെ തളര്‍ത്തികളഞ്ഞു. കുടുംബജീവിതം മാത്രം സ്വപ്നം കണ്ട രേഖക്ക് ജീവിതത്തില്‍ ഇപ്പോള്‍ നിധി ആയുള്ളത് ഏക മകന്‍ ആണ്. മകന്റെ ഉയര്‍ച്ചക്ക് വേണ്ടിയാണു രേഖയുടെ ജീവിതം. നിരവധി സീരിയലുകളിലും കിടിലന്‍ വേഷങ്ങള്‍ ചെയ്യുന്ന രേഖ പരസ്പരം സീരിയലിലെ പദ്മാവതി ആയി എത്തുമ്പോള്‍ പ്രായം നായകന്റെ പ്രായത്തിനു സമം ആയിരുന്നു.