ദേശീയ പുരസ്കാര ജേതാവായ സംവിധായകന് സജിന് ബാബുവിന്റെ പുതിയ ചിത്രം, 'തീയേറ്റര്: ദ മിത്ത് ഓഫ് റിയാലിറ്റി' റഷ്യയിലെ കാസാനില് പ്രദര്ശനത്തിന് ഒരുങ്ങുന്നു. 'ബിരിയാണി' എന്ന ഏറെ ശ്രദ്ധേയമായ ചിത്രത്തിന് ശേഷം സജിന് ബാബു സംവിധാനം ചെയ്ത് അഞ്ജന ടാക്കീസ് നിര്മിക്കുന്ന ചിത്രത്തില് റിമാ കല്ലിങ്കലാണ് കേന്ദ്രകഥാപാത്രത്തെ അവതരിപ്പിക്കുന്നത്.
അഞ്ജന ടാക്കീസ് ന്റെ ബാനറില് അഞ്ജനാ ഫിലിപ്പ്, ഫിലിപ്പ് സക്കറിയ എന്നിവര് നിര്മ്മാതാക്കളായും സന്തോഷ് കോട്ടായി സഹനിര്മ്മാതാവായും എത്തുന്ന ഈ ചിത്രം, കേരളത്തിലെ മാഞ്ഞുപോകുന്ന ആചാരങ്ങളും സ്ത്രീവിശ്വാസങ്ങളും, ഐതിഹ്യവും യാഥാര്ഥ്യവും തമ്മിലുള്ള അതിര്ത്തികളും അതിലൂടെ മനുഷ്യജീവിതത്തെ ബാധിക്കുന്ന അനുഭവങ്ങളും ആഴത്തില് അവതരിപ്പിക്കുന്നു.
ഈ സിനിമയുടെ അന്താരാഷ്ട്ര യാത്രയിലെ ഒരു പുതിയ അധ്യായമാണ് കാസാനിലെ ഈ പ്രദര്ശനം. നേരത്തെ കാന്സ് ചലച്ചിത്രമേളയില് ട്രെയ്ലര് പുറത്തിറങ്ങിയപ്പോള് തന്നെ ആഗോളതലത്തില് ചിത്രം ശ്രദ്ധ നേടിയിരുന്നു. കൂടാതെ, 2025-ലെ കേരള ഫിലിം ക്രിട്ടിക്സ് അവാര്ഡുകളും 'തീയേറ്റര്: ദ മിത്ത് ഓഫ് റിയാലിറ്റി' ഇതിനകം സ്വന്തമാക്കിയിട്ടുണ്ട്. കലയും ശക്തമായ കഥാപരിസരവും ഒത്തുചേരുന്ന ഈ ചിത്രം മലയാള സിനിമയിലെ ഏറെ പ്രതീക്ഷ നല്കുന്ന ഒന്നായി മാറിയിരിക്കുന്നു.
ടാറ്റര്സ്ഥാന്-ഇന്ത്യ മ്യൂച്വല് എഫിഷ്യന്സി ബിസിനസ്സ് ഫോറത്തിന്റെ (TIME) സാംസ്കാരിക പരിപാടിയുടെ ഭാഗമായി 2025 ഒക്ടോബര് 8-നും 9-നും റഷ്യയിലെ കാസാനില് വെച്ചാണ് ചിത്രത്തിന്റെ പ്രദര്ശനം. വ്യാപാര, സാംസ്കാരിക, നയതന്ത്രബന്ധങ്ങള് ശക്തിപ്പെടുത്തുക എന്ന ലക്ഷ്യത്തോടെ സംഘടിപ്പിക്കുന്ന ഈ ഫോറം, ഇന്ത്യന് സിനിമയെക്കുറിച്ചുള്ള പ്രത്യേക പരിപാടികള്ക്കും ചര്ച്ചകള്ക്കും വേദിയൊരുക്കുന്നുണ്ട്. ഈ ഫോറം കലാപരമായ മൂല്യവും സാംസ്കാരിക പ്രാധാന്യവുമുള്ള സിനിമകളെയാണ് പ്രോത്സാഹിപ്പിക്കുന്നത് എന്നതിന്റെ തെളിവാണ് 'തീയേറ്റര്: ദ മിത്ത് ഓഫ് റിയാലിറ്റി' എന്ന ചിത്രത്തിന്റെ തിരഞ്ഞെടുപ്പ്.
ചിത്രത്തിന്റെ അണിയറ പ്രവര്ത്തകര് പ്രദര്ശനത്തില് പങ്കെടുക്കുകയും പ്രേക്ഷകരുമായി സംവദിക്കുകയും ചെയ്യും. അതോടൊപ്പം, സജിന് ബാബു 'ആധുനിക ഇന്ത്യന് സിനിമ: സമകാലിക പ്രവണതകള്' എന്ന വിഷയത്തില് ഒരു പ്രത്യേക പ്രഭാഷണവും നടത്തും. കൂടാതെ, പ്രശസ്ത സംവിധായകന് ഡോ. ബിജു ''ഇന്ത്യന് സിനിമയും സംസ്കാരാതീതമായ കഥാവതരണങ്ങളും'' എന്ന വിഷയത്തില് പ്രഭാഷണം നടത്തും.2025 ഒക്ടോബര് 16-ന് 'തിയേറ്റര്' തിയേറ്ററുകളിലെത്തും
Premium Lifestyle and Entertainment website
ഒരു ഫോണ് കോള് പോലും ആരും ചെയ്യുന്നില്ല; തന്വിയുടെ വ്ളോഗിലൂടെ സിന്ധുകൃഷ്ണയുടെ അമ്മ വെളിപ്പെടുത്തിയത് ഭര്ത്താവിന്റെ മരണത്തോടെ ഒറ്റക്കായെന്ന്; താന് കാനഡ വിട്ട് എത്തിയത് അമ്മൂമ്മക്ക് വേണ്ടിയെന്നും തന്വി; പിന്നില് ഒരുപാട് കാര്യങ്ങള് ഉണ്ട്; അമ്മൂമ്മ പ്രശ്നക്കാരിയെന്നും കസിന്റെ വെളിപ്പെടുത്തലില് പ്രതികരണവുമായി അഹാന
മഞ്ഞില്വിരഞ്ഞ പൂക്കളിലെ നായികയുടെ ഭര്ത്താവ് മലയാളിയ്ക്ക് 'മിസ്റ്റര് മരുമകനായി'! മുന്താനെ മുടിച്ചിയിലൂടെ ഉര്വ്വശിയെ ക്യാമറയ്ക്ക് മുന്നിലേക്ക് കൊണ്ടു വന്ന നായക സംവിധായകന്; ദിലീപിനെ മികച്ച നടനാക്കിയ ജ്യൂറി ചെയര്മാന് അന്ന് വിവാദത്തിലുമായി; കേരളക്കരയ്ക്കും പ്രിയങ്കരന്; ഖുശ്ബുവിന്റെ മകളുടെ വിവാഹത്തിലും സജീവ സാന്നിധ്യം; ഭാരതിരാജയ്ക്ക് പിന്നാലെയുള്ള ശിഷ്യന് ഭാഗ്യരാജിന്റെ വിയോഗം ഞെട്ടലാകുമ്പോള്