'എത്ര വൃത്തിയാക്കിയിട്ടും ചെളി പോകുന്നില്ല, എന്നാല്‍ ഒന്ന് മാത്രം നടക്കുന്നുണ്ട്, നിറം മങ്ങല്‍' എന്ന പരാതിക്കാരാണോ നിങ്ങള്‍?
വസ്ത്രം വൃത്തിയാക്കല്‍ എളുപ്പമാക്കാം..അതിനുള്ള വഴികള്‍ താഴെ.
ഒരു ബക്കറ്റ് വെള്ളത്തില്‍ രണ്ട് സ്പൂണ്‍ ഉപ്പ് ചേര്‍ത്ത് അഴുക്ക് വസ്ത്രങ്ങള്‍ അതില്‍ മുക്കിയെടുത്ത ശേഷം സോപ്പുപയോഗിച്ച് കഴുകുക. അഴുക്ക് എളുപ്പത്തില്‍ പോകും. വസ്ത്രത്തിന് മിനുസം തോന്നും.
*തുണിയില്‍ മഷിക്കറ പറ്റിയാല്‍ മഷി പുരണ്ട ഭാഗം തക്കാളിനീരുകൊണ്ട് തുടച്ചു ചൂടുള്ള സോപ്പുവെള്ളത്തില്‍ കഴുകുക.
*അലക്കുവാനായി തുണി പുഴുങ്ങുമ്പോള്‍ വെള്ളത്തില്‍ അല്‍പ്പം ടെര്‍പന്റയിന്‍ ചേര്‍ത്താല്‍ വസ്ത്രം നന്നായി വെളുക്കും
*ബെഡ്ഷീറ്റുകള്‍, വിരിപ്പുകള്‍, മുതലായവയില്‍ വിയര്‍പ്പും അഴുക്കും ധാരാളം പറ്റിപ്പിടിച്ചു ദുര്‍ഗന്ധം ഉണ്ടാകാതിരിക്കാന്‍ ഇത്തരം വസ്ത്രങ്ങള്‍ അലക്കുമ്പോള്‍ അല്‍പ്പം ബേക്കിങ്ങ് പൗഡര്‍ ചേര്‍ത്ത വെള്ളത്തില്‍ മുക്കിപ്പിഴിഞ്ഞാല്‍ മതി
*വസ്ത്രങ്ങളില്‍ അമിതമായി അഴുക്കുപുരണ്ടാല്‍ അവ ഒരു ദിവസം മുഴുവന്‍ മോരില്‍ മുക്കിവെച്ചശേഷം സാധാരണ പോലെ വൃത്തിയാക്കിയാല്‍ മതി
പുതിയ വസ്ത്രങ്ങള്‍ ആദ്യമായി അലക്കുമ്പോള്‍ അല്‍പ്പം ഉപ്പ് ചേര്‍ത്ത വെള്ളത്തില്‍ അര മണിക്കൂര്‍ നേരം കുതിര്‍ത്തു വയ്ക്കുക. ചായം ഇളകുന്നത് ഒഴിവാക്കാം.
വെള്ളത്തില്‍ ഒരു ടീസ്പൂണ്‍ മണ്ണെണ്ണ ചേര്‍ത്തശേഷം കഴുകിയാല്‍ വസ്ത്രങ്ങളുടെ പഴയ വെണ്‍മ വീണ്ടെടുക്കാം
തീപ്പൊരി വീണ് തുണികളില്‍ ചെറിയ കരിഞ്ഞ പാടുകള്‍ കണ്ടാല്‍ അവിടെ ഉള്ളിയോ സവാളയോ മുറിച്ചു തേക്കുക
വസ്ത്രങ്ങളില്‍ പൂപ്പല്‍ പിടിച്ചിട്ടുണ്ടെങ്കില്‍ ആദ്യം സോപ്പുപയോഗിക്കാതെ കഴുകി നന്നായി ഉണങ്ങിയ ശേഷം പൂപ്പല്‍ ഉള്ള ഭാഗങ്ങളില്‍ നാരങ്ങാ നീരു പുരട്ടി പത്തുമിനിറ്റിനുശേഷം സോപ്പുപയോഗിച്ച് കഴുകി വെയിലത്തുണക്കിയാല്‍ മതിയാകും
കറുത്ത പട്ടുതുണിയില്‍ പൂപ്പല്‍ പിടിച്ചാല്‍ അമോണിയ ലായനിയും മെതിലേറ്റഡ് സ്പിരിറ്റും ചേര്‍ന്ന മിശ്രിതം ഉപയോഗിച്ചു തുടച്ചു മാറ്റാവുന്നതാണ്
പട്ടുസാരികളില്‍ എണ്ണമയം പുരണ്ടാല്‍ ആ ഭാഗത്ത് അല്‍പ്പം പച്ചപ്പയര്‍ കുതിര്‍ത്ത് അരച്ചു പുരട്ടി കഴുകിയാല്‍ മതി.
