സുദിനം, പടനായകന്‍, ബ്രിട്ടീഷ് മാര്‍ക്കറ്റ്, ത്രീ മെന്‍ ആര്‍മി, ബുള്ളറ്റ്, അപരന്മാര്‍ നഗരത്തില്‍ തുടങ്ങിയ ചിത്രങ്ങളിലൂടെ ഏറേ ശ്രദ്ധേയനായ നിസ്സാര്‍ സംവിധാനം ചെയ്യുന്ന ഇരുപത്തിയേഴാമത്തെ സിനിമയായ ' ടൂ മെന്‍ ആര്‍മി 'യുടെ ഫസ്റ്റ് ലുക്ക് പോസ്റ്റര്‍ റിലീസായി.
എസ്.കെ. കമ്മ്യൂണിക്കേഷന്റെ ബാനറില്‍കാസിം കണ്ടോത്ത് നിര്‍മ്മിക്കുന്ന ' ടൂ മെന്‍ ആര്‍മി ' എന്ന ചിത്രത്തിന്റെ തിരക്കഥ സംഭാഷണം പ്രസാദ് ഭാസ്‌കരന്‍ എഴുതുന്നു.
ആവശ്യത്തിലധികം പണം കെട്ടിപ്പൂട്ടി വെച്ച് ഒറ്റയ്ക്ക് ജീവിക്കുന്ന ഒരാള്‍.
ആ പണത്തില്‍ കണ്ണുവച്ചെത്തുന്ന മറ്റൊരാള്‍ ...ഈ രണ്ട് കഥാപാത്രങ്ങളുടെ മാനസിക സംഘര്‍ഷങ്ങളാണ് 'ടൂ മെന്‍ ആര്‍മി'യില്‍ നിസാര്‍ ദൃശ്യവല്‍ക്കരിക്കുന്നത്.
ഇന്ദ്രന്‍സ്, ഷാഹിന്‍ സിദ്ദിഖ് എന്നിവരാണ് ഈ രണ്ടു കേന്ദ്ര കഥാപാത്രങ്ങളെ അവതരിപ്പിക്കുന്നത്.
കൈലാഷ്,സുബ്രഹ്മണ്യന്‍ ബോള്‍ഗാട്ടി,തിരുമല രാമചന്ദ്രന്‍,അജു.വി.എസ്,
സുജന്‍ കുമാര്‍,ജയ്‌സണ്‍ മാര്‍ബേസില്‍,സതീഷ് നടേശന്‍,സ്‌നിഗ്ധ,ഡിനി ഡാനിയേല്‍,അനു ജോജി,രമ മോഹന്‍ദാസ് തുടങ്ങിയവരാണ് മറ്റു നടീനടന്മാര്‍.
തികച്ചും വ്യത്യസ്തമായ പ്രമേയത്തെ അവതരിപ്പിക്കുന്ന ഈ ചിത്രത്തിന്റെ ഛായാഗ്രഹണം കനകരാജ് നിര്‍വ്വഹിക്കുന്നു.
ആന്റണി പോള്‍ എഴുതിയ വരികള്‍ക്ക് അജയ് ജോസഫ് സംഗീതം പകരുന്നു. പ്രൊഡക്ഷന്‍ കണ്‍ട്രോളര്‍-ഷാജി പട്ടിക്കര,എക്‌സിക്യൂട്ടീവ് പ്രൊഡ്യൂസര്‍,ഷിയാസ് മണോലില്‍, എഡിറ്റിംഗ്-ടിജോ തങ്കച്ചന്‍,കലാസംവിധാനം- വത്സന്‍,
മേക്കപ്പ്-റഹിം കൊടുങ്ങല്ലൂര്‍,വസ്ത്രാലങ്കാരം- സുകേഷ് താനൂര്‍,
സ്റ്റില്‍സ്-അനില്‍ പേരാമ്പ്ര,അസ്സോസിയേറ്റ് ഡയറക്ടര്‍-റസല്‍ നിയാസ്,സംവിധാന സഹായികള്‍-കരുണ്‍ ഹരി, പ്രസാദ് കേയത്ത്പ്രൊഡക്ഷന്‍ എക്‌സിക്യൂട്ടീവ്- എന്‍.കെ.ദേവരാജ്,പി ആര്‍ ഒ-എ എസ് ദിനേശ്.
Premium Lifestyle and Entertainment website
യൂറിക് ആസിഡ്: ലക്ഷണങ്ങളും പരിഹാരവും അറിയാം
റിലേഷനിലായി മൂന്ന് മാസങ്ങള്‍ക്ക് ശേഷമാണ് ശരിയാവില്ല എന്തോ പ്രശ്‌നമുണ്ട് എന്ന് മനസിലായത്; ടോക്‌സിക്ക് റിലേഷന്‍ഷിപ്പില്‍ അകപ്പെട്ടത് ഏഴു വര്‍ഷം; ഒരു പോയിന്റില്‍ എന്റെ വീട്ടുകാര്‍ക്ക് ഫോട്ടോ മാത്രമേ കിട്ടൂ എന്ന ഘട്ടത്തിലെത്തിയപ്പോഴാണ് ബന്ധത്തില്‍ നിന്ന് പിന്മാറുന്നത്; മുന്‍കാല ബന്ധത്തെ പറ്റി അനുമോള്‍ പങ്ക് വച്ചത്