തെന്നിന്ത്യന്‍ സിനമാ പ്രേക്ഷകര്‍ക്ക് പ്രത്യേകിച്ചു മലയാളികള്‍ക്ക് കുടുംബത്തിലെ ഒരു അംഗത്തെ പോലെയാണ് നടി മീന.
മലയാള സിനിമയിലെ ഏറെ ആരാധകരുള്ള നായിക. മോഹന്‍ലാലിനൊപ്പം അഭിനയിച്ചാല്‍ പടം ഹിറ്റാകുമെന്ന് ഉറപ്പിക്കുന്നവര്‍. ഇങ്ങനെയുള്ള മീനയെ ഇന്ന് മലയാൡകള്‍ അടക്കമുള്ള സിനിമാ ലോകം എങ്ങനെ ആശ്വസിപ്പിക്കും എന്നറിയാത്ത അവസ്ഥയിലാണ്. മീനയുടെ ഭര്‍ത്താവ് വിദ്യാസാഗര്‍ അകാലത്തില്‍ വിട പറഞ്ഞതിന്റെ ഞെട്ടലിലാണ് തെന്നിന്ത്യന്‍ സിനിമാ ലോകം.
കോവിഡ് നിരവധി പേരുടെ ജീവന്‍ എടുത്തിട്ടുണ്ട്. ഇക്കൂട്ടത്തില്‍ ഒടുവിലത്തേതാണ് മീനയുടെ ഭര്‍ത്താവ് വിദ്യാസാഗറിന്റേതും. കോവിഡാനന്തര ആരോഗ്യപ്രശ്നങ്ങളെത്തുടര്‍ന്ന് ചെന്നൈയിലെ സ്വകാര്യ ആശുപത്രിയില്‍ ചികിത്സയില്‍ കഴിയവേയായിരുന്നു വിദ്യാസാഗറിന്റെ അന്ത്യം. ശ്വാസകോശത്തിലെ അണുബാധയാണ് മരണത്തിന് ഇടയാക്കിയത്.
കുറച്ചുവര്‍ഷങ്ങളായി ശ്വാസകോശ സംബന്ധമായ രോഗത്തെത്തുടര്‍ന്ന് വിദ്യാസാഗര്‍ ചികിത്സയിലായിരുന്നു. ഇതിനിടെയാണ് കോവിഡ് പിടിപെട്ടത്. കോവിഡ് മുക്തനായെങ്കിലും പിന്നീട് വിദ്യാസാഗറിന്റെ ആരോഗ്യസ്ഥിതി വഷളാകുകയായിരുന്നു. അണുബാധ രൂക്ഷമായതിനെത്തുടര്‍ന്ന് ശ്വാസകോശം മാറ്റിവെയ്ക്കണമെന്ന് ഡോക്ടര്‍മാര്‍ നിര്‍ദേശിച്ചെങ്കിലും അവയവദാതാവിനെ കിട്ടാന്‍ വൈകി.
മസ്തിഷ്‌ക മരണം സംഭവിച്ച രോഗികളില്‍ നിന്ന് മാത്രമേ ഇത് സാധ്യമാകൂ എന്നതിനാല്‍ ദാതാവിനെ ലഭിക്കാന്‍ ബുദ്ധിമുട്ടായിരുന്നു. അതിനായി കാത്തിരിക്കുന്നവരുടെ പട്ടികയില്‍ ഒരുപാട് പേരുണ്ടായിരുന്നുവെന്നും ഇവരുമായി അടുത്ത വൃത്തങ്ങളില്‍ നിന്നും വിവരങ്ങള്‍ പുറത്ത് വരുന്നുണ്ട്.
വെന്റിലേറ്റര്‍ സഹായത്തോടെയായിരുന്നു ജീവന്‍ നിലനിര്‍ത്തിയത്. എന്നാല്‍ ചൊവ്വാഴ്ച വൈകിട്ടോടെ സ്ഥിതി വഷളാകുകയായിരുന്നു. 2009 ലാണ് മീനയും വിദ്യാസാഗറും വിവാഹിതരായത്. ബെംഗളൂരുവില്‍ സോഫ്റ്റ്‌വേര്‍ രംഗത്തെ വ്യവസായിയായിരുന്നു വിദ്യാസാഗര്‍. വിവാഹത്തോടെ ഇടക്കാലത്തേക്ക് മീന സിനിമയില്‍ നിന്നും അല്‍പ്പം ബ്രേക്കെടുത്തിരുന്നു. പിന്നീട് ദൃശ്യം എന്ന സൂപ്പര്‍ഹിറ്റുമായി തിരിച്ചു വന്നു. ഈ സിനിമയിലെ ഭാര്യയുടെ മടങ്ങി വരവില്‍ സന്തോഷിച്ച ഭര്‍ത്താവായിരുന്നു വിദ്യാസാഗര്‍.