നിറമുള്ള പട്ടുസാരികള്‍ അല്‍പ്പം കടുക്ക ചേര്‍ത്ത വെള്ളത്തില്‍ മുക്കിയെടുത്താല്‍ കൂടുതല്‍ ശോഭയുണ്ടാകും
വസ്ത്രങ്ങളില്‍ പശപറ്റിയാല്‍ കുറച്ച് വിന്നാഗിരി ചൂടാക്കി പുരട്ടി കഴുകിയാല്‍ പശ ഇളകിപ്പോകും
ഒരു ബക്കറ്റ് വെള്ളത്തില്‍ ഒരു ടീസ്പൂണ്‍ ഗ്ലിസറിന്‍ ചേര്‍ത്ത് പട്ടുസാരി അതില്‍ മുക്കിയെടുത്താല്‍ ചുളി വീഴുകയില്ല
വിയര്‍പ്പിന്റെ കറ പോകാന്‍ വസ്ത്രങ്ങള്‍ കഴുകുമ്പോള്‍ വെള്ളത്തില്‍ രണ്ടോ മൂന്നോ ആസ്പിരിന്‍ ഗുളികകള്‍ ഇട്ടാല്‍ നല്ലതാണ്
കോട്ടന്‍ സാരികള്‍ക്ക് കഞ്ഞി പിഴിയുമ്പോള്‍ അല്‍പ്പം ആലം കൂടി കലക്കിയാല്‍ നല്ല തിളക്കവും വെടിപ്പും കിട്ടും
തുവര്‍ത്ത് ഇടയ്ക്കിടെ വൃത്തിയാക്കാന്‍ ചൂടു കഞ്ഞി വെള്ളത്തില്‍ സോപ്പുപൊടി ചേര്‍ത്ത് തോര്‍ത്ത് അതില്‍ മുക്കിവെച്ചു കഴികിയെടുക്കുക
വസ്ത്രങ്ങളില്‍ ഗ്രീസ് പുരണ്ടാല്‍ ആ ഭാഗത്തു നനയ്ക്കാത്തെ അലക്കുസോപ്പുകൊണ്ട് ഉരയ്ക്കുക. അരമണിക്കൂര്‍ കഴിഞ്ഞു ചൂടുവെള്ളമൊഴിച്ചു കഴുകുക. ഗ്രീസ് പോകും.
അലക്കിയിട്ടും മാറാത്ത ഗ്രീസ് കറയ്ക്ക് കറയുള്ള ഭാഗത്ത് ടാല്‍കം പൗഡര്‍ വിതറി വൃത്തിയുള്ള തുണി വിരിച്ച് ഇസ്തിരിയിടുക. കറ പാടെ മാറികിട്ടും
വസ്ത്രങ്ങളില്‍ തുരുമ്പുകറ പിടിച്ചിട്ടുണ്ടെങ്കില്‍ അതു മാറ്റാന്‍, ഒരല്‍പ്പം വാളന്‍ പുളി പിഴിഞ്ഞെടുത്ത ചാറു പുരട്ടി ഒരു മണിക്കൂര്‍ കഴിഞ്ഞ് കഴുകിക്കളയുക
വസ്ത്രങ്ങളില്‍ ടാര്‍പുരണ്ടാല്‍ തുണിക്ക് കേടുപറ്റാത്ത വിധത്തില്‍ ആകാവുന്നത്രെ ചുരണ്ടിക്കളയുക. അതിനുശേഷം തുണിയില്‍ യൂക്കാലിപ്റ്റസ് പുരട്ടി കട്ടിയുള്ള സ്പോഞ്ച്കൊണ്ട് ഒപ്പിയെടുക്കുക.
യൂക്കാലിപ്റ്റസിന് പകരം ഒലിവെണ്ണയും ആകാം. പിന്നീട് ഇളം ചൂടുള്ള സോപ്പു വെള്ളത്തില്‍ തുണി കഴുകുക
വസ്ത്രത്തിലെ രക്തക്കറ കളയാന്‍ ഒരല്‍പ്പം ഉപ്പുനീര് ആ ഭാഗത്തു പുരട്ടിയതിന് ശേഷം സോപ്പുപയോഗിച്ച് കഴുകിയാല്‍ മതി.
