ഏഷ്യാനെറ്റില് സംപ്രേക്ഷണം ചെയ്തിരുന്ന ഹാപ്പി കപ്പിള്സ് എന്ന പരമ്പരയില് നായികയായി എത്തി പ്രേക്ഷകരുടെ മനം കവര്ന്ന സീരിയല് നടിയാണ് സൂഫി മരിയ മാത്യു. പരമ്പരയില് നടന് ജീവന് ഗോപാലിന്റെ നായികയായാണ് സൂഫി എത്തിയത്. ഒരുപാട് വലിച്ചു നീട്ടാതെ വളരെ പെട്ടെന്ന് തന്നെ അവസാനിച്ച സീരിയല് പ്രേക്ഷക ശ്രദ്ധ നേടുകയും ചെയ്തിരുന്നു. ഇപ്പോഴിതാ, പരമ്പരയില് നായികയായി എത്തിയ സൂഫി മരിയ വിവാഹിതയായെന്ന വാര്ത്തയാണ് എത്തിയിരിക്കുന്നത്. ആഢംബരങ്ങളും ആഘോഷങ്ങളും ഒന്നുമില്ലാതെ, തേഞ്ഞിപ്പലം സബ് രജിസ്ട്രാര് ഓഫീസില് വച്ചാണ് നടി വിവാഹിതയായത്. സംവിധായകനായ ഹര്ഷാദ് ചെമ്പകശ്ശേരിയാണ് സൂഫിയെ വിവാഹം കഴിച്ചിരിക്കുന്നത്. ഒരു മുസ്ലീം - ക്രിസ്ത്യന് വിവാഹം കൂടിയായിരുന്നു ഇതെന്നാണ് മനസിലാക്കാന് കഴിയുന്നത്.
വിവാഹത്തിന് സാക്ഷികളായി ഇരുവരുടേയും അടുത്ത സുഹൃത്തുക്കളും ചില ബന്ധുക്കളും മാത്രമാണ് പങ്കെടുത്തിട്ടുള്ളത്. അതിന്റെ നിരവധി ചിത്രങ്ങളും വീഡിയോകളും ഇവര് സോഷ്യല് മീഡിയയില് പങ്കുവെച്ചിട്ടുണ്ട്. പിന്നാലെ, നിരവധി പേരാണ് ആശംസകളുമായി എത്തിയിരിക്കുന്നത്. ഏറെക്കാലത്തെ പ്രണയമായിരുന്നു ഇവരുടേത്. വലിയ കാത്തിരിപ്പിനൊടുവില് നടന്ന പ്രണയ സാഫല്യമായതിനാല് തന്നെ സൂഫിയും ഹര്ഷാദും മാത്രമല്ല, കട്ടയ്ക്ക് കൂടെ നിന്ന സുഹൃത്തുക്കള്ക്കും ഇത് സന്തോഷത്തിന്റെയും ആഹ്ലാദത്തിന്റെയും നിമിഷങ്ങള് കൂടിയാണ്. ക്രിസ്ത്യാനി പെണ്കുട്ടിയായ സൂഫി കോട്ടയം ജില്ലയിലെ മണിമലയെന്ന ഗ്രാമത്തില് നിന്നുമാണ് വെള്ളിത്തിരയിലേക്ക് എത്തിയത്. ഈ ഗ്രാമത്തിലെ ആദ്യ സിനിമാക്കാരിയെന്ന പദവിയും സൂഫിയ്ക്ക് സ്വന്തമാണ്.
