രജിത്ത് പോയപ്പോള്‍ ടിആര്‍പി റേറ്റിങ്ങും കൂടെ പോയോ..?; ബിഗ്‌ബോസ് കാണല്‍ നിര്‍ത്തി ആരാധകരുടെ പ്രതിഷേധം; രജിത്ത് ആരാധകരുടെ പ്രതിഷേധക്കടലില്‍ മുങ്ങിത്താഴ്ന്ന് ബിഗ്‌ബോസ്...!!!

നൂറ് ദിവസത്തിലേക്ക് അടുക്കുന്ന ബിഗ്‌ബോസ് സീസണ്‍ ടൂ വിന് മറ്റ് പരിപാടികളെക്കാളും മികച്ച റേറ്റിങ്ങാണ് ഉണ്ടായിരുന്നത്. ഫസറ്റ് സീസണിനെക്കാളും ഇത്തവണ ബിഗ്‌ബോസിനെ മുകളിലേക്ക് ഉയര്‍ത്തിയത് രജിത്ത് കുമാര്‍ എന്ന മനുഷ്യനാണ്. അദ്ദേഹത്തിനുള്ള ജനപിന്തുണയാണ്. അതുകൊണ്ട് തന്നെ മറ്റ് ചാനലുകളിലുള്ള പരിപാടികളെല്ലാം ബിഗ്‌ബോസിന്റെ പിന്നിലായിരുന്നു. എന്നാല്‍ രജിത്ത് താല്‍ക്കാലികമായി പുറത്തായതോടെ ടിആര്‍പി റേറ്റിങ്ങില്‍ മുന്നില്‍ നിന്നിരുന്ന ബിഗ്‌ബോസിന്റെ ഇപ്പോഴത്തെ റേറ്റിങ്ങാണ് പ്രേക്ഷകരെയും ഏഷ്യാനെറ്റിനെയും ഞെട്ടിച്ചിരിക്കുകയാണ്.

വ്യത്യസ്തമായ ആശയം കൊണ്ട് ജനങ്ങളെ ആകര്‍ഷിച്ച പരിപാടിയായിരുന്നു ബിഗ്‌ബോസ്. മികച്ച പ്രതികരണം കിട്ടി അവസാനിച്ച ബിഗ്‌ബോസ് ഫസ്്റ്റ് സീസണിന് ശേഷം എത്തിയ സീസണ്‍ ടൂ എന്നാല്‍ ആദ്യമെല്ലാം താഴേക്ക് നിന്നിരുന്നെങ്കിലും രജിത്ത് എന്ന വ്യക്തി ആ സ്ഥാനം മുകളിലേക്ക് എത്തിച്ചു. രജിത്തിന് കിട്ടിക്കൊണ്ടിരുന്ന സപ്പോര്‍ട്ടാണ് പരിപാടിയുടെ ഉയര്‍ച്ചയ്ക്ക് കാരണമായത്. എന്നാല്‍ കുറച്ച് ദിവസം മുമ്പ് നടന്ന ഹൈസ്‌ക്കൂള്‍ ടാസ്‌ക്കിനിടെ രേഷ്മയുടെ കണ്ണില്‍ മുളക് തേച്ച രജിത്തിനെ ബിഗ്‌ബോസ് പുറത്താക്കിയിരുന്നു. ഇതോടെ പണി കിട്ടിയത് ഏഷ്യാനെറ്റിനാണ്. ഇത്രയും നാള്‍ മുന്നില്‍ നിന്നിരുന്ന ഷോ ഇപ്പോള്‍ മൂക്കുംകുത്തി  താഴേക്ക് പോയിരിക്കുകയാണ്. രജിത്ത പോയതോടെ ഷോയുടെ റേറ്റിങ്ങ് കുറഞ്ഞു.

രജിത്ത് ആരാധകര്‍ ആരും തന്നെ ഇപ്പോള്‍ പരിപാടി കാണുന്നില്ലെന്ന് മാത്രമല്ല നല്ല രീതിയില്‍ മറ്റ് ചാനലുകളിലെ പരിപാടികളെ സപ്പോര്‍ട്ട് ചെയ്യുകയാണ്. ബിഗ്‌ബോസ് താഴേക്ക് പോയത് എന്തായാലും മറ്റ് ചാനലുകള്‍ക്കാണ് ഉപകാരമായിരിക്കുന്നത്. ഏഷ്യാനെറ്റിന്റെ സോഷ്യല്‍ മീഡിയ പ്ലാറ്റ്്‌ഫോമുകളില്‍ വന്‍തോതിലാണ് മറ്റ് ചാനലിലെ പരിപാടികളെ പ്രമോട്ട് ചെയ്യുന്നത്. രജിത്ത് ആരാധകരാണ് മറ്റ് പരിപാടികളെ പ്രമോട്ട് ചെയ്യാന്‍ മുന്നില്‍. ഇത് കൊണ്ട് മറ്റ് ചാനല്‍ പരിപാടികളുടെ വ്യൂവര്‍ഷിപ്പ് ഇത് മൂലം ഉയരുകയാണ്. 

രജിത്ത് ഇല്ലാതെ സംപ്രേക്ഷണം ചെയ്ത രണ്ട് എപ്പിസോഡുകള്‍ക്കും കാര്യമായ മുന്നേറ്റം ഉണ്ടാക്കാന്‍ സാധിച്ചിട്ടില്ല. ഇത് രജിത്ത് കുമാര്‍ ഷോയില്‍ എത്രത്തോളം പ്രാധാന്യമുള്ള വ്യക്തയാണെന്ന് ഓര്‍മ്മിപ്പിക്കുകയാണ്. രജിത്ത് തിരിച്ചെത്താതെ ഇതില്‍ ഇനി മാറ്റമുണ്ടാകില്ല. ഏഷ്യാനെറ്റിനും ബിഗ്‌ബോസിനും കിട്ടിയ തിരിച്ചടിയാണിത്. മറ്റ് മത്സരാര്‍ത്ഥികളെ കൊണ്ട് ഇ്‌പ്പോഴത്തെ അവസ്ഥയില്‍ ഇതില്‍ ഒരു മാറ്റം കൊണ്ടുവരാന്‍ സാധിക്കില്ല എന്നത് തീര്‍ച്ച. അടുത്തയാഴ്ച രജിത്ത് തിരിച്ച് എത്തുകയാണെങ്കില്‍ ഇപ്പോഴത്തെ അവസ്ഥയില്‍ മാറ്റമുണ്ടാകും. കാരണം ഷോ കാണല്‍ അവസാനിപ്പിച്ച് പോയവര്‍ തിരിച്ചെത്തും. അത് ഷോയ്ക്ക് ഉപകാരമാകും. എന്തായാലും കാര്യങ്ങളുടെ സീരിയസനെസ് മനസിലാക്കി ഉടനെ തന്നെ രജിത്തിനെ ഏഷ്യാനെറ്റും ബിഗ്‌ബോസും തിരിച്ചെത്തിക്കുമെന്നാണ് പ്രതീക്ഷിക്കുന്നത്.