തുണികളിലെ മിക്കവാറും എല്ലാ കറകളും ഇല്ലാതാക്കാന്‍ തക്കാളി നീരില്‍ മുക്കിയ തുണിക്കഷ്ണമുപയോഗിച്ചു കറയുള്ള ഭാഗം അമര്‍ത്തി തുടച്ച് ഒരു മണിക്കൂര്‍ കഴിഞ്ഞു കഴുകിയെടുക്കുക.
വസ്ത്രങ്ങളില്‍ തേയിലക്കറ പറ്റിയാല്‍ അല്‍പ്പം ചെറുനാരങ്ങാ നീരും ഉപ്പും കൂടി ചേര്‍ത്ത് തുടച്ചാല്‍ മതി.
വൈന്‍ തുണിയില്‍ വീണാല്‍ ഉടനെ തന്നെ ഒരു തുണ്ടു തുണി സോഡായില്‍ മുക്കി തുടയ്ക്കുക
സില്‍ക്ക് സാരിയിലെ എല്ലാവിധ കറകളും യൂക്കാലിപ്റ്റസ് ഉപയോഗിച്ച് നീക്കം ചെയ്യാന്‍ സാധിക്കും
ഫിന്‍ലാന്റിലെ റിസോര്‍ട്ടിന് മുന്നിലെ മഞ്ഞ് പൊഴിയുന്ന റോഡിലൂടെ തനി മലയാളിയായി ജയറാം; മൈനസ് തണുപ്പില്‍ മുണ്ടും ജുബ്ബയും ധരിച്ച് മാസായി നടന്ന് ജയറാം;വീഡിയോ പങ്ക് വച്ച് നടന്‍
ജോലിത്തിരക്കുകള്‍ പറഞ്ഞ് വിവാഹത്തില്‍ പങ്കെടുക്കാതിരുന്നതെങ്കില്‍ കൊല്ലുമായിരുന്നു; മനോഹരമായ ഓര്‍മകള്‍ തന്നതിന് നന്ദി; കീര്‍ത്തി സുരേഷിന്റെ കല്യാണത്തെ കുറിച്ച് ഐശ്വര്യ ലക്ഷ്മി 
വര്‍ഷങ്ങളായുള്ള പ്രണയം ജനുവരി പതിനഞ്ചാം തീയതി പൂവണിയും; വിവാഹത്തിന് മതാചാരപ്രകാരമുള്ള വിവാഹങ്ങളൊന്നും ഉണ്ടായിരിക്കില്ല; വിവാഹ വിശേഷങ്ങളുമായി കുടുംബവിളക്ക് താരം ശ്രീലക്ഷ്മി ശ്രീകുമാര്‍
ചിറക് വിരിച്ച് പറക്കുന്ന പ്രാവിന്റെ ഇമോജിയ്‌ക്കൊപ്പം അവധിയാഘോഷ ചിത്രങ്ങളുമാി ജയന്‍ രവി;വിവാഹമോചനത്തിനു ശേഷം എത്തിയ പോസ്റ്റിലൂടെ നടന്‍ പങ്ക് വക്കുന്നത് ജീവിതം ആസ്വദിക്കുന്ന ചിത്രങ്ങള്‍
സിനിമ ഇഷ്ടപ്പെടാതെ തിയറ്ററില്‍ നിന്ന് ഇറങ്ങിയോ?കാണാത്ത ഭാഗത്തിന്റെ പൈസ തിരികെ കിട്ടും;'ഫ്‌ലെക്‌സി ഷോ'യുമായി പിവിആര്‍
ആളുകള്‍ക്ക് നിങ്ങളെ ഇഷ്ടപ്പെട്ടില്ലെങ്കില്‍ കുഴപ്പമില്ല; നായകള്‍ക്ക് നിങ്ങളെ ഇഷ്ടമായില്ലെങ്കില്‍ നിങ്ങള്‍ ആശങ്കപ്പെടേണ്ടതുണ്ട്; എന്തുകൊണ്ടാണ് കോഴികള്‍ അവരുടെ ദിവസം കൂവി വിളിച്ചുകൊണ്ട് തുടങ്ങുന്നത്; ഇന്‍സ്റ്റഗ്രാം സ്റ്റോറിയിലൂടെ തൃഷ കുറിച്ചത്