പട്ടാളക്കാരനായിരുന്ന മാത്യു ജോസഫിന്റെയും വീട്ടമ്മയായ ഫിലോമിനയുടെയും അഞ്ചുമക്കളില് ഒരാളാണ് സൂഫി. പള്ളിപരിപാടികള്ക്കും നാടകങ്ങള്ക്കും അല്ഫോന്സാമ്മയായി അഭിനയിച്ചാണ് സൂഫി അഭിനയത്തിന് തുടക്കം കുറിക്കുന്നത്. കുട്ടിക്കാലം മുതലേ സിനിമ കണ്ടിരിക്കവേ കോളേജ് പഠനം കഴിഞ്ഞ് ഫാര്മസിസ്റ്റ് ആയി ജോലിയും നേടി ഇരിക്കവേയാണ് ഒരു കാസ്റ്റിംഗ് കോള് കാണുന്നത്. മുന്നും പിന്നും ആലോചിക്കാതെ അപേക്ഷിച്ചു. അങ്ങനെ നിരവധി അപേക്ഷകള്. ഒടുവിലാണ് ഉണ്ണിമുകുന്ദന്റെ ചോക്ലേറ്റ് റീലോഡഡ് എന്ന ചിത്രത്തിലേക്ക് കാസ്റ്റിംഗ് കോള് കഴിഞ്ഞ് സെലക്ഷന് കിട്ടിയത്. ആ സന്തോഷത്തില് ഉണ്ടായിരുന്ന ജോലിയും റിസൈന് ചെയ്ത് കൊച്ചിയിലേക്ക് ഓട്ടോ പിടിച്ചു പോയ സൂഫിയ്ക്ക് ലഭിച്ചത് ആ സിനിമ മുടങ്ങിയെന്ന വാര്ത്തയാണ്.
അന്ന് നിരാശയോടെ മടങ്ങിയെങ്കിലും ശ്രമങ്ങള് വീണ്ടും തുടര്ന്നു. പതുക്കെ പതുക്കെ അവ വിജയിക്കാനും. അങ്ങനെ വെള്ളം, ചിരാതുകള്, നാരദന്, ഇരട്ട എന്നീ സിനിമകളുടെയെല്ലാം ഭാഗമായി. ഉന്നംമറന്നു തെന്നിപ്പറന്നു എന്ന വെബ് സീരിസിന്റെ ഭാഗമായിരിക്കവേയാണ് ജീവിതത്തിലെ ട്വിസ്റ്റ് സംഭവിക്കുന്നത്. ദിവസവും നാട്ടില് നിന്നും കൊച്ചിയിലേക്കുള്ള യാത്ര ബുദ്ധിമുട്ടായപ്പോള് ഒരു ഹോസ്റ്റല് തപ്പിപിടിച്ച് അവിടെ താമസവും തുടങ്ങി. ആ സീരിസിലെ നായകന് വഴിയാണ് സീ കേരളത്തിലെ എരിവും പുളിയും സിറ്റ്കോമിലേക്ക് ഒരു എപ്പിസോഡ് ചെയ്യാനും അതുവഴി വൈഫ് ഈസ് ബ്യുട്ടിഫുള് എന്ന മറിമായം ടീമിന്റെ സിറ്റ്കോമിലേക്കും അവസരം ലഭിക്കുന്നത്. അങ്ങനെ തട്ടമിട്ട ഷാഹിനയായി സൂഫി കുടുംബപ്രേക്ഷകരുടെ ഇടയില് ഹിറ്റായി. മണിമലനാട്ടിലും സംഭവം സൂപ്പര് ഹിറ്റ്.
പലയിടങ്ങളിലും ഫ്ളെക്സുകള് ഉയര്ന്നു. നാട്ടിലെ കടമുറികള് മുതല് മാളുകളില് വരെ തന്റെ പടങ്ങള് കണ്ടപ്പോള് സൂഫി മതിമറന്ന് സന്തോഷിക്കുകയായിരുന്നു. 350 എപ്പിസോഡുകള് പിന്നിട്ട് വൈഫ് ഈസ് ബ്യുട്ടിഫുള് അവസാനിച്ചപ്പോള് മികച്ചൊരു മിനിസ്ക്രീന് എന്ട്രിയ്ക്ക് വേണ്ടി കാത്തിരിക്കുകയായിരുന്നു സൂഫി. ആ കാത്തിരിപ്പ് സഫലമാക്കിയാണ് ഹാപ്പി കപ്പിള്സ് എന്ന ഏഷ്യാനെറ്റ് സീരിയലിലേക്ക് ജീവന് ഗോപാലിന്റെ നായികയായി സൂഫി മരിയ മാത്യു എത്തിയത്.