ഇരുവരുടെയും മകള്‍ നൈനികയും അഭിനേത്രിയാണ്. തെരി എന്ന വിജയ് ചിത്രത്തിലൂടെ നൈനിക തെന്നിന്ത്യയില്‍ ശ്രദ്ധേയവേഷം അവതരിപ്പിച്ചിരുന്നു. വിദ്യാസാഗറിന്റെ വിയോഗത്തില്‍ പ്രമുഖര്‍ അനുശോചനം രേഖപ്പെടുത്തി. ഈയിടെ മലയാളത്തില്‍ പുറത്തിറങ്ങിയ ബ്രോ ഡാഡി എന്ന ചിത്രത്തില്‍ മീന ശ്രദ്ധേയമായ വേഷം കൈകാര്യം ചെയ്തിരുന്നു.
മീനയുടെ കുടുംബത്തില്‍ സംഭവിച്ച ദുരന്തം അറിഞ്ഞ് തെന്നിന്ത്യന്‍ സിനിമാലോകത്തെ നിരവധി പ്രമുഖരാണ് സോഷ്യല്‍ മീഡിയയിലൂടെ ആദരാഞ്ജലികള്‍ അര്‍പ്പിക്കുകയും മീനയ്ക്കും മകള്‍ക്കും ആശ്വാസം പകരുകയും ചെയ്യുന്നത്. ഈ വേദന സഹിക്കാന്‍ ഇവര്‍ക്ക് ഈശ്വരന്‍ കരുത്തു നല്‍കട്ടെ എന്നാണ് എല്ലാവരും ആശ്വാസവാക്കായി പറയുന്നത്. സംസ്‌കാരം ജൂണ്‍ 29 ബുധനാഴ്ച നടക്കുമെന്നാണ് റിപ്പോര്‍ട്ട്. ഭര്‍ത്താവിനൊപ്പം ബംഗളൂരുവിലായിരുന്നു മീനയുടെ താമസം.
Premium Lifestyle and Entertainment website
മോട്ടോറോള സെഗ്‌മെൻ്റുകളിൽ ഏറ്റവും വേഗതയേറിയ മോട്ടോ ജി35 5ജി വിപണിയില്‍
ആ മാസം തന്നെ അടുത്ത സന്ദര്‍ശനത്തില്‍ പൂന്തോട്ടം ലതയും തമ്പിയും ഇടം വലം നിന്ന് പരിചരിക്കുന്നതു കണ്ടപ്പോള്‍ 'മകനെ കൊന്നതിന് കൂട്ടുനിന്നവര്‍ എന്തിനിവിടെ എന്ന് ചോദിച്ചു പോയതിന് അവിടെ നിന്ന് ഇറക്കിവിട്ടതാണ് അച്ഛനെ; ബാലഭാസ്‌കറിന്റെ ഭാര്യയുടെ വാദങ്ങളില്‍ പ്രിയാ വേണുഗോപാല്‍ പ്രതികരിക്കുമ്പോള്‍ 
മകന്‍ ജനിച്ച സമയത്ത് പ്രശ്‌നങ്ങള്‍ തുടങ്ങി;ഫ്രസ്‌ട്രേഷനും എടുത്ത് ചാട്ടവുമായിരുന്നു കാരണം; വിവാഹ മോചനം സംഭവിക്കുമായിരുന്നു; തക്ക സമയത്ത് ഇന്ദ്രജിത്തും പൂര്‍ണിമയും ഇടപെട്ടു: പ്രിയയും നിഹാലും പങ്ക് വച്ചത്
പീഡന കേസില്‍ ബാലചന്ദ്ര മേനോന് മുന്‍കൂര്‍ ജാമ്യം; രാജ്യം പത്മശ്രീ നല്‍കി ആദരിച്ചയാളാണ്, സംഭവം നടന്നിട്ട് 17 വര്‍ഷമമായി; അന്തസ്സും അഭിമാനവും സ്ത്രീകള്‍ക്കു മാത്രമല്ല, പുരുഷന്മാര്‍ക്കുമുണ്ടെന്നും ഹൈക്കോടതി ഉത്തരവില്‍; പരാതി നല്‍കിയതിന്റെ കാലതാമസം കൂടി പരിഗണിച്ച് വിധി 
ചെന്നൈയില്‍ നടന്ന വിവാഹ റിസപ്ഷനില്‍ ആശംസകളുമായെത്തി സ്റ്റാലിന്‍ അടക്കമുള്ള പ്രമുഖര്‍; കുര്‍ത്തയണിഞ്ഞ് കാളിദാസും ലെഹങ്കയില്‍ സുന്ദരിയായി തരുണിയും; ജയറാം കുടുംബത്തിന്റെ ആഘോഷ നിമിഷങ്ങളുടെ കൂടുതല്‍ ചിത്രങ്ങള്‍ പുറത്ത്
പരാതിയില്‍ പറയുന്ന താജ് ഹോട്ടല്‍ തുടങ്ങിയത് 2016ല്‍; പീഡനം നടന്നതായി യുവാവ് ആരോപിച്ചത് 2012ല്‍; സംവിധായകന്‍ രഞ്ജിത്തിനെതിരായ യുവാവിന്റെ ലൈംഗിക പീഡന പരാതി വ്യാജമെന്ന് കോടതി;നടപടിക്ക് ഇടക്കാല സ്റ്റേ