സണ്ണി ലിയോണ്‍ മുഖ്യകഥാപാത്രമാകുന്ന മലയാള ചിത്രം രംഗീലയുടെ ഷൂട്ടിങ്ങിനു ഗോവയില്‍ തുടക്കം

ബോളിവുഡ് താര സുന്ദരിയായ സണ്ണിലിയോണ്‍  മലയാളത്തില്‍ ആദ്യമായി എത്തുന്നത്  മമ്മുട്ടിയുടെ മധുര രാജയിലാണെങ്കിലും മുഖ്യകഥാപാത്രമാകുന്ന മലയാള ചിത്രം രംഗീലയാണ്. സന്തോഷ് നായരാണ് രംഗീല സംവിധാനം ചെയ്യുന്നത്. ബാക്ക് വാട്ടര്‍ പ്രൊഡക് ഷന്‍സിന്റെ ബാനറില്‍ ജയലാല്‍ മേനോനാണ് ചിത്രം നിര്‍മ്മിക്കുന്നത്.  സനില്‍ എബ്രഹാം ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഒരു യാത്രയില്‍ സംഭവിക്കുന്ന കഥയാണ് ചിത്രത്തിന്റെ പ്രമേയം. 

കൃഷ്,സജിത്ത്,ജൂബി നൈനാന്‍,തുഷാര എന്നീ യുവതാരങ്ങള്‍ക്കൊപ്പം വിജയ രാഘവന്‍,അജു വര്‍ഗീസ്,സലിംകുമാര്‍, ഹരീഷ് കണാരന്‍, ജോണി ആന്റണി, മേജര്‍ രവി എന്നിവരും ചിത്രത്തില്‍  പ്രധാന വേഷങ്ങളില്‍ എത്തുന്നു. ഈശ്വര്‍ യെല്ലു മഹന്തി ചിത്രത്തിന്റെ  ഛായാഗ്രഹണം നിര്‍വഹിക്കുന്നു. ഫോര്‍ മ്യൂസിക് സംഗീതം നല്‍കിയ ചിത്രത്തിന്റെ  കലാസംവിധാനം നിര്‍വഹിച്ചിരിക്കുന്നത് രാജീവ് കോവിലകം ആണ്.   
ചിത്രത്തിന്റെ ഷൂട്ടിംഗ് ഇന്നലെ ഗോവയില്‍ ആരംഭിച്ചു.ഗോവന്‍ ഷെഡ്യൂളില്‍ പതിനൊന്ന് വരെ സണ്ണി ലിയോണ്‍ തുടരും. ഹംപിയും കൊച്ചിയുമാണ് മറ്റ് ലൊക്കേഷനുകള്‍.