Premium Lifestyle and Entertainment website
ഒരാള് തളര്ന്നു പോയാല് നാല് പേര് ചേര്ന്ന് കൈ കൊടുക്കണം; അതാണ് ഏറ്റവും വലിയ ദൈവ തുണ; ആരോഗ്യം ശരിയാകുന്നത് വരെ ഞാന് നോക്കിക്കോളാം; മികച്ച കലാകാരനെ മലയാളത്തിന് തിരിച്ചു വേണം; ഉല്ലാസ് പന്തളത്തിനും കുടുംബത്തിനും ധനസഹായവുമായി നടന് ബാല
'പ്രധാനപ്പെട്ട റോളിലായിരുന്നു ലാല് സാറിന്റെ ക്യാരക്ടര്; 'ആദ്യം സ്ക്രിപ്റ്റ് ഇഷ്ടമാകണം, എന്നിട്ടേ സെക്കന്ഡറി ആര്ട്ടിസ്റ്റുകളെക്കുറിച്ച് ചിന്തിക്കുള്ളൂ' എന്ന് അവര് മറുപടി നല്കി; അങ്ങനെ വിളിച്ചത് എനിക്ക് ഇഷ്ടമായില്ല, ഞാന് ആ പ്രൊജക്ടില് നിന്ന് പിന്മാറി'; വെളിപ്പെടുത്തി ജൂഡ് ആന്റണി ജോസഫ് 
വിസ ലഭിച്ചില്ല: ഓസ്ട്രേലിയയില് മോഹന്ലാല് ഷോ മാറ്റിവെച്ചു; സിംഗപ്പൂരില് നിന്ന് താരം ന്യൂസിലന്ഡിലേക്ക്; ആരാധകരോട് ഖേദം പ്രകടിപ്പിച്ച് മോഹന്ലാല്; ചിത്രയ്ക്കും മനോജ് കെ ജയനും കിട്ടിയ വിസ മോഹന്ലാലിന് മാത്രം നിഷേധിച്ചു; ഓസട്രേലിയയിലെ പ്രവാസി മലയാളികള്ക്ക് നിരാശ; എന്തുകൊണ്ട് ലാലിന് ഓസ്ട്രേലിയയില് പോകാനായില്ല? കാരണം അജ്ഞാതം! 
ഉപ്പയുടെ സ്നേഹം അനുഭവിച്ചറിയുന്നതിന് മുന്പേ വിടപറഞ്ഞ ഞങ്ങള് നിര്ഭാഗ്യവാന്മാര്; രണ്ടാമത്തെ കുഞ്ഞിന്റെ കണ്ണുകളിലേക്ക് നോക്കുമ്പോള്, അങ്ങയുടെ ഒരു അംശം കാണാന് കഴിയുന്നു; ഉപ്പ വേര്പിരിഞ്ഞ് 9 വര്ഷം പിന്നിടുമ്പോള് കുറിപ്പുമായി ഷംനാ കാസിം..
ഗായിക, നര്ത്തകി ഒപ്പം ബിസിനസ് രംഗത്തും വെന്നിക്കൊടി പാറിച്ച് എം ജയചന്ദ്രന്റെ ഭാര്യ; കൈപ്പുണ്യത്തിന്റെ കലവറയൊരുക്കി മംഗല്യ കാറ്ററിങ് തിരുവനന്തപുരത്തുകാര്ക്ക് പ്രിയയിലൂടെ മനസും വയറും നിറയ്ക്കുന്നതിങ്ങനെ