പനീര്‍ കാലിമിര്‍ച് തയ്യാറാക്കാം

 പനീർ കൊണ്ട് നിരവധി വിഭവങ്ങൾ ഉണ്ടാക്കാം. അതിൽ കുരുമുളകു ചേര്‍ത്തുണ്ടാക്കുന്ന പനീര്‍ വിഭവമാണ് പനീര്‍ കാലിമിര്‍ച്. കുറഞ്ഞ സമയം കൊണ്ട് രുചികരമായ ഇവ എങ്ങനെ തയ്യാറാക്കാം എന്ന് നോക്കാം.

 അവശ്യസാധനങ്ങൾ 

 
പനീര്‍ - കാല്‍ കിലോ

സവാള - 2 എണ്ണം

ഗ്രാമ്പൂ - 2 എണ്ണം

ഏലയ്ക്ക - 2 എണ്ണം

കറുവാപ്പട്ട - ഒരു കഷ്ണം

ഇഞ്ചി ,വെളുത്തുള്ളി, പച്ചമുളകു പേസ്റ്റ് -  1 ടേബിള്‍ സ്പൂണ്‍

തൈര്‌ - 3 ടേബിള്‍ സ്പൂണ്‍

മല്ലിപ്പൊടി - 1 ടീസ്പൂണ്‍

ജീരകപ്പൊടി - മുക്കാല്‍ ടീസ്പൂണ്‍

കുരുമുളകുപൊടി -1 ടീസ്പൂണ്‍ .

മുളകുപൊടി - അര ടീസ്പൂണ്‍ .

മഞ്ഞള്‍ - കാല്‍ ടീസ്പൂണ്‍ .

ഗരം മസാല - കാല്‍ ടീസ്പൂണ്‍ .

മല്ലിയില .

ഉപ്പ് .

ഓയില്‍ .

തയ്യാറാക്കുന്ന വിധം .

സവാള ബ്രൗണ്‍ നിറമാകുന്നതു വരെ നന്നായി  വഴറ്റി അരച്ചെടുക്കുക. ശേഷം ഒരു പാനില്‍  ഓയില്‍ ഒഴിച്ച്  ചൂടാക്കി ഗ്രാമ്പൂ, കറുവാപ്പട്ട, ഏലയ്ക്ക എന്നിവ ചേർത്ത്  വഴറ്റുക.  സവാള പേസ്റ്റ് ഇതിലേയ്ക്ക് ചേര്‍ത്തിളക്കണം. പിന്നീട് ഇഞ്ചി-വെളുത്തുള്ളി-പച്ചമുളക് പേസ്റ്റും അതിനൊപ്പം  ചേര്‍ത്തിളക്കണം. ശേഷം തൈരും ചേര്‍ത്തിളക്കുക. അതിന് പിന്നാലെ  മസാലപ്പൊടികളും ഉപ്പും അതിലേക്ക്  ചേര്‍ത്തിളക്കി അല്‍പസമയം ഇളക്കുക. ശേഷം പനീര്‍ കഷ്ണങ്ങളാക്കി ചേര്‍ത്തിളക്കാം. ഇവ നന്നായി വെന്തു കഴിയുമ്പോള്‍ വാങ്ങി മല്ലിയില ചേര്‍ത്തുപയോഗിയ്ക്കാം.