നടി ശ്വേത മേനോനെതിരെയുള്ള പൊലീസ് പരാതി കെട്ടിച്ചമച്ചതെന്ന് നടി സീമ ജി. നായര്‍. ഏതു നീതിപീഠം വരെ പോയാലും ഇതിന്റെ പുറകില്‍ പ്രവര്‍ത്തിച്ചവര്‍ക്ക് അര്‍ഹിക്കുന്ന ശിക്ഷ വാങ്ങികൊടുക്കണമെന്നും ആര്‍ക്കോ വേണ്ടി തിളക്കുന്ന സാമ്പാറിലെ കഷ്ണങ്ങള്‍ ആയി ശ്വേത മേനോനും കുക്കു പരമേശ്വരനും മാറരുതെന്നും സീമ സമൂഹ മാധ്യമത്തിലൂടെ വ്യക്തമാക്കി.
സീമ ജി നായരുടെ ഫേസ്ബുക്ക് പോസ്റ്റ്: നമസ്‌ക്കാരം.. ഇന്നലെ വളരെയേറെ വിഷമം ഉണ്ടാക്കിയ ഒരു പ്രശ്‌നം ആണ് ആരുടെയോ സ്വാര്‍ത്ഥ താല്പര്യം കൊണ്ട് പൊങ്ങി വന്നത് ..! എന്തിനു വേണ്ടി ,ആര്‍ക്കുവേണ്ടി എന്ന് ചോദിച്ചാല്‍ വ്യക്തമായ ഉത്തരം തന്നെയുണ്ട് ..അരിയാഹാരം കഴിക്കുന്ന ആര്‍ക്കും അത് മനസിലാകും..അമ്മയെ തകര്‍ത്തേ അടങ്ങു എന്ന പിടിവാശി ചിലര്‍ക്ക് ..കുറച്ചു പാവങ്ങള്‍ ഇതില്‍ നിന്ന് കിട്ടുന്ന മരുന്നിനും ,കൈ നീട്ടത്തിനും വേണ്ടി കാത്തിരിക്കുന്നുമുണ്ട് ..അവരുടെ മനസ്സ് ഓര്‍ക്കണ്ടേ ..അമ്മ എന്ന പേര് പോലും വെളിയില്‍ ഉച്ചരിക്കാന്‍ കഴിയാത്ത രീതിയില്‍ തല കുനിക്കേണ്ടി വരുന്നു ..ഓരോ ദിവസവും ഇടി വെട്ടുന്ന സമയത്തു വിഷ കൂണുകള്‍ പൊങ്ങി വരുന്നതുപോലെ ഓരോന്ന് വരുന്നു .. എത്ര മോശം ആയാണ് ആ കുട്ടിയെ കുറിച്ച് പറഞ്ഞത് ..14വര്‍ഷത്തിന് മുന്നേ കയം എന്ന സിനിമയില്‍ അഭിനയിക്കുമ്പോള്‍ ഒരുമിച്ചു കുറെ ദിവസങ്ങള്‍ ,അന്ന് തുടങ്ങിയ സ്‌നേഹം ,എന്നും ഫോണ്‍ ചെയ്‌തോ, കണ്ടോ ഉള്ള ബന്ധം അല്ല ..ആദ്യമായി കണ്ട അന്നുമുതല്‍ ഒരേ രീതിയില്‍ ഇടപെടുന്ന ചുരുക്കം ചിലരില്‍ ഒരാള്‍ അവരെ കുറിച്ച് എത്ര വൃത്തികെട്ട രീതിയില്‍ ആണ് എഫ്‌ഐആര്‍ ഇട്ടിരിക്കുന്നത് .
അവര്‍ നടത്തുന്ന സ്ഥാപനങ്ങള്‍ ,അവര്‍ കുട്ടികളെ വഴി തെറ്റിക്കുന്ന വീഡിയോസ് ചെയ്യുന്നു ..അയ്യോ കേട്ടാല്‍ അറക്കുന്ന വിവരങ്ങള്‍ ..കളിമണ്ണോ ,പാലേരി മാണിക്യമോ ,കയമോ ,കാമസൂത്രയോ എന്തും ആയിക്കോട്ടെ ..അതെല്ലാം നിയമ വിധേയം ആയി സെന്‍സര്‍ ബോര്‍ഡിന്റെ അംഗീകാരത്തോടെ റിലീസ് ചെയ്തവ ..ഇനി അടുത്തത് പോണ്‍ സൈറ്റില്‍ വീഡിയോസ് ഉണ്ടെന്ന് ..ആര്‍ക്കും ആരുടെ വിഡിയോയും മോര്‍ഫിംഗ് ചെയ്തിടാമെന്ന ഈ കാലഘട്ടത്തില്‍ ,ബാന്‍ ചെയ്ത സൈറ്റില്‍ പോയി(മാര്‍ട്ടിന്‍ എന്ന ആള്‍ക്ക് മാത്രം ഇത് കാണാം )ഇതൊക്കെ കണ്ടു എന്ന് പറയുമ്പോള്‍ ..ഏതു പൂട്ടും തുറക്കാവുന്ന ഒരു മഹാനാണോ ഇതെന്ന് അത്ഭുതപെട്ടുപോയി ..ബാന്‍ ചെയ്ത സാധനങ്ങള്‍ തുറന്നു കൊടുക്കാന്‍ കഴിവുള്ള ആള്‍ക്കാര്‍ ഇവിടെ ഉള്ളിടത്തോളം മാര്‍ട്ടിന്‍ വിഷമിക്കണ്ട കാര്യം ഇല്ലല്ലോ .അമ്മയുടെ പ്രസിഡന്റ് സ്ഥാനത്തു മത്സരിക്കുന്നു എന്ന തെറ്റാണു ശ്വേത ചെയ്തത് ..കുക്കു പരമേശ്വരനും ആ ഒരു തെറ്റാണു ചെയ്തത് ..ഏതു നീതിപീഠം വരെ പോയാലും അര്‍ഹിക്കുന്ന ശിക്ഷ ഇതിന്റെ പുറകില്‍ പ്രവര്‍ത്തിച്ചവര്‍ക്ക് വാങ്ങികൊടുക്കണം ..
ആര്‍ക്കോ വേണ്ടി തിളക്കുന്ന സാമ്പാറിലെ കഷ്ണങ്ങള്‍ ആയി ശ്വേതയും ,കുക്കുവും മാറരുത് ..ഒരു സ്ഥാനത്തിന് വേണ്ടി എന്ത് ചീഞ്ഞ കളിയും കളിക്കുന്നവര്‍ കളിക്കട്ടെ ..പക്ഷെ നിങ്ങള്‍ ജയിച്ചേ ആവണം ..മറ്റൊന്നും കൊണ്ടല്ല അത്രയും മനസ്സ് വിഷമിക്കുന്ന കാര്യങ്ങള്‍ ആണ് ഓരോ നാളിലും പുറത്തു വരുന്നത് ..ഇനിയെല്ലാം വരുന്നിടത്തു വെച്ച് കാണാം ..ധൈര്യമായി മുന്നോട്ടു പോകുക ..മുന്നോട്ടുപോയെ പറ്റൂ
Premium Lifestyle and Entertainment website
അംഗീകാരങ്ങളുമായികൊങ്കണി സിനിമ' തര്‍പ്പണ' 
അധര്‍മ്മത്തിന്റെ വിളനിലമായ 'അധര്‍മ്മസ്ഥല' സിനിമയാവുന്നു; അരുണാചല്‍ പ്രദേശ് ,ടിബറ്റ്,ഭൂട്ടാന്‍, കൊല്ലങ്കോട് ലൊക്കേഷനുകള്‍