ഷിയാസ് കരീമിന്റെ വിവാഹ വിശേഷങ്ങള്‍ ആണ് സോഷ്യല്‍ മീഡിയ നിറയെ. ഇന്നലെയായിരുന്നു ഷിയാസ് വിവാഹജീവിതത്തിലേക്ക് കടന്നത്.
ബിഗ് ബോസ് താരങ്ങള്‍ മിക്കവരും പങ്കെടുത്ത ഷിയാസിന്റെ വിവാഹത്തിന് സിനിമ സീരിയല്‍ രംഗത്തെ പ്രമുഖരും പങ്കാളികളായി.ലക്ഷങ്ങള്‍ പൊടിപൊടിച്ചുകൊണ്ട് നല്ല ഉഗ്രന്‍ വിവാഹസത്കാരം ആണ് ഷിയാസ് ഒരുക്കിയത്. തന്റെ പെണ്ണിന്റെ പിറന്നാള്‍ ദിനം കൂടി ആകയാല്‍ അതും കളറാക്കി മണവാളനും കുടുംബവും.
അക്ഷരാര്‍ത്ഥത്തില്‍ മണവാട്ടിയെ ഞെട്ടിച്ചു കളഞ്ഞു ഷിയാസ് കരീം. ബുര്‍ജ് ഖലീഫ മുതല്‍ ഭീമന്‍ ചോക്ലേറ്റ് ഹാംബര്‍ വരെയുള്ള കിടിലന്‍ ഗിഫ്റ്റുകളും പൂക്കളും ചോക്ലേറ്റ്‌സും മറ്റു സമ്മാനങ്ങളും ഒക്കെ ചേര്‍ത്തുവച്ചാണ് തന്റെ പ്രിയപ്പെട്ടവളെ ഷിയാസും കുടുംബവും എതിരേറ്റത്.
ആദ്യവിവാഹം ഉറപ്പിക്കും മുന്‍പേ പെണ്ണ് കണ്ട കൂട്ടത്തില്‍ ദര്‍ഭ ഉണ്ടായിരുന്നു എന്നും എന്നാല്‍ അന്ന് അത് വേണ്ടെന്നു വച്ചതും ഷിയാസ് കഴിഞ്ഞദിവസം തുറന്നുപറഞ്ഞിരുന്നു. ആ പെണ്ണ് കാണലിന് ശേഷം ദര്‍ഭയുമായി നല്ല സൗഹൃദത്തില്‍ ആയിരുന്നു താനെന്നും എന്നാല്‍ പ്രായം കുറവായതുകൊണ്ടാണ് അന്ന് വിവാഹം ചെയ്യാതെ ഇരുന്നത് എന്നും ഷിയാസ് പറയുന്നു.
ദര്‍ഫ അബുദാബിയിലാണ്. എമിറേറ്റ്‌സ് എന്‍ബിഡിയിലാണ് ജോലി. അവര്‍ കുടുംബമായി അവിടെയാണ് താമസം. ഒരു അനുജന്‍ ആണ് ദര്ഭക്ക്.
പെരുമ്പാവൂര്‍ സ്വദേശിയായ ഷിയാസ് മോഡലിംഗ് രംഗത്തു സ്വന്തം വ്യക്തിമുദ്ര പതിപ്പിച്ച വ്യക്തിയാണ്. ബള്‍ഗേറിയയില്‍ നടന്ന 'മിസ്റ്റര്‍ ഗ്രാന്‍ഡ് സീ വേള്‍ഡ് 2018'-ല്‍ ആദ്യ അഞ്ചു പേരില്‍ ഒരാളായും ഷിയാസ് തിരഞ്ഞെടുക്കപ്പെട്ടിരുന്നു
ഫിറ്റ്‌നസിന്റെ കാര്യത്തില്‍ ശ്രദ്ധാലുവായ ഷിയാസ് സ്വന്തമായി ജിമ്മും നടത്തുന്നുണ്ട്. സ്റ്റാര്‍ മാജിക് ഷോയിലൂടെയും ഏറെ സുപരിചിതനാണ് ഷിയാസ്. വിവാഹശേഷം ഇരുവരും ഗള്‍ഫിലേക്ക്‌പോകുമെന്ന് ഷിയാസ് പറഞ്ഞു.
Premium Lifestyle and Entertainment website
സെറ്റില്‍ അങ്ങനെ സംഭവിച്ചു എന്ന് പരോക്ഷമായി സമ്മതിക്കുന്ന പദ്മകുമാറിന്റെ ഗതികേടില്‍ സഹതാപം; ഗുരുവിനെ വെള്ളപൂശാന്‍ ലോഡ് കണക്കിന് വൈറ്റ് സിമന്റ് വേണ്ടി വന്നേക്കും; പത്മകുമാറിനെതിരേ പോസ്റ്റുമായി ആലപ്പി അഷ്‌റഫ്; ആറാം തമ്പുരാന്റെ ലൊക്കേഷന്‍ കഥ ചര്‍ച്ചയാകുമ്പോള്‍