മലയാളത്തിന്റെ പ്രിയ താരം മോഹന്‍ലാല്‍ വീണ്ടും തമിഴിലേക്ക് എന്ന് വിവരം. വിജയ്‌യുടെ അച്ഛനായി എത്തിയ ജില്ലയ്ക്ക് ശേഷം മോഹന്‍ലാല്‍ തമിഴിലെ പുതു തലമുറ സൂപ്പര്‍താരത്തിന്റെ പിതാവായി എത്തിയേക്കും എന്നാണ് പിങ്ക് വില്ല റിപ്പോര്‍ട്ട് ചെയ്യുന്നത്. തമിഴ് എന്റര്‍ടെയ്‌മെന്റ് ടോക്ക് ഷോ വലേപേച്ചിലാണ് ഇത്തരം ഒരു കാസ്റ്റിംഗ് സംബന്ധിച്ച് റിപ്പോര്‍ട്ട് വന്നത്. ശിവകാര്‍ത്തികേയന്‍ സിനിമയിലാണ് മോഹന്‍ലാല്‍ എത്തുക എന്നാണ് വിവരം.
ശിവകാര്‍ത്തികേയന്‍ അടുത്തതായി തന്റെ 24-ാമത്തെ ചിത്രത്തില്‍ ഗുഡ് നൈറ്റ് എന്ന ഹിറ്റ് ചിത്രം ഒരുക്കിയ വിനായക് ചന്ദ്രശേഖറുമായി സഹകരിക്കാന്‍ ഒരുങ്ങുകയാണ്. ചിത്രത്തില്‍ എസ്‌കെയുടെ അച്ഛനായി അഭിനയിക്കാന്‍ മോഹന്‍ലാല്‍ ചര്‍ച്ചകള്‍ നടത്തുന്നുണ്ടെന്നാണ് റിപ്പോര്‍ട്ട്. അച്ഛന്‍-മകന്‍ ബന്ധത്തിലും വൈകാരിക ബന്ധത്തില്‍ ശ്രദ്ധ കേന്ദ്രീകരിക്കുന്ന ചിത്രത്തില്‍ ഒരു ശക്തമായ കഥാപാത്രമാണ് മോഹന്‍ലാലിന് മുന്നില്‍ എന്നാണ് വിവരം.
എന്നിരുന്നാലും, ഇതുസംബന്ധിച്ച് ഔദ്യോഗിക സ്ഥിരീകരണമൊന്നും ഇതുവരെ ഉണ്ടായിട്ടില്ല. ചര്‍ച്ചകള്‍ നടക്കുന്നു എന്നാണ് വിവരം. മോഹന്‍ലാല്‍ ഒരു തമിഴ് താരത്തിന്റെ പിതാവായി സ്‌ക്രീനില്‍ അഭിനയിക്കുന്നത് ഇതാദ്യമല്ല. 2014-ല്‍ പുറത്തിറങ്ങിയ ജില്ല എന്ന സിനിമയില്‍ ദളപതി വിജയും മോഹന്‍ലാലും അച്ഛനും മകനുമായി സ്‌ക്രീനില്‍ എത്തിയിരുന്നു. ചിത്രം വലിയ വിജയം നേടിയിരുന്നില്ല.
സത്യന്‍ അന്തിക്കാട് സംവിധാനം ചെയ്യുന്ന 'ഹൃദയപൂര്‍വ്വം' എന്ന ചിത്രത്തിലാണ് താരം ഇപ്പോള്‍ അഭിനയിക്കുന്നത്. അതേസമയം എആര്‍ മുരുകദോസ് സംവിധാനം ചെയ്യുന്ന മദ്രാസി എന്ന ആക്ഷന്‍ ത്രില്ലറിലാണ് ശിവകാര്‍ത്തികേയന്‍ അടുത്തതായി പ്രത്യക്ഷപ്പെടുന്നത്. രജനികാന്ത് നായകനാകുന്ന ചിത്രീകരണം ആരംഭിച്ച ജയിലര്‍ 2 ചിത്രത്തില്‍ മോഹന്‍ലാല്‍ ഉണ്ടെന്നാണ് വിവരം. ഇതിന്റെ ഒന്നാം ഭാഗത്തെ മോഹന്‍ലാലിന്റെ റോള്‍ ശ്രദ്ധിക്കപ്പെട്ടിരുന്നു.
കൂടാതെ, രവി മോഹന്‍, ശ്രീലീല, അഥര്‍വ മുരളി എന്നിവര്‍ പ്രധാന വേഷങ്ങളില്‍ എത്തുന്ന പരാശക്തിയിലും ശിവകാര്‍ത്തികേയന്‍ പ്രധാന റോള്‍ ചെയ്യുന്നുണ്ട്. ഇതിന്റെ ചിത്രീകരണം പൂര്‍ത്തിയായി വരുകയാണ്.
Premium Lifestyle and Entertainment website
ചന്ദ്രലേഖയ്ക്ക് ഇനി പുതിയ മുഖം; ഹൃദയം സീരിയലിലെ വില്ലത്തിയായി ഇനി മുതല്‍ എത്തുക പ്രതീക്ഷ പ്രദീപ്
ബേബി ഗേളിന്റെ വൈക്കത്തെ ലൊക്കേഷനില്‍ ജോയ്ന്‍ ചെയ്ത് നിവിന്‍ പോളി; വിവാദങ്ങള്‍ക്കിടെ ലൊക്കേഷന്‍ വീഡിയോ പങ്ക് വച്ച് ലിസ്റ്റിന് സ്റ്റീഫന്‍