ഏഷ്യാനെറ്റിലെ സൂപ്പര്‍ഹിറ്റ് സീരിയലായിരുന്നു കൂടെവിടെ. അന്‍ഷിതയും ബിപിന്‍ ജോസുമെല്ലാം പ്രധാന കഥാപാത്രങ്ങളായി എത്തിയ പരമ്പരയില്‍ നീതു, നീമ എന്ന വില്ലത്തി സഹോദരിമാരായും അന്‍ഷിതയുടെ കോളേജിലെ എതിരാളികളായും തിളങ്ങിയവരായിരുന്നു നയന ജോസണും പ്രാര്‍ത്ഥനാ കൃഷ്ണന്‍ നായരും. നീതുവായി നയന അഭിനയിച്ചപ്പോള്‍ നയനയുടെ അനുജത്തി നീമയായി എത്തിയത് പ്രാര്‍ത്ഥന ആയിരുന്നു. അതിനുശേഷം സോഷ്യല്‍ മീഡിയയില്‍ അടക്കം സജീവമായിരുന്ന പ്രാര്‍ത്ഥന ഇപ്പോഴിതാ വിവാഹിതയായിരിക്കുകയാണ്. തന്റെ ജീവിത പങ്കാളിയായ അന്‍സിയ അന്‍സിയെ ചേര്‍ത്തുപിടിച്ച് ക്ഷേത്രമുറ്റത്തു വച്ച് താലിചാര്‍ത്തിയാണ് പ്രാര്‍ത്ഥന സ്വന്തമാക്കിയിരിക്കുന്നത്. വിത്ത് മൈ പൊണ്ടാട്ടി എന്നു കുറിച്ച് ലെസ്ബിയന്‍, മൈ ലൗ, മൈന്‍, പൊണ്ടാട്ടി, ഡ്രീം കം ട്രൂ, ഡ്രീം വെഡ്ഡിംഗ് തുടങ്ങിയ ഹാഷ്ടാഗുകളോടു കൂടിയാണ് വിവാഹചിത്രം പങ്കുവച്ചത്. മോഡലും റണ്ണറപ്പുമൊക്കെയായ ആന്‍സിയെയാണ് പ്രാര്‍ത്ഥന വിവാഹം കഴിച്ചത്.
രണ്ടുപേരും പരസ്പരം താലി ചാര്‍ത്തി പൂമാലയിട്ടാണ് പുതിയ ജീവിതത്തിലേക്ക് പ്രവേശിച്ചിരിക്കുന്നത്. ആന്‍സിയയുടെ മകനാണ് ഇരുവര്‍ക്കും പൂമാലയും താലിയും കൊണ്ടു നല്‍കിയത്. ക്ഷേത്രമുറ്റത്തുവച്ചു നടന്ന വിവാഹത്തിന്റെ വീഡിയോയും വൈറലായിരുന്നു. സോഷ്യല്‍ മീഡിയാ ഇന്‍ഫ്ളുവന്‍സറായ മുകേഷ് എം നായര്‍ക്കൊപ്പം നിന്ന് പ്രശസ്തയായ താരമാണ് പ്രാര്‍ത്ഥന. മീനാക്ഷി കല്യാണം എന്ന സീരിയലിലെ ദര്‍ശനയായും ചെമ്പനീര്‍പ്പൂവിലും മഴവില്‍ മനോരമയിലെ മണിമുത്ത് എന്ന സീരിയലിലും ഇപ്പോള്‍ അഭിനയിക്കുന്നുണ്ട്. മുകേഷിനൊപ്പം നിന്ന് താരമായവരാണ് പ്രാര്‍ത്ഥനയും ആന്‍സിയയും. അച്ഛന്‍ മരിച്ച സമയത്താണ് പ്രാര്‍ത്ഥന മുകേഷിനെ പരിചയപ്പെടുന്നതും ആ വേര്‍പാട് നല്‍കിയ വേദനയില്‍ താങ്ങായി നില്‍ക്കുന്നതും. അതു ദൈവത്തിന്റെ സമ്മാനമായി കരുതി പിന്നീടിങ്ങോട്ട് അദ്ദേഹത്തിനൊപ്പം നില്‍ക്കുകയായിരുന്നു. ഈ അടുത്ത കാലത്ത് മുകേഷ് വിവാദങ്ങളില്‍പെട്ടപ്പോഴെല്ലാം അദ്ദേഹത്തിനു വേണ്ടി മുന്‍പന്തിയില്‍ നിന്ന് സോഷ്യല്‍ മീഡിയയില്‍ പോരാടന്‍ പ്രാര്‍ത്ഥനയും ഉണ്ടായിരുന്നു.
ശരിക്കും അമ്മയായിരുന്നു പ്രാര്‍ത്ഥനയുടെ ലോകം. നടിയ്ക്ക് ഒരു വയസ് മാത്രം പ്രായമുള്ളപ്പോഴാണ് അച്ഛനും അമ്മയും വേര്‍പിരിയുന്നത്. പക്ഷെ എങ്കിലും പ്രാര്‍ത്ഥനയുടെ എല്ലാ ആവശ്യങ്ങള്‍ക്കും അച്ഛന്‍ ഒപ്പം നിന്നിട്ടുണ്ട്. വളരെ ചെറുപ്പത്തില്‍ ആയിരുന്നു അമ്മയുടെ വിവാഹം കഴിഞ്ഞത്. അതുകൊണ്ടുതന്നെ, ജീവിക്കേണ്ടതിന്റെ ഭാഗമായി പതിനേഴാം വയസ്സില്‍ അമ്മക്ക് ജോലയും നോക്കേണ്ടി വന്നു. അങ്ങനെ ആണ് പ്രാര്‍ത്ഥനയെ വളര്‍ത്തിയത്. നല്ല കുടുംബത്തില്‍ ജനിച്ചപ്പോഴും ഒന്നും ഇല്ലാതെ ജീവിക്കേണ്ടി വന്നിട്ടുണ്ട് നടിയ്ക്ക്. ജോലിയുടെ ഭാഗമായി അമ്മ വിദേശത്തേക്ക് പോയതോടെ അപ്പൂപ്പനും അമ്മൂമ്മയും ആയിരുന്നു പ്രാര്‍ത്ഥനയെ വളര്‍ത്തിയത്. ഒന്നും ഇല്ലാതെ വാടകവീട്ടില്‍ ജീവിക്കേണ്ട അവസ്ഥ വരെ ഉണ്ടായിരുന്നു. അവിടെ നിന്നും പ്രാര്‍ത്ഥന സീരിയല്‍ ലോകത്തേക്ക് എത്തുകയായിരുന്നു.
Premium Lifestyle and Entertainment website
വിസ്മയ 'തുടക്കം'! പ്രണവിന് പിന്നാലെ വിസ്മയയും സിനിമയിലേക്ക്; താരപുത്രിയെത്തുന്നത് ആശിര്‍വാദ് സിനിമാസിന്റെ ചിത്രത്തിലെ നായികയായി; ജൂഡ് ആന്റണി സംവിധായകനാകുന്ന ചിത്രത്തിന്റെ ടൈറ്റില്‍ പോസ്റ്റര്‍ പുറത്ത് 
വര്‍ഷങ്ങളായി വിവാഹിതരാകാതെ കഴിഞ്ഞവര്‍; അച്ഛന്റെ പിറന്നാള്‍ ദിനത്തില്‍ കല്ല്യാണം നടത്തികൊടുത്ത് മക്കള്‍; മക്കളുടെ സാന്നിധ്യത്തില്‍ സുമംഗലിയായി ശ്രീലത; അമ്മയെ സുമംഗലിയാക്കി സീരിയല്‍ നടി മഹാലക്ഷ്മി
ഇങ്ങനെപോയാല്‍ തന്റെ പേരുള്‍പ്പെടെ മാറ്റേണ്ടിവരും; സന്‍സര്‍ബോര്‍ഡിലെ ഇവിടുത്തെ ഓഫീസറുടെ മാനസികപ്രശ്നമാണത്; ജെഎസ്‌കെ വിവാദത്തില്‍ ഷാജി കൈലാസ്
സംഘര്‍ഷം നടന്നത് സിനിമാ താരങ്ങള്‍ ഉള്‍പ്പെടെ പങ്കെടുത്ത പാര്‍ട്ടിക്കിടെ; കൊച്ചിയിലെ ബാറില്‍ ഡി ജെ പാര്‍ട്ടിയില്‍ പങ്കെടുക്കാനെത്തിയവരില്‍ വിജയ് യേശുദാസടക്കം മുള്ള ഗായകരും; വൈറലായി വീഡിയോ
ചിക്കന്‍ സൂപ്പ്
റെയില്‍ യാത്രാസൗകര്യങ്ങള്‍ ഇനി കൂടുതല്‍ സുഗമമാകുന്നു; ടിക്കറ്റ് ബുക്കിംഗിനോടൊപ്പം പിഎന്‍ആര്‍ സ്റ്റാറ്റസ്, ഭക്ഷണ ഓര്‍ഡര്‍, പ്ലാറ്റ്ഫോം ടിക്കറ്റ് തുടങ്ങി റെയില്‍ യാത്രയുമായി ബന്ധപ്പെട്ട എല്ലാ സേവനങ്ങളും ഇനി റെയില്‍ വണ്‍ ആപ്പില